Friday, May 24, 2013

KIO/KIA DAT KASA NI HPE MYU SHA NI WU WU DI DI HKAP TAU NA HKYEN

(Jinghpawkasa)

May (28) ya shani Myitkyina Muklum, Manau Wang Majoi Gawknu kaw galaw na Wunpawng Mungdan Shanglawt Asuya KIO/KIA hte Myen asuya ni a hkrum zup bawngban hpawng de du sa wa na KIO Ningbaw Ningla, Dat Kasa ni hpe Myitkyina hte Waimaw ginra kaw na Jinghpaw Wunpawng mungshawa ni wu wu di di hkaptau hkalum la na lam shiga na lu ai. Ndau zawn  Wunpawng Mungdan Shanglawt Asuya KIO/KIA dat kasa ni hpe hkap tau na lam hta buga masha n kau mi kawn hkrit tsang ai lam ni nga ai lam na chye lu ai. N dai zawn hkrit tsang ai lam gaw buga masha ni KIO/KIA dat kasa ni hpe wu wu di di hkap tau hkalum la ai hpe myen hpyen ni kawn media kawn shanhte ra ai hku mungkan de bai gale ndau kau ya na hpe tsang ai lam re hpe na chye lu ai.


KIO/ KIA dat kasa ni hpe hkap tau hkalum la na lam hte seng nna woi awn ai myit su salang ni kawn Kachin ni yawng hkra KIO/ KIA re hpe madun na aten rai sai lam, KIO/ KIA gaw Kachin yawng a gawng malai re hpe mungkan ting chye na hkra htawng madun ra sai, nga nna Jinghpaw Kasa hte tsun shana lai wa sai. May (27) ya shani myen hte bawngban na matu du sa wa na Wunpawng Mungdan Shanglawt Asuya Ningbaw Ningla ni hpe tau hkalum ai lam hta Kachin tai ai Labau lit re ngu myit la let, Wunpawng Myusha ni yawng wu wu di di jawm hkap tau hkalum sa wa ga nga nna matut tsun shana wa ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။