Thursday, May 30, 2013

စစ်မှန်သော ဖက်ဒရယ်စနစ် တည်ဆောက်ရေးကို ထောက်ခံကြောင်း KIO ငြိမ်းချမ်းရေး ကိုယ်စားလှယ်အဖွဲ့နှင့် တွေ့ဆုံပွဲတွင် ကချင်လူထုက ပြောကြားခဲ့

(Eleven Media Group)

စစ်မှန်သော ဖက်ဒရယ်စနစ် တည်ဆောက်ရေးကို ထောက်ခံကြောင်း KIO ငြိမ်းချမ်းရေး ကိုယ်စားလှယ်အဖွဲ့နှင့် တွေ့ဆုံ ပွဲတွင် ကချင်လူထုက ပြောကြားခဲ့ကြောင်း သိရပါသည်။

KIO ငြိမ်းချမ်းရေး ကိုယ်စားလှယ်အဖွဲ့နှင့် ကချင်လူထု တွေ့ဆုံပွဲကို မေ ၂၉ ရက်က မြစ်ကြီးနားမြို့၊ မနောကွင်း၌ ပြုလုပ်ခဲ့ပြီး ထိုတွေ့ဆုံပွဲတွင် စစ်မှန်သော ဖက်ဒရယ်စနစ် တည်ဆောက်ရေးကို ထောက်ခံကြောင်း ကချင်လူထုက ပြောကြားခဲ့ခြင်း ဖြစ်ပါသည်။


ကချင်ဘာသာ စကားဖြင့် အပြန်အလှန် ဆွေးနွေးခဲ့ကြသည့် ထိုဆွေးနွေးပွဲတွင် KIO ၏ ငြိမ်းချမ်းရေး လမ်းစဉ်နှင့် ဖက်ဒရယ် ကိစ္စများကိုသာ အဓိကထား ပြောကြားခဲ့ခြင်းဖြစ်ကြောင်း တွေ့ဆုံပွဲသို့ တက်ရောက်ခဲ့သည့် ဒေါက်တာတူးဂျာက The Daily Eleven သတင်းစာသို့ ပြောကြားခဲ့ပါသည်။

"ဖက်ဒရယ်စနစ် တည်ဆောက်ရေးကို ကချင်လူထုက ထောက်ခံတယ်။ ငြိမ်းချမ်းရေးကို ဆက်လက်အကောင်အထည် ဖော်ဖို့လည်း တိုက်တွန်းတယ်ဆိုတဲ့ အချက်တွေကိုပဲ ပြည်သူလူထုက အဓိက ပြောခဲ့ပါတယ်။ မူးယစ်ဆေးဝါး ပျံ့နှံ့နေတာကို ထိန်းချုပ်ဖို့ တစ်ယောက်စ၊ နှစ်ယောက်စ ထပြောတာလည်း ရှိပါတယ်" ဟု ဒေါက်တာတူးဂျားက ပြောကြားသည်။

ဖက်ဒရယ်စနစ် တည်ဆောက်ရာတွင် ကချင်တိုင်းရင်းသားများသာ မကဘဲ ကချင်မဟုတ်သော တိုင်းရင်းသားများကိုပါ လက်တွဲခေါ်ယူရန် ကြိုးပမ်းရမည်ဟု KIA ဒုတိယ စစ်ဦးစီးချုပ် ဗိုလ်ချုပ်ဂွမ်မော်က ကချင်လူထုအား ပြောကြားခဲ့ပါသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။