Thursday, May 30, 2013

အစိုးရ နဲ့ KIA လက်မှတ်ထိုးကြတဲ့ သဘောတူညီချက် ၇ ချက်

(ဧရာဝတီ)

မြစ်ကြီးနားမြို့ ၃ ရက်ကြာ ဆွေးနွေးပွဲ ဒီကနေ့ အဆုံးသတ်ရာမှာ အချက် ၇ ချက်ကို လက်မှတ်ထိုး သဘောတူနိုင်ခဲ့ပါတယ် တဲ့။

ဆွေးနွေးပွဲကို ကုလ အထူးကိုယ်စားလှယ် မစ္စတာ နမ်ဘီးယား၊  တရုတ်သံတမန် တဦး၊ မြို့မိမြို့ဖ ၁၀ ဦး၊ တိုင်းရင်းသားလက်နက်ကိုင် ၈ ဖွဲ့တို့က လေ့လာသူများအဖြစ် တက်ရောက်ခဲ့တယ်လို့ ဆိုပါတယ်။

၇ ချက်ကို ကူးယူ ဖော်ပြလိုက်ပါတယ်။


၁-နိုင်ငံတော်အစိုးရနှင့် ကေအိုင်အိုတို့ နိုင်ငံရေးဆွေးနွေးမှုများ ဆက်လက်ဆောင်ရွက်ရန် သဘောတူသည်။


၂-နှစ်ဖက်တပ်ဖွဲ့များမှ ပစ်ခတ်တိုက်ခိုက်မှုများလျော့ချခြင်း၊ တိုက်ပွဲများ ထပ်မံမဖြစ်ပွားအောင် ထိန်းသိမ်းခြင်းတို့ကို ဆောင်ရွက်သွားရန် သဘောတူသည်။

၃-နှစ်ဖက်ကိုယ်စားလှယ်များပါဝင်သော စောင့်ကြည့်ကြီးကြပ်ရေးအဖွဲ့ ဖွဲ့စည်းရန် မူအားဖြင့် သဘောတူသည်။

၎-နယ်မြေလုံခြုံရေးအရ နေရပ်စွန့်ခွာ ရွှေ့ပြောင်းနေထိုင်သည့် ပြည်သူများအတွက် ပြန်လည်ထူထောင်ရေးကိစ္စရပ်များကို ညှိုနှိုင်းကာ ဆက်လက် ဆောင်ရွက်သွားရန် သဘောတူသည်။

၅-တပ်ပိုင်းဆိုင်ရာ တပ်နေရာချထားမှုများနှင့်ပတ်သက်ပြီး ဆက်လက်ညှိုနှိုင်း ဆောင်ရွက်ရန် သဘောတူသည်။

၆-လိုအပ်သော လုပ်ငန်းစဉ်များကိုညှိုနှိုင်းဆောင်ရွက်ရန် ကေအိုင်အို ကိုယ်စားလှယ်နှင့် အလုပ်အဖွဲ့ကို မြစ်ကြီးနားမြို့တွင် ထားရှိသွားရန် သဘောတူသည်။

၇-နောက်တကြိမ်ဆွေးနွေးပွဲတွင် ယခုအကြိမ်တက်ရောက်သည့် အဖွဲ့များမှ ကိုယ်စားလှယ်များ ပြန်လည်တက်ရောက်ရန် သဘောတူညီသည်။ အခြားဖိတ်ကြားလိုသော အဖွဲ့များရှိပါက နှစ်ဖက်ညှိုနှိုင်းဆောင်ရွက်သွားရန် သဘောတူညီသည်။ 





No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။