Saturday, May 4, 2013

KIA Masat (5) Dap Dung, Namhkyi Maw Mayan Gasat Poi Byin

(Kachinnet)


KIA Masat (2) Dap Ba Masat (5) Dap Dung makawp maga ginra Namhkyi maw mayan hkan shang shamu shamawt chyinglau hkawm nga ai Myen Asuya Hpyen Dap Hk.L.Y (93) Dap na hpyen hpung ni hpe KIA Masat (5) Dap Dung na hpyen hpung ni 2013 May (3) ya shani hkying (5:20)pm aten ram hta hkrum katut gasat poi byin ai lam hpe chjye lu ai.

Ndai aten laman KIA Masat (4) Dap Ba makawp maga ginra kata de mung, Myen Asuya Hpyen Dap ni matut shamu shamawt chyinglau hkawm nga ai hta sha n-ga, hpunau Sam SSPP/SSA hte Hpunau Balawng TNLA ni shamu shamawt nga ai ginra de Myen Asuya Hpyen Dap ni hpyen n-gun jat chyinglau nga dingyang re majaw majan hkrit tsang ai mung shawa ni gaw Lashio, Tang Yang, hte Miwa Gumsan Mungdan jarit mayan de matut manoi hprawng koi yen nga ai lam hpe chye lu ai. 

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။