Monday, May 6, 2013

KIA Dap Dung (5) Ginra Hte Lahta Sam Mung Ginra Ni Hta Matut Manoi Gasat Poi Byin Nga

(Kachinnet)

KIA Masat (2) Dap Ba, Masat (5) Dap Dung makawp maga ginra hta 2013 May (5) ya shana maga hkying (3:15)pm kaw nna hkying (3:30)pm aten laman Nam Hkyi Maw maga kaw na htu shadut chyinglau hkawm nga ai Myen Asuya Hpyen Dap Hk.L.Y (93) Da[ ka hpyen hpung ni hpe KIA Masat (5) Dap Dung na hpyen hpung ni ninghkap gasat poi byin ai lam hpe chye lu ai.


Dai shani hkying (3:15)pm kaw nna hkying (3:50)pm aten laman Lahta Sam Mung, KIA masat (4) Dap Ba, Masat (38) Dap Dung makawp maga ginra kata hku nna Munggu de htu lung wa ai Kuthkai Daju, Myen Asuya Hpyen Dap Hk.L.Y( 242) Dap na hpyen hpung ni hpe KIA Masat (38) Dap Dung na hpyen hpung ni Sambu hte Kila mare lapran kaw ninghkap shingla gasat poi byin ai lam hpe chye lu ai.

Lahta Sam Mung ginra de Myen Asuya Hpyen Hpung ni matut manoi hpyen n-gun jat let shamu shamawt chyinglau hkawm nga ai lam hpe chye lu ai.

Laiwa sai 2013 May (4) ya shana maga hkying (3:30)pm aten ram KIA Masat (4) Dap Ba, Masat (17) Dap Dung makawp maga ginra kata de shang shamu shamawt chyinglau hkawm nga ai Myen Asuya Hpyen Dap Hk.L.Y (127) na hpyen hpung ni hpe KIA Masat (17) Dap Dung na hpyen hpung ni Panghkam mare makau kaw ninghkap shingla gasat poi byin ai lam hpe chye lu ai.

Matut nna 2013 May (2-3) ya laman hpunau Sam SSPP/SSA hpyen hpung ni shara la nga ai Pang Sau hpyen dap maga de Myen Asuya Hpyen hpyen hpung marai (200) ram hte Lahu BGF hpyen hpung marai (80) ram pawng hpawm nna htim gasat lung wa ai majaw hpunau Sam SSPP/SSA hpyen hpung ni laja lana ninghkap gasat ai, gasat poi byin ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။