Thursday, May 9, 2013

ကချင်တွေလဲ မြန်မာ ပါတဲ့။

(Kachin Duwa)

ကချင်လူမျိုးတွေလဲ မြန်မာတွေပါ လို့ ပြောပြောနေတာ သတိထားမိပါတယ်။ ဟုတ်ကဲ့.... ကချင်တွေက မြန်မာ ဖြစ်ချင်လို့ လွန်ခဲ့တဲ့ နှစ်ခြောက်ဆယ်ကျော်ကတည်းက ပင်လုံစာချုပ်မှာ လက်မှတ်ရေးထိုးခဲ့တာပါ။

ဒါပေမယ့်... အဲဒီ စာချုပ်အတိုင်း မြန်မာဖြစ်ခွင့်မရခဲ့ဘူး။ ဒုတိယ နိုင်ငံသား ဖြစ်သွားတယ်။ ဘာလို့လဲ ဆိုတော့ ကချင်တွေဟာ ခရစ်ယာန် ဖြစ်လို့ပဲ။ ကျောင်းသားဘ၀ တုန်းက ပူတာအို မှာ ဘူတာရုံပိုင် အလိုရှိတယ်တဲ့ လို့ ပြောင်နောက်တာကို ယုံတဲ့ ဗမာငအ က မြို့နယ်မှူးတွေ တက်ဖြစ်။ သူနဲ့ အလုပ်အတူတူ ၀င်တဲ့ သူ့သူငယ်ချင်းကချင်တွေက ဘ၀ တစ်သက်တာ စာရေးဘ၀ က မတက်တော့ဘူး၊ တဲ့။ စစ်တပ်ထဲမှာ ဗုဒ္ဓဘာသာ ပြောင်းခိုင်းတာ မပြောင်းလို့ ဆိုပြီး ပင်စင်ပေးခံရတာတွေလဲ ရှိတယ်။ ရန်ကုန် စက်မှုသက္ကသိုလ် က နည်းပြဆရာ ကချင်တစ်ယောက် (နာမည်မဖေါ်ပြတော့ပါ) လဲ ဗုဒ္ဓဘာသာ ပြောင်းခိုင်းတာ မပြောင်းလို့ ဆိုပြီး အသက် ၃၀ ကျော်မှာ အထုတ်ခံရတယ်။ နောက်တော့ စင်ကာပူမှာ နာနို နည်းပညာနဲ့ ပါရဂူဘွဲ့ ရပြီး မြန်မာပြည်မပြန်ပဲ အခု စင်ကာပူ မှာ အလုပ်ကောင်းရနေပြီ။



နိုင်ငံတော်အဆင့်က သမ္မတ ကိုယ်တိုင် ဗုဒ္ဓဘွဲ့တွေ အမျိုးမျိုးချီးမြင့်နေတဲ့ အချိန် သာသနာရေး ၀န်ကြီးဌာန က ကချင်တွေရဲ့ ဘာသာ တရား အတွက် တပြားမှ အကုန်အကျ မခံဖူးတဲ့ အပြင်... ဘုရားကျောင်းဆောက်ခွင့်တွေ မရခဲ့ဖူးဘူး။ ကချင်ဘုရားကျောင်းတွေ အများကြီးပဲ လို့ ပြောလိမ့်မယ်။ ဟုတ်ကဲ့.. ဘုရားကျောင်းလို့ နာမည် မတပ်ရပါဘူး။ ရိပ်သာ လို့ပဲ နာမည် တပ်ခိုင်းတာပါ။

ဘုန်းတော်ကြီး ပညာသင်စနစ်ကို ဥပဒေ အရ တရားဝင် ဖြစ်အောင် လုပ်နေတဲ့အချိန်၊ အဲဒီ ဥပဒေမှာ မစ်ရှင်ကျောင်း မဖြစ်ရ လို့ အသိအလင်း ဖေါ်ပြထားတယ်။ ဆိုလိုတာက ခရစ်ယာန်ကျောင် မဖွင့်ရလို့ ဆိုလိုတဲ့သဘော ဖြစ်နေတော့ ကချင်တွေ၊ ချင်းတွေ လို ခရစ်ယာန်တွေက ဘုန်းတော်ကြီးကျောင်းလို ဘာသာရေး အခြေခံတဲ့ ကျောင်း မဖွင့်ရ ဆိုတဲ့ သဘော ဖြစ်သွားတယ်။


ကချင်ခရစ်ယာန် ဆိုတဲ့ မှတ်ပုံတင်ဟာ အမြဲတမ်း ခရီးသွားထောက်ခံစာ ပါရတယ်။ အချိန်မရွေး အစစ်ခံရနိုင်ပါတယ်။ မြစ်ကြီးနား-မန္တလေး ရထားပေါ်မှာ တတွဲလုံး လူမျိုးပေါင်းစုံ (တရုတ်၊ ကုလားမျိုးနွယ်စုံ) ရှိပေမယ့် ပြည်သူ့ရဲ ဆိုသူတွေက မှတ်ပုံတင်ပြခိုင်းပြီး ကချင်ခရစ်ယာန် ဆိုရင် အားလုံးဝိုင်းစစ်တယ်။ ရှိသမျှ ပစ္စည်း အကုန်နှိုက်စစ်ခံရတယ်။ ခရီးသွားထောက်ခံစာ ပြရတယ်။ အခုမှ မဟုတ်၊ လွတ်လပ်ရေး ရပြီး ၁၀ နှစ်နောက်ပိုင်းကစတာပါ။


ရန်ကုန်မြို့မှာ ကချင် ဆိုရင် အိမ်ထောင်စု စာရင်း မလုပ်ပေးဘူး။ မြစ်ကြီးနားမြို့ပေါ်မှာတော့ အောက်ပိုင်းက ဗမာလက်သမား တွေအတွက် ကချင်လယ်တွေသိမ်းပြီး နေရာချပေးတဲ့ အပြင်၊ အိမ်ထောင်စု ပါ အခမဲ့ ချပေးတယ်။ တွက်လိုက်ရင်အများကြီးပါ။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။