Saturday, May 18, 2013

နယ်စပ်၌ တရားမ၀င်သစ်ထုတ်ခြင်း တိုးလာ

(Myanmar Times)

ရှမ်းပြည်နယ် မြောက်ပိုင်းနှင့် ကချင်ပြည်နယ် တောင်ပိုင်းတို့၌ တာရှည် ဖြစ်ပွားနေသည့် ပဋိပက္ခများ
ကြောင့် တရားမ၀င် သစ်ထုတ်ယူခြင်းနှင့် တင်ပို့မှုတို့မှာ သိသိသာသာ တိုးလာကြောင်း ဒေသခံများ
က ပြောသည်။

လွန်ခဲ့သည့် ဆယ်စုနှစ်အတွင်း ကတည်းက မြန်မာနိုင်ငံတွင် တောပြုန်းခြင်းနှင့် မြေအခွင့်အရေးများ
ကို လေ့လာနေသူ သုတေသန တစ်ဦးက ဧပြီလဆန်း လောက်က တရုတ်နယ်စပ်မြို့ ရူလီအနီး၌
တွေ့ရှိခဲ့သည့် အဖြစ်ကြောင့် တုန်လှုပ်သွား ခဲ့ရကြောင်း ပြောသည်။



လမ်း၏တစ်ဖက်တစ်ချက် ငါးမိုင်လောက်ရှည်လျားသည့်နေရာများ၌ သစ်ဆိုင်များကိုသာ တွေ့ခဲ့ရ
ကြောင်း၊ နယ်စပ်အနီးသို့ ရောက်လာသည့်အခါတွင်လည်း စစ်ဆေးရေးဂိတ်မှနေပြီး တန်ချိန် ၁၅-
၂၀ တင်ဆောင်နိုင်သည့် ထရပ်ကား အစီးငါးဆယ်ခန့်ကို တွေ့ခဲ့ ရကြောင်း၊ ရက်သတ္တပတ်အတွင်း
မှာ ပို၍လှုပ်ရှားသွားလာမှု ပို၍များကြောင်း၊ တစ်နေ့လျှင် ထရပ်ကား အစီး ၂၀၀ ခန့် မြန်မာနိုင်ငံ
ဘက် (နမ့်ခမ်း) မှ တရုတ် နိုင်ငံ (နန်ဒေါင်) ထဲသို့ ၀င်ရောက်ကြောင်း ထိုသုတေသနပညာရှင်က
ပြောသည်။

အမည်မဖော်လိုသည့် ထိုသုတေသနပညာရှင်က သူသိရှိရသည့် သတင်းများမှာ ခိုင်လုံသည့်
လေ့လာမှုများထက် ပုံပြင်ဆန်ပြီး မျက်မြင်သက်သေများ၏အပေါ်၌ အခြေခံကြောင်း ပြောသည်။

ကချင်ဖွံ့ဖြိုးရေး ကွန်ရက်အဖွဲ့မှ အရာရှိ ဆိုင်းခါဆန်သည် ရှမ်းနှင့် ကချင်ပြည်နယ်တို့၌ ကျယ်ကျယ်
ပြန့်ပြန့် ခရီးသွားလာသူတစ်ဦးဖြစ်ပြီး ၎င်းကိုယ်တိုင်က ဤသတင်းကို အတည်ပြုခဲ့သည်။

လွန်ခဲ့သည့် ၁၈ လ အတွင်း၌ တရားမ၀င်သစ်ထုတ်လုပ်မှု သိသာများပြားခဲ့သည်ကို မျက်မြင်တွေ့ရှိ
ခဲ့ကြောင်း ပြောသည်။

သံလွင်မြစ် ပတ်ဝန်းကျင်တစ်လျှောက် တရားမ၀င် သစ်ထုတ်လုပ်ခြင်းကို တွေ့မြင်နိုင်ကြောင်း
သူကပြောသည်။

ဤတရားမ၀င်သစ်ကုန်သွယ်မှုမှာ နှစ်အတော်ကြာကတည်းက တရုတ် - မြန်မာနယ်စပ်တွင်
ပြဿနာတစ်ခု ဖြစ်ခဲ့သည်။

၂၀၀၅ ခုနှစ်အကုန်နှင့် စောင့်ကြည့်အဖွဲ့  "Global Witness က China's Choice Ending the
Destruction of Burma's Frontier Forests" အမည်ရှိ အစီရင်ခံစာကို ရိုက်နှိပ်ထုတ်ဝေခဲ့ပြီး
နောက် တရုတ်နှင့်မြန်မာအစိုးရ နှစ်နိုင်ငံစလုံးက ဤကုန်သွယ်မှုကို နှိမ်နင်းရန် ကြိုးပမ်းမှုများ
ပြုလုပ်ခဲ့ကြသည်။

မြန်မာသစ်တင်ပို့ခြင်းကို တရုတ်အစိုးရက ပိတ်ပင်လျက်၊ မြန်မာအစိုးရကလည်း အလားတူ
သစ်ထုတ်လုပ်ခြင်းကို ပိတ်ပင်လျက်၊ ကချင်ပြည်နယ်၌ သယ်ယူပို့ဆောင်ခြင်းကိုလည်း ပိတ်ပင်ခဲ့
သည်။

၂၀၀၉ ခုနှစ်က Global Witness ၏ထုတ်ပြန်ချက်တစ်ခု၌ နှစ်နိုင်ငံပိတ်ပင်မှုများကြောင့် ကချင်
ပြည်နယ်၌ တရားမ၀င်သစ်ထုတ်လုပ်ခြင်း သိသိသာသာလျော့ကျသွားပြီး တရုတ်နိုင်ငံနှင့်
ဆက်စပ်ကုန်သွယ်မှုလည်း အလားတူဖြစ်ကြောင်း ဖော်ပြခဲ့သည်။

သို့သော်လည်း မကြာမီနှစ်များအတွင်း၌ အထူးသဖြင့် ၂၀၁၁ ခုနှစ် ဇွန်လတွင် အစိုးရနှင့်
ကေအိုင်အေ တို့ တိုက်ပွဲများ ဖြစ်ပွားလာခဲ့ပြီးနောက် တရားမ၀င်သစ်ဈေးကွက်မှာ ပြန်လည်ကြီး
ထွားလာခဲ့ပြီး လုံးဝဒဏ်ခတ်ခြင်း မခံရဘဲ ပြန်လည် လှုပ်ရှားအသက်ဝင်လာခဲ့သည်။

သုတေသနပညာရှင်ယုံကြည်သည့် အဓိကအကြောင်းရင်း နှစ်ခုမှာ ကေအိုင်အေ တပ်သည်
တရားမ၀င်သစ်များ ရောင်းခြင်းမှရသည့် အမြတ်အစွန်းများဖြင့် ၎င်း၏ စစ်တပ်ကို အင်အားဖြည့်ပြီး
အစိုးရတပ်များနှင့် စစ်ဆင်နွှဲလျက်ရှိကာ ပတ်ဝန်းကျင်ထိန်းသိမ်းရေး နှင့် သစ်တောရေးရာဝန်ကြီး
ဌာနမှ အရာရှိများသည်လည်း ပဋိပက္ခဖြစ်နေသည့် ဒေသများသို့ မသွားဝံ့ကြသည့်အတွက် အစိုးရ
ထိန်းချုပ်သည့် ဒေသများအတွင်းရှိ ကျွန်းသစ်များမှာ အစောင့်အရှောက်မရှိ ဖြစ်နေကြ၏။

ပတ်ဝန်းကျင်ထိန်းသိမ်းရေးနှင့် သစ်တောရေးရာဝန်ကြီးဌာနမှ ညွှန်ကြားရေးမှူးချုပ်ရုံး၏ ပြောဆိုခွင့်
ရှိသူ ဦးအောင်မြတ်စံက ရှမ်းနှင့် ကချင်ပြည်နယ်တို့တွင် ရှိကြသည့် အဖွဲ့အစည်းများမှ တရားမ၀င်
သစ်ထုတ်လုပ်မှု တိုးလာသည့် သတင်းများ ၎င်းတို့ရုံး၌ မရရှိကြောင်း ပြောဆိုခဲ့သည်။

နယ်စပ်ဒေသ၌ ပဋိပက္ခများရှိခြင်း နှင့် ဝေးလံခြင်းတို့ကြောင့် တရုတ်-မြန်မာနယ်စပ် တစ်လျှောက်ရှိ
အချို့ ဒေသများသို့ ပတ်ဝန်းကျင်ထိန်းသိမ်းရေး နှင့် သစ်တောရေးရာဝန်ကြီးဌာနမှ ၀န်ထမ်းများ
သွားရောက်နိုင်ခြင်း မရှိကြောင်း ဦးအောင်မြတ်စံက ၀န်ခံ ပြောဆိုခဲ့သည်။

အဝေးပြေးလမ်းမကြီးပေါ်၌ သစ်များတင်ဆောင်ထားသည့် ထရပ်ကားများ နယ်စပ်မှ တရုတ်နိုင်ငံ
တွင်းသို့ ၀င်နေသည့် သတင်းများနှင့် ပတ်သက်ပြီးမေးမြန်းရာ၌ သူ့ရုံးအနေဖြင့် မည်သည့်သတင်းမှ
မရရှိကြောင်း၊ သို့သော်လည်း ကချင်ပြည်နယ်အတွင်း တရားမ၀င်သစ်ထုတ်လုပ်ခြင်းကို အလွန်
သတိထားကြောင်း ဦးအောင်မြတ်စံ က ပြောသည်။

တရားမ၀င်သစ်ထုတ်လုပ်ခြင်းကိစ္စ နှင့် ပတ်သက်သည့် မေးခွန်းများကို ရန်ကုန်မြို့ရှိ တရုတ်နိုင်ငံ
သံရုံးမှ ပြောဆိုခွင့်ရှိသူ မစ္စတာရှုန်ကိုဖုန်းက ပြန်လည် ဖြေကြားခြင်း မရှိပေ။

တရုတ်အစိုးရသည် မြန်မာအစိုးရနှင့် ပူးပေါင်းကာ နယ်စပ်ထိန်းချုပ်မှုကို အားဖြည့်ပြီး နယ်စပ်ကူး
သည့် ရာဇ၀တ်မှု အလုံးစုံတို့ကို နှိမ်နင်းမည်ဖြစ်ကြောင်း မစ္စတာ ရှုန်ကိုဖုန်းက ပြောကြားသည်။

ဘီလ်အိုတူးလ်

သောင်းညွန့် ဘာသာပြန်သည်။(မြန်မာတိုင်းမ်)

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။