Wednesday, May 15, 2013

Banma Kawng Gat Sa Lam Kaw Myen Asuya Balik (2) Gap Sat Hkrum

(Kachinnet)

2013 May (14) ya shana hkying (9:00)pm aten ram hta Lahta Sam Mung, Namhkam myo shinggan, lupwa kawng makaw na Banma kawng gat sa lam lahta kaw shara jahkrat nna laiwa laisa mung shawa ni hte hpun htaw mawdaw ni hpe gumhpraw hkap hta sha nga Myen Asuya Balik marai (2) hte shat shadu jaw ai Myen num (1), mawdaw sara (1) hpe sinat kaji hte gap sat tawn da ai lam hpe chye lu ai.


Gap sat hkrum ai Myen Asuya Balik yan gaw madung hku nna Miwa Gumsan mungdan de htaw shalai ai hpun htaw mawdaw ni hpe gumhpraw hkap pyi sha nga ai ni re lam hpe chye lu ai. Ndai aten du hkra kadai sa gap sat ai re hte hpa majaw gap sat ai lam hpe nchye lu shi ai.

KIA Masat (5) Dap Ba ginra kata hta Myen Asuya Hpyen Dap ni mung shawa dum nta ni hpe hkan run nna shanhte rawng na matu tap ni shagreng nga ai lam hpe chye lu ai.

Laiwa sai 2013 May (13) ya jahpawt hta Myen Asuya Hpyen Dap Dap Nu (33) kata na hpyen hpung ni Gangdau Yang mare na mung shawa ni a dum nta ni hpe sa hpya la nna shanhte shara jahkrat nga ai Gangdau Yang kyuhpyi bum lahta na dap wang kata kaw ginsum gap nga ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။