Tuesday, April 30, 2013

Myitkyina – Manmaw Lam Kaba hte Ginshau Htaw Madaw Lam Hpe Myen Asuya Hpyen Dap Ni Bai Pat Tawn

(Kachinnet)

Lai wa sai 2013 April shata praw kaw nna Nalung, Man Mau, Hpa Ke, Loi Mawk Yang, Kung Law, Ting Lung, Mai Hok hkan na ginshau si ni hpe Nam Sang Yang mare hku gayin nna Laiza Muklum hte Miwa Gumsan Mungdan de mung shawa ni mawdaw kaji kaba hte htaw lahka dut nga ai kaw 2013 April (28) ya shani kaw nna ginshau htaw mawdaw hte laiwa laisa mung shawa ni hpe Myen Asuya Hpyen Dap ni pat hkum tawn sai lam hpe chye lu ai.

Myitkyina – Manmaw mawdaw lam kaba hpe mung, laiwa laisa mungshawa ni hte gun rai htaw shalet hpang wa nga ai mawdaw ni hpe mung 2013 April (29) ya shani kaw nna Myen Asuya Hpyen Dap ni bai pat hkum tawn da ai lam hpe na chye lu ai.  
 

Laiza Muklum de shang wa ai mawdaw lam hpe mung Myen Asuya Hpyen Dap ni ndai aten du hkra naw pat shaingdang tawn da nga ai hte 2013 April (28) ya shana maga hkying (5:30)pm aten ram hta Laja Yang, Masen Bum kaw shara la nga ai Myen Asuya Hpyen Dap Ts.K.Hk-7 kata na hpyen hpung ni gaw KIA Ginjaw shimlam hpyen hpung ni shara la nga ai LawaYang Jawng kawng maga de sinat kaji hte sa gap dumbre bun ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။