Sunday, April 28, 2013

Lawk Hkawng Ginwang,Chik Jaw Hkyet Mayan Kaw Laja Lana Gasat Poi Byin

(Kachinnet)


2013 April (25) ya shana hkying (3:30)pm aten ram hta KIA Masat (1) Dap Ba, Masat (10) Dap Dung makawp maga ginra, Lawk Hkawng Ginwang, Pangwa mayan na KIA Padang Sector hpyen hpung ni shara la nga ai Chik Jaw hkyet lam mayan kaw Myen Asuya Hpyen Dap Hk.L.Y (10) hte Hk.L.Y (74) na pawng hpawm hpyen hpung ni wang htim gasat lung wa ai majaw KIA Padang Sector na hpyen hpung ni kaw nna ninghkap gasat poi byin ai lam hpe chye lu ai.


Gasat poi byin nga ai shara hta hkying (3:30)pm aten ram kaw nna Myen Asuya Hpyen Dap ni KIA hpyen hpung ni shara la nga ai maga de sinat kaba hte laja lana gap sharu bun ai lam hpe chye lu ai.

Myen Asuya Hpyen Dap ni gaw matut manoi mawdaw lam mayan hte KIA hpyen hpung ni a shawng lam post hte ni ai shara hkan sharaw wan naw hkan nat hkawm nga ding yang re lam hpe chye lu ai.  KIA Masat (3) Dap Ba, Masat (15) Dap Dung makawp maga ginra de 2013 April (23) ya shani Myen Asuya Hpyen Dap Hk.L.Y (418) Dap kata na hpyen la ni Sang Gang hte Bum Sen lapran mawdaw lam dingyang sharaw wan hkan nat hkawm ai majaw sharaw wan yan aten du hkra matut manoi hkru nga ding yang re lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။