Friday, April 12, 2013

KIA Masat Yan (5) Hpyen Du Shalat Jawng Yu Hpawng Galaw

(Kachinnet)

2013 April (11) ya shani Wunpawng Mungdan Shanglawt Hpyen Dap, Ninggawn Daju, Dai Lawn Rung a Masat Yan (5) Hpyen Du Shalat Jawng yu lamang hte Daru Magam Ahkang Aya ap ya ai hpawng hpe Hpyen Du Shalat Jawng, Woi Chyai Bum hta ngwipyaw awngdang ai hte galaw la lu sai lam hpe chye lu ai. 

Masat Yan (5) Hpyen Du Shalat Jawng a Daru Magam Ahkang Aya ap hpawng hpe jahpawt hkying (8:00) am aten, Woi Chyai Bum,  Daru Magam Gawk Nu hta Hpyen Du Shalat Jawng, Ningtau Jawng Up, Du Up Lahtaw Myu Awng kaw nna Hpyen Du Jawngma ni hpe Daru Magam Ahkang Aya hte Lat Du shalun (Order) hti ndau ya ai hpang Hpyen Du Shalat Jawng Up, Lat Du Up Jum Labang Grawng kaw nna Hpyen Du Jawngma ni hpe  Daru Magam Ahkang Aya ap ya nna jawng yu shatsam mungga jaw ya ai lam hpe chye lu ai.

Matut nna hkying (10:00)am aten hta KIA Masat Yan (5) Hpyen Du Shalat Jawng, jawng yu hpawng hpe galaw ai lam chye lu ai.  Ndai hpawng hta KIC Ningbaw Malai II, KIA Dap Awn Daju Lat Du Daju Jum Gunhtang Gam Shawng kaw nna, Jawng yu ai Hpyen Du ni hpe n-gun jaw shatsam mungga jaw ya ai hte Jawng lung nga ai aten  hta Ningtawn ai Jawngma ni hpe shagrau kumhpa jaw ya ai lam hpe chye lu ai.

Jawngyu hpawng ngut ai hpang shani hkying (11:30)am aten hta Jawng Yu ai jawngma ni hte du sa ai Kanu Kawa, Myitsu Salang ni rau man hkrum lu sha hpawng galaw ai lam hpe chye lu ai.














No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။