Thursday, April 11, 2013

KIA Masat (1) Dap Dung, Manje Hte Nazaret Mayan Kaw Gasat Poi Byin

(Kachinnet)

KIA Masat (3) Dap Ba, Masat (1) Dap Dung makawp maga ginra kata hta 2013 April (10) ya jahpawt hkying (9:00)am aten laman, Lahta Sam Mung, Simli Daju ai Myen Asuya Hpyen Dap Hk.M.Y (240) dap kata na hpyen hpung ni htim gasat lung wa ai majaw KIA Masat (1) Dap Dung kata na hpyen hpung ni Man Je hte Nazaret lapran kaw ninghkap shingla gasat poi byin ai lam hpe chye lu ai.


Ndai gasat poi byin nga ai aten hta Maje daju ai Myen Asuya Hpyen Dap Hk.M.Y (601) Dap kata na hpyen hpung ni, gasat poi byin ai shara ni de laknak kaba hte matut manoi gap sharu bun ai lam hpe chye lu ai. 

Myen Asuya Hpyen Dap ni gaw ndai aten laman KIA shawnglam ginra ni hta sharaw wan hkan nat hkawm nga ai lam hpe chye lu ai.

KIA Masat (5) Dap Ba, Masat (24) Dap Dung makawp maga ginra kata hta mung 2013 April (8) ya shana maga hkying (6:00)pm aten laman, Hpun Pyen Bum lawu kaw shara jahkrat nga ai Myen Asuya Hpyen Dap Hk.L.Y (240) Dap kata na hpyen hpung ni sharaw wan hkan nat hkawm ai majaw KIA shawnglam hpyen hpung ni shara la nga ai N-Gaw Post makau de du hkra sharaw wan hkru kap wa ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။