Tuesday, April 30, 2013

အပစ်အခတ် ရပ်စဲရေးသည် စစ်ဗျူဟာတခု သဖွယ် အစိုးရ အသုံးချနေ

(ရွှေဟင်္သာသတင်းဌာန)

၂၀၁၃ ခုနှစ် မတ်လ ၁၁ ရက်နေ့က ကချင် KIO နှင့် အစိုးရ၏ ကိုယ်စားလှယ် တရုတ်ပြည် ရွှေလီမြို့၌ စစ်ပြေငြိမ်းရေး တွေ့ဆုံဆွေးနွေးစဉ် 

ကချင်လွတ်လပ်ရေး တပ်မတော် KIA တပ်ဖွဲ့နှင့် အစိုးရတပ်ဖွဲ တို့က ယမာန်နေ့တွင် ရှမ်းပြည်မြောက်ပိုင်း မူဆယ်ခရိုင် မွန်ဂိုမြို့နယ် ဂေါင်ဆွမ် ကျေးရွာအနီးရင်ဆိုင် တိုက်ပွဲ ဖြစ်ပွားခဲ့ သည်ဟု KIA အရာရှိ တစ်ဦးက ပြောပါသည်။

“ ကျနော်တို့ KIA တပ်မဟာ (၄)က တပ်ရင်း ၃၈ တပ်ဖွဲ့တွေနဲ့ ရင်ဆိုင်တိုင်ပွဲ ဖြစ်ခဲ့တယ်။ အစိုးရတပ်ဖွဲ့တွေက နေ့တိုင်း လိုလို တပ်အင်အားတွေ တိုးလာနေတော့ ကျနော်တို့ နယ်မြေကို အကာအကွယ်ပေးတဲ့ အနေနဲ့ ရင်ဆိုင် တိုက်ခိုက်ရတာ ပါ။” ဟု ဆိုပါသည်။


 အဆိုပါ တိုက်ပွဲသည် ညနေ ၂ နာရီ မိနစ် ၂၀ တွင် အစိုးရ ခလရ ၂၄၂ တပ်ဖွဲ့တို့နှင့် ဖြစ်ပွားခဲ့ပြီ ထိခိုက်ဒဏ်ရာ ရရှိမှုများ မသိရှိရသေးပါ။

ရှမ်းပြည်မြောက်ပိုင်း KIA တပ်မဟာ ၄ ဧရိယာသည် အစိုးရ၏ စစ်ဆင်မှုကြောင့် တိုက်ပွဲများ ဆက်တိုက် ဖြစ်ပွားနေခဲ့ပါ သည်။ ဧပြီလ ၂၂ ရက်နေ့လည်း  KIA ၏ အမှတ် ၁၇ တပ်ရင်း စခန်းဖြစ်သော မနောဘွမ် စခန်းတွင် အစိုးရ ခလရ ၁၂၇ တပ်ဖွဲ့နှင့် နံနက် ၅ နာရီခွဲမှ မွန်လွဲ ၁ နာရီအထိ တိုက်ပွဲ ဖြစ်ပွားခဲ့သည်။

အလာတူ KIA တပ်မဟာ ၂၊ လက်အောက်ခံ အမှတ် ၁၄ တပ်ရင်း နယ်မြေတွင်လည်း ပြီးခဲ့သည့် ဧပြီလ ၂၆ ရက်နေ့တွင် ဧရာဝတီမြစ်ဆုံ ဖြစ်သည့် မေခ မလိခ မြစ်ဆုံ အနောက်ဘက၊် တနိုင်းမြို့နယ် အတွင်းရှိ KIA တပ်ဖွဲ့ နှင့် အမည်မသိရသေးသော အစိုးရတပ်ဖွဲ့တို့ ၄ နာရီခန့် ကြိုကြာ ကြိုကြာ တိုက်ပွဲဖြစ်ပွား ခဲ့ပါသည်။

ထိုနည်းတူ KIA တပ်မဟာ ၁ ၊ လက်အောက်ခံ အမှတ် ၁၀ တပ်ရင်း နှင့် အစိုးရ ခလရ ၇၄ တို့သည်လည်း ဤရက်ပိုင်းဧရာဝတီ မြစ်ဆုံ အထက်ပိုင်းရှိ  ပန်ဝါမြို့နယ် လောခေါင်ဒေသ  ချိတ်ဂျော်ရွာ အနီးတွင် ညနေ ၃ နာရီခွဲ အချိန်တွင် ပြင်း ထန်စွာတိုက်ပွဲ ဖြစ်ပွားခဲ့သည်။

၎င်းအပြင် ကချင်ပြည်နယ် ဗန်မော်ခရိုင်တွင်းရှိ KIA တပ်မဟာ ၃ ၊ လက်အောက်ခံ အမှတ် ၁၅ တပ်ရင်း ဒေသတွင်လည်း ပြီခဲ့သည့် ဧပြီလ ၂၃ ရက်နေ့  KIA တပ်ဖွဲ့သည် စစ်ဆင်လာသည့်  အစိုးရ ခမရ ၄၁၈ တပ်ဖွဲ့ကို  ခြုံခို တိုက်ခိုက်ခဲ့သည်ဟု ဆိုပါသည်။

ဤကဲ့သို့ KIA နှင့် အစိုးရတပ်ဖွဲ့ တို့ ရှမ်းပြည်မြောက်ပိုင်းတွင်  ဆက်တိုက် တိုက်ပွဲဖြစ်နေရခြင်းမှာ တိုင်းရင်းသား  တပ်ဖွဲ့ဝင် များအချင်းချင်း စစ်ကူမပေးနိုင်စေရန် ရည်ရွယ် တိုက်ခိုက်နေခြင်းလည်း ဖြစ်နိုင်ကြောင်း တအာင်း အမျိုးသား တပ်မတော် TNLA ပြောခွင့်ရ ဗိုလ်မှုး တာဘုန်းကျော်က သုံးသပ်ပါသည်။

“ရှမ်းပြည် မြောက်ပိုင်းရှိ KIA တပ်မဟာ ၄၊ တပ်ရင်း ၉၊ ၁၇ ၊ ၃၈ နယ်မြေဒေသမှာ တိုက်ပွဲတွေ ဆက်တိုက် ဖြစ်ပွားနေခဲ့ တယ်။ ဒါက သူတို့က ကချင်ပြည်နယ်မှာ ရှိတဲ့  KIA ကို နောက် တကြိမ် တိုက်ခိုက်တဲ့ အခါ ကျနော်တို့ တပ်ပေါင်းစု တပ်ဖွဲ့ တွေ သွားရောက် စစ်ကူမပေးနိုင်ဖို့ ကြားခံ ပိုင်ခြား နေရာယူ တိုက်ခိုက်နေတယ် ဆိုတာ ထင်ရှာနေ တာဘဲ။” ဟု ဆိုပါ သည်။

အစိုးရ တပ်ဖွဲ့များသည် KIA အား စစ်ဆင်သည့် အချိန်အခါမျိုးတွင် KIA တပ်အား စစ်ကူမပေးနိုင်ရန် တအာင်း (ပလောင်) ၊ ရှမ်းတပ်ဖွဲ့များကို ဟန့်တားစစ်ဆင်ရေးများ ဆင်နွှဲခဲ့ပါသည်။ ထို့အတူ KIA လိုင်ဇာကို အပစ်ရပ်သည်နှင့် တအာင်း (ပလောင်) ၊ ရှမ်းတပ်ဖွဲ့များအား တိုးပြီးစစ်ဆင်လေတော့သည်။ 

အစိုးရ၏ အပစ်အခတ်ရပ်စဲရေး သဘောတူညီချက်သည်လည်း ငြိမ်းချမ်းမှု တည်ဆောက်ရန် မဟုတ်ဘဲ စစ်ဆင်ရေး၏ နည်းဗျူဟာ တခုအရ ကျင့်သုံးဖွယ်ရာ ဖြစ်နေပါသည်။ ဤသို့ကြောင့် အစိုးရ၏ ပြည်တွင်းငြိမ်းချမ်းမှု တည်ဆောက်ရေး ကြွေး ကြော်သံသည် စစ်ဗျူဟာ လိုအပ်ချက်အရ ကျင့်သုံးနေခြင်းသာ ဖြစ်ကြောင်း စစ်ရေး အကဲခတ်များက ဆိုပါသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။