Friday, March 29, 2013

Nam San Yang Mare Na Hpyen Yen Ni, Nat Kau Hkrum Ai Dum N’ta Ni Hpe Wa Du Gawan


Written by KNET

2013 March (27) ya shani hkying (12:30)pm aten ram hta Nam San Yang Mare na Mare Komiti Salang wa hte Hpunggyi (2) woi awn nna Myitkyina Muklum de hpyen yen mat wa ai Nam San Yang mare na mung shawa marai (14) hpung ni gaw wan nat kau hkrum ai mare na mung shawa dum n’ta ni hpe sa du gawan yu hkawm ai lam hpe chye lu ai.


2011 June (9) ya shani kaw nna KIO hte Myen Asuya ni majan byin hpang wa ai hpang Myen Asuya Hpyen Hpung ni gaw lang hte lang Nam San Yang mare hte KIO ginjaw hte ni nawn ai mare buga na mung shawa ni a dum n’ta ni hpe  matut manoi wan nat jahten kau ya ai lam chye lu ai.

Ndai sa du gawan ai hpung ni gaw nat kau hkrum ai Nam San Yang mare na mung shawa dum n’ta yawng (670) hpe jahpan wa hta la nna shana de hkying (4:00)pm aten ram hta Myitkyina Muklum de bai n’htang wa mat sai lam hpe chye lu ai.   

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။