Wednesday, March 6, 2013

Myen Asuya Hpyen Dap Ni KIA Shawng Lam Ginra Ni De Matut Manoi Shang Chying Lau Hkawm Nga

(Kachinnet)


Lahta Sammung, Sinli Daju Myen Asuya Hpyen Dap Ts.K.Hk-16 kata na Hk.L.Y (242), Hk.L.Y (568) Dap na pawnghpawm hpyen hpung ni gaw hpyen n-gun (100) ram hte 2013 March (4) ya shani KIA Masat (36), (38) ginra rai nga ai Hka Lum hte Mung Lum shara ni hta shang shamu shamawt chying lau hkawm nga ai lam hpe chye lu

Dai shani Mugaung Daju Myen Asuya Hpyen Dap Ts.K.Hk-3 kata na Hk.L.Y (40) Dap na hpyen hpung ni gaw KIA Masat (11) Dap Dung na hpyen hpung ni shara la nga ai Tai Lum Post grup yin de shang  shamu shamawt chyinglau hkawm nga ai lam hpe chye lu ai.


Lai wa sai 2013 March (1) ya jahpawt  kying (9:00)am aten kaw nna Kale Daju Myen Asuya Hpyen Dap, D.Hk.Ts kata na Hk.L.Y (89) Dap na hpyen hpung ni gaw  KIA Masat (6) Dap Dung ginra Ma-U Dim kaw shara jahkrat nna KIA shawnglam ginra ni hta shamu shamawt chyinglau hkawm nga ai lam hpe chye lu ai.

Dingda Sam Mung Daju ai Myen Asuya Hpyen Dap Ts.KHk-7 kata na  Hk.M.Y (424) Dap ni gaw 2013 March (1) ya shani hkying (1:00)pm aten ram hta KIA Masat (6) Dap Dung makawm maga ginra, Nawng Mi hte Tsa Sing lapran shara jahkrat nna KIA hpyen hpung ni shara la nga ai ginra ni hkan shang shamu shamawt chyinglau hkawm nga ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။