Sunday, March 17, 2013

KIA Dap Dung (34) Ginra Loi Ya Hta Gasat Poi Byin


Written by KNET

2013 March (16) ya shani hkying (1:00)pm aten hta KIA Masat (4) Dap Ba, Masat (34) Dap Dung ginra kata na KIA hpyen hpung ni shara jahkrat tawn ai Man Dung, Loi Ya de Myen Asuya Hpyen Dap Nammatu Daju Hk.L.Y (130) hte Chyuk Me Daju ai Ts.K.Hk-1 kata na Hk.L.Y (502) na pawng hpawm hpyen hpung ni gaw KIA hpyen hpung ni shara la nga ai kaw sa wang gap ai kaw nna gasat poi byin wa ai lam hpe chye lu ai.

Ndai gasat poi hta KIA maga de na hkala hkrum ai lam n-nga ai rai tim Myen Asuya Hpyen Dap ni gap dat ai Sinat Kaba Si hkrat nna Mung shawa N’ta (1) hkru mat nna dum N’ta (4) hpe gaw da sang wan nat kau ya ai lam hpe chye lu ai.


KIA Masat (4) Dap Ba, Masat (17) ginra kata de mung 2013 March (17) ya shani hkying (7:00)am aten hta Myen Asuya Hpyen Dap hpyen hpung n’gun  (100)  ram gaw Ting Dam, Danam, Bang Lung kaw du nga ai lam hpe chye lu ai.
Dai shani  Myen Asuya Hpyen Dap hpyen Madaw kaba (47) hte Mawdaw kaji (2) mung KIA Masat (10) Dap Dung ginra Lawhkawng Ginwang Chihpwi mare kaw nna Pang Wa mga de lai lung mat wa sai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။