Friday, March 8, 2013

ပန်ဝါနှင့် ချီဖွေ-လောခေါင်ဒေသသို့ အစိုးရတပ်များ ရဟတ်ယာဉ်ဖြင့် စစ်ရေးလှုပ်ရှားလာ

(ကချင်သတင်းဌာန)


ကချင်လွတ်မြောက်ရေးတပ်ဖွဲ့ (KIA)၏ တပ်မဟာ (၁) တပ်ရင်း (၁၀) နယ်မြေ ချီဖွေ-လောခေါင် နှင့် ပန်ဝါဒေသတွင် အစိုးရတပ်ဖွဲ့သည် ရဟတ်ယာဉ်များနေ့စဉ်အသုံးပြု၍ စစ်ရေးလှုပ်ရှားနေကြောင်း ဒေသခံများမှသိရသည်။

အစိုးရတပ်သည် ပန်ဝါ (Pangwa)နှင့် လုပီ (Lupi) စခန်းသို့ ရဟတ် ယာဉ် များဖြင့် စစ်လက်နက်အင်အားများ တိုးချလာခြင်းဖြစ်ပြီး မတ်လ ၃ ရက်နေ့မှစ၍  ရဟတ်ယာဉ်အသုံးပြုမှု ပိုစိပ်လာသည်ဟု မျက်မြင် ဒေသခံများပြောသည်။


ရဟတ်ယာဉ်များဖြင့် ဖျားနာသူများ နှင့် ရိက္ခာ၊ အင်အားများကို ပို့ဆောင်နေသည်ဟု ယူဆရပြီး ထိုသို့နေ့စဉ်အစိုးရတပ်များသည် KIA တပ်နှင့် အနီးဆုံးသို့ ချဉ်းကပ်လှုပ်ရှားလာသောကြောင့် တိုက်ပွဲဖြစ်ပွား လာနိုင်ကြောင်း ထိုနယ်မြေတွင်ရှိသော KIA တပ်ဖက်မှလည်း ပြောဆို သည်။

“လေယာဉ် ၁ စင်းပဲဆိုရင်တော့ လူနာသယ်ယူတယ် လို့ထင်တယ်။ သူတို့ ပစ်မယ်ဆိုရင်တော့ လေယာဉ်အနည်းဆုံး ၂ စင်းနဲ့လာတာ အချင်း ချင်း ကာကွယ်ပေးဖို့အတွက်ပေါ့။ ကျနော်တို့ကတော့ ကျနော်သို့ဘက် မလာရင်တော့မပစ်ဘူး။ ကျနော်တို့က ဗဟိုညွှန်ကြားချက်နဲ့ သူတို့ရှိတဲ့ နေရာကို ရှာပြီးသွားမပစ်ဘူး။ ဒါပေမဲ့ သူတို့ဘက်က ကျနော်တို့ရှိတဲ့ နေရာကို အနီးဆုံးတိုးချဲ့လာတယ်။ ဒါကြောင့်အချိန်မရွေး ပစ်ခတ်လာ နိုင်တယ်။ ဆွေးနွေးတဲ့သူတွေ ဆွေးနွေးနေချိန် ပစ်ခတ်တဲ့သူတွေလည်း ပစ်နေမဲ့သဘော။” ဟုရှေ့တန်းမှအရာရှိပြောသည်။

ပန်ဝါအထက်မှတ်တိုင် (၆) အထက်တွင် ဇန်န၀ါရီလကုန်ပိုင်းမှစ၍ ယခုချိန်အတွင်း တိုက်ပွဲများ ငြိမ်သက်နေသော်လည်း လောခေါင်၊ စုစည်း၊ မျှော်ဂျော်၊ ဒန်ညော်၊ ဆော့လော်၊ အင်မိုင်ခခူး နေရာများတွင် ဖေဖော် ဝါရီလ ၂၃ ရက်မှ ၂၇ ရက်ထိ (ခလရ ၂၆၀၊ ၂၉ ၊ ၆၇) နယ်ခြား စောင့် တပ်များနှင့် ပြည်သူ့စစ်များ အင်အား ၃၀၀ ကျော် ထိုးစစ်ဆင်နေခြင်း ကြောင့် တိုက်ပွဲများဖြစ်ပွားခဲ့ပြီး ယခုချိန်နှစ်ဘက်မှ တင်းမာနေဆဲဖြစ် ကြောင်းသိရသည်။  

“ဇန်နဝါရီလ ၁၈၊ ၁၉ ရွှေလီမြို့ငြိမ်းချမ်းရေးဆွေးနွေးနေတဲ့ချိန် KIA တပ်မဟာ (၄) တပ်ရင်း ၈ နယ်မြေကို နောက်ဆုတ်လိုက်ရတယ်။ အခုလည်း ဟိုတလောက လေယာဉ်နဲ့ အပြင်းထန်ဆုံး တိုက်တဲ့နေရာ ကျနော်တို့ post တစ်ခုကို ယခုရက်ပိုင်း ဇန်နဝါရီ ၁၉ ရက်ကနေ မပစ်ခတ်ပဲနဲ့ တဖြည်းဖြည်း ညဘက် တိုးတိုးလာတယ်။ အခုပေ ၂၀ လောက်ပဲဝေးတော့တယ်။ အဲလိုတိုးတိုးလာတော့ နေ့ဘက် ညဘက် အချိန်မရွေး ပစ်လာနိုင်တယ်။” ဟု KIA အရာရှိပြောသည်။

အစိုးရနှင့် KIO နှစ်ဖက် ငြိမ်းချမ်းရေးကိုယ်စားလှယ်များ ရွှေလီမြို့တွင် လာမည့် မတ်လ ၁၁ ရက်နေ့တွင် ထပ်မံတွေ့ဆုံဆွေးနွေးသွားမည် ဖြစ်သော်လည်း ကချင်ပြည်နယ်တွင်း ထိုးစစ်များနှင့် စစ်ရေးဆက်လက် တင်းမာနေခြင်းဖြစ်သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။