Sunday, March 17, 2013

တိုင်းရင်းသားများအတွက် အမျိုးသား ကျောင်းများ လိုတယ်။

(Kachin Duwa)


(ဓါတ်ပုံ = လိုင်ဇာ အထက်တန်းကျောင်း)

မြန်မာအစိုးရ ဟာ လူမျိုးတမျိုးထဲအတွက် ရပ်တည်တဲ့ အစိုးရ မဟုတ်ဘူး ဆိုရင် တိုင်းရင်းသားများကို သက်ဆိုင်ရာ အမျိုးသားကျောင်းများ ဖွင့်ခွင့် ပေးသင့်ပါတယ်။ အစိုးရ အနေနဲ့ ဘဏ္ဍာရေးအရ မကူညီချင်ရင်တောင်မှ ရှိနေပြီးသား အမျိုးသား ကျောင်းများကို တရားဝင် အသိအမှတ်ပြုပြီး သက်ဆိုင်ရာ သက္ကသိုလ်များမှာ ၀င်ခွင့်ရဖို့ နည်းလမ်းဖွင့်ပေးသင့် ပါ သည်။

တိုင်းရင်းသားတိုင်းလဲ ကိုယ့်နှစ်သက်ရာ အမျိုးသားကျောင်း ဖြစ်ဖြစ် အစိုးရ ကျောင်း ဖြစ်ဖြစ် လွတ်လပ်စွာ ရွေးချယ် ပညာသင်ခွင့်ရရန် အခြေအနေ ဖန်တီးပေးဖို့ အရေးကြီးသည်။


တိုင်းရင်းသားများ ဆိုရာမှာ မြန်မာ အစိုးရ ရဲ့ ၀ါဒဖြန့်တဲ့ ဘာသာစကား ကွဲ ၁၃၅ မျိုး စလုံးကို မဆိုလိုပါ။ အနဲဆုံး ပြည်နယ် နဲ့ တိုင်း ဒေသကြီး သတ်မှတ်ပြီးသား နာမည်ခံတိုင်းရင်းသားများ အတွက် ကိုယ့်နည်းကိုယ့် ဟန် ဖွင့်ထားပြီးသား ကျောင်းများကို အသိအမှတ်ပြုဖို့သာ လိုသည်။

လက်နက်ကိုင်အဖွဲ့အစည်း အများပိုင်းမှာ ကိုယ်ပိုင်ကျောင်းများရှိပြီးသား ဖြစ်သည်။ ဒီကိုယ်ပိုင်ကျောင်းများဟာ ရွာပုန်းရွာရှောင်များအတွက် ဖွင့်ထားပေးခြင်း ဖြစ်သော်လည်း မြန်မာအစိုးရ ပညာရေးသင်ရိုးညွန်း အတိုင်း သင်ကြားနေခြင်း ဖြစ်သည်။ သို့သော် တခုပိုလာတာက ကိုယ့် တိုင်းရင်းသား စာပေများသင်ကြားပေးခြင်း ဖြစ်သည်။

လူမျိုးတမျိုး ဆိုသည်မှာ အမျိုး၊ ဘာသာ၊ သာသနာ ဆိုတဲ့ အခြေခံမှာ ရပ်တည်တယ် ဆိုသည့်အတိုင်း ကျန်တိုင်းရင်းသားများရဲ့ လူမျိုးရပ် တည်ခြင်း ဆိုတဲ့နေရာမှာ ကိုယ့်အမျိုးဘာသာစကား၊ ကိုယ့်ဘာသာ စာပေ၊ ကိုယ့်အမျိုးသာသနာ ရပ်တည်ခြင်းအတွက် အရေးကြီးလာသည်။ ဗုဒ္ဓဘာသာချင်း တူရင်တောင် ဘာသာစကား မတူနိုင်ပါ။ ဘာသာစကား မတူပဲ ပညာသင်ခြင်းသည် ကလေးများအတွက် နားလည်ရခက်ခဲခြင်း များနှင့် တွေ့လာသည်။ ထို့ကြောင့် တိုင်းရင်းသား ဘာသာစကား နှင့် ယဉ်ကျေးမှု ဦးစားပေးသော အမျိုးသားကျောင်းများ အရေးတကြီးလို အပ်သည်။

ကချင်လူမျိုး နဲ့ ချင်း လူမျိုးများဟာ ခရစ်ယာန် အခြေခံ လူ့အဖွဲ့အစည် ဖြစ်သည့် နည်းတူ အစိုးရ ကျောင်းများရဲ့ ဗုဒ္ဓဘာသာ ယဉ်ကျေးမှု ထုံး တမ်းစဉ်လာများနှင့် အထှာမကျခြင်းများ ကြုံရသည်။ မိဘဆရာ ကတော့ ပွဲများ၊ မီးထွန်းပွဲများအစား၊ မိဘဆရာများအတွက် ကျေးဇူးတော်ချီးမွမ်းပွဲ များနှင့် ခရစ္စမတ်ပွဲများသာ လိုအပ်သည်။ ယဉ်ကျေးမှု မတူတော့ တိုင်း ရင်းသား ကလေးများ ရိုင်းတယ် ဆိုပြီး နယ်ပြောင်းခံ ရန်ကုန်သား ဆရာ၊ ဆရာမ များရဲ့ အားမနာ၊ ပါးမနာ အပြောခံရတာလဲ မနည်းတော့ပါ။ ဒီတော့ လူမျိုးရေး မုန်းတီးစိတ်များသာ တိုးပွါးလာသည်။

ဒီနေ့ ပြည်ထောင်စု ကြီးကို အားလုံး အတူငြိမ်းချမ်းစွာ ယှဉ်တွဲနေထိုင်လို လျှင် တိုင်းရင်းသားများရဲ့ အခန်းကဏ္ဍကိုလဲ မေ့ထား မသင့်ပါ။


No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။