Tuesday, February 12, 2013

Laiza Muklum Na Mung Shawa Ni Jarit Hka Mayan Sanseng Lam Galaw

(Kachinnet)


2013 February (11) ya shani jahpawt hkying (10:00)am kaw nna hkying (02:00)pm aten ram du hkra Laiza hka mayan kaw shanu nga ai mung shawa ni gaw myit hkrum myit ra hte Laiza hka hpe san seng san pan lam galaw ai lam hpe chye lu ai.

Laiza Hka gaw Miter (5) ram dam ai hka rai nna Jinghpaw Mung, KIO Ginjaw Laiza Muk Lum hte Miwa Gumsan Mungdan, Na Bang mare na jarit hka rai nga ai ndai hka gaw Mung Lai Hka kaw wa zup ai lam hpe chye lu ai. 


Myen Asuya Hpyen Dap ni gaw matut manoi KIA ginra ni hta naw shamu shamawt hkawm nga ding yang re lam hpe chye lu ai.  2013 February (10) ya shani hkying (1:10)pm aten hta KIA Masat (3) Dap Ba, Masat (27) Dap Dung ginra Hku Bung hte Ga Shawt lapran kaw na KIA shawng lam post maga de pru wa ai Myen Asuya Hpyen Dap Hk.L.Y (69) na hpyen hpung ni hpe KIA Masat (27) Dap Dung na hpyen hpung ni ning hkap gasat poi byin ai lam hpe chye lu ai.

Gasat Poi byin ai shara hta Myen Asuya Hpyen Dap maga na (1) hkrat sum (2) hkala ai lam hpe chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။