Wednesday, February 13, 2013

KIA HTE MYEN HPYEN NI N MYIT MADA HKRUM ZUP

(Jinghpawkasa)


Wunpawng Mungdan Shanglawt Asuya Sinna Ginwang Dap Ba (2) n pu, Hpakant Ginra Dap Dung (6) n pu na, kung (6) hte (9) Dujum Ju La Doi woi awn ai Lai Nawng Hku, Ja Ra Yang shara de myen hpyen ni a kajawng shang wa ai lam shiga na chye lu ai. Mabyin gaw lai wa sai Februay (11) ya shani hkying (1:00PM) ten ram hta myen hpyen dap Dujum Yan Naing hte Dujum Hkyin Maung Htwe woi awn ai masat (102) hpyen dap ni KIA myu tsaw share ninghkring ni nga ai Ja Ra Yang de a kajawng sha du shang wa ai re lam, n dai zawn n myit mada ai sha KIA myu tsaw share ninghkring ni hte myen hpyen hpung ni hkrum
zup ai hta myen hpyen ni kawn shanhte hpe n gap na matu marawn jahtau tsun shana wa ai lam na chye lu ai. N dai zawn myen hpyen hpung ni kawn a ngwi a pyaw hte hpyi nem tsun wa ai majaw KIA myu tsaw share ninghkring ni kawn mung myen hpyen hpung ni hpe hkap gap gasat ai lam n nga ai sha a tsawm sha hkap tau la nna shada hkrum zup shaga lai wa sai lam, KIA myu tsaw share ninghkring ni hte myen hpyen hpung ni shada hku hku hkau hkau shakram jahta hkat, a hpum hkat rai myen hpyen hpung ni mung a pyaw sha bai htingnut mat wa sai lam hpe na chye lu ai. 

N dai zawn hkrum zup ai hta KIA myu tsaw share ninghkring ni maga na n gun (100) ram rai nna, myen hpyen maga na gaw n gun (80) daram re lam hpe mung matut na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။