Friday, February 15, 2013

KAHTAN YANG RAMMA NI HPE MYEN HPYEN NI A DUP ZINGRI

(Jinghpawkasa)


Wunpawng Mungdan Shanglawt Asuya Sinna Ginwang, Dap Ba (2) n pu, KIA Dung (6) up hkang ginra rai nga ai Uru Seng Maw, Hpakant ginwang, Kahtan Yang Maw na buga masha ni gaw KIO Asuya hte myen tai hpyen ni majan byin hpang wa ai kawn buga hpe tawn kau da nna hprawng yen htawt hkawm lai wa sai lam na chye lu ai. N dai zawn hprawng htawt hkawm nga ai kawn myen hpyen ni hku nna buga de bai wa mai nga sai lam tsun ai majaw Kahtan Yang mare na Jinghpaw ramma 2, 3 February (12) ya sha ni mare
de bai n htang wa ai kaw myen hpyen ni rim la nna, n dum n dam rai hkra a dup zingri kau lai wa sai lam shiga na chye lu ai. Majan a majaw Jinghpaw ni hprawng yen hkawm ai rai tim myen myu sha ni gaw hprawng yen ai lam n nga mare kahtawng hkan wang lu wang lang nga nga ai lam, myen ni hpe gaw myen hpyen ni zingri shatsang ai lam n nga ai sha, Jinghpaw ni hpe sha rim adup shatsang nga ai re lam hpe na chye lu ai. Yaten Hpakant Ginra ni hta lagut damya ni grai law htam wa nga ai lam hpe mung shiga na chye lu ai. Majan a majaw buga masha ni law malawng gaw Lung Hkang, Hpakant hte Seng Tawng buga ni hte htawt yen nga ai re lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။