Tuesday, February 19, 2013

လီဆူးပြည်သူ့စစ်ဖွဲ့ကာ လက်နက်တပ်ဆင်ပေးရန် ဗမာစစ်တပ်ကြိုးပမ်း

(Jinghpawkasa)


ကေအိုင်အို၊ ကေအိုင်အေကို အမြစ်ပြတ်ချေမုန်းရန်အတွက်၊ ဗမာ့ တပ်မတော်၏ နောက်ဆုံး ကြိုးပမ်းချက်အနေဖြင့် ကချင်ပြည်နယ် အရှေ့ မြောက်ဖက် ဖီမော် ဒေသတွင် လီဆူးတိုင်းရင်းသားများအား အစိုးရ စစ်တပ်မှ လက်နက်တပ်ဆင်ပေးပြီး ပြည်သူ့စစ် တပ်ဖွဲ့ကို ဖွဲ့စည်း ပေးကာ အိမ်ကြက်ချင်း အိုးမဲသုတ် ခွတ်ခိုင်းမည့်အစီအစဉ်ကို ကာကွယ် ရေးဦးစီးချုပ်မှ စီစဉ်ဆောင်ရွက်နေသည်။

ပြည်သူ့စစ် (လီဆူး) ဖွဲ့စည်းရန် ကာကွယ် ရေးဦးစီးချုပ်မှ ခွင့်ပြုခဲ့ ကြောင်းသိရသည်။ ကချင်ပြည်နယ် အရှေ့မြောက်ဖက် ဖီမော် ဒေသတွင် ဖေဖ၀ါရီလကုန်တွင် လက်နက်များ ပို့ဆောင်ပေးမည်ဖြစ်ကြောင်း သိရပါ သည်။


လီဆူးလူမျိုး လူငယ်အယောက် (၁၀၀) ကျော်ကိုစုဆောင်းထားပြီးဖြစ် ကြောင်း သိရပါသည်။ ဖေဖ၀ါရီလ ကုန်တွင် လက်နက် တစ်ရာကျော် ပေးပို့ရန် ကာချုပ် မှခွင့်ပြုပြီးဖြစ်ကြောင်းသိရသည်။

လီဆူး ပြည်သူ့စစ်ဖွဲ့စည်းရခြင်း၏ရည်ရွယ်ချက်မှာ ကေအိုင်အို ကေအိုင် အေကို အမြစ်ပြတ်ချေမုန်းရေး အစီအစဉ်တွင် အထောက်အကူဖြစ်ဖို့ ရန်ဖြစ် နိုင်ကြောင်းသိရသည်။

ကချင် တိုင်းရင်းသားညီနောင်များကြား သွေးခွဲ သပ်သျှို ရန် ရည်ရွယ် ဖွဲ့စည်းခြင်းဖြစ်ကြောင်းသိရပါသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။