Thursday, February 7, 2013

စစ်ပြေးဒုက္ခသည်များ ကို အစိုးရတပ်များ ထပ်မံနှိပ်စက်

(Jinghpawkasa)


ဖားကန့် မြို့နယ်၊ လုံးခင်း ရွာအနီး၊ မော်စီဇာ မှ မော်မောင်းကုန်း ရွာ သို့တက်လာသော လမ်း၊ သင်္ချိုင်း ကုန်း မြေစာပုံ ပေါ်တွင် ယာယီစခန်းချ နေကြသော စစ်ပြေးဒုက္ခသည် စခန်းကို ဖေဖော်ဝါရီ (၆) ရက် မနက် ၁၀း၀၀ နာရီခန့် အချိန် ဗမာစစ်တပ်များ တက်ရောက်ဝိုင်းရံ ပိတ်ဆို့ပြီး ဒုက္ခသည်များကို နှိပ်စက် ညှင်းပန်းခြင်းများ ပြုလုပ်ခဲ့ ကြောင်းသိရသည်။

စုဝေးနေကြသော လူစုမှာ အိမ်ခြေ (၁၅၆) အိမ် ဖြစ်ပြီး (၅၆) အိမ်အတွက် သာတဲထိုးနိုင် သေးသော အချိန်၊ အမြန်ဆုံး ပြောင်း ရွှေ့ရန်၊ မနက်ဖြန် ၁၀ နာရီ နောက်ဆုံးပြောင်းကြရန်၊ ၁၀ နာရီ နောက်ပိုင်းမြင်တွေ့ရပါက ပစ်သတ် မည်ဖြစ်ကြောင်း ခြိမ်းခြောက် ပြောဆိုခဲ့ ကြောင်းသိရသည်။


စုဝေးနေကြသော သူများ မှာ ကချင်၊ ရှမ်း၊ ဗမာ၊ ရခိုင် လူမျိုးစုံဖြစ် ကြောင်း၊ လောလောလတ်လတ် အလွန်ဆိုးဝါးစွာဒုက္ခရောက်နေ ကြောင်း ဒေါ် ရှမ်းမ မှ ပြော ကြားပါသည်။

၎င်းမြေစာပုံ စုဝေးနေ ကြသော ဒုက္ခသည် များသည် လွန်ခဲ့သော တစ်ပတ်ခန့်က ဖားကန်း၊ လုံးခင်းပတ်ဝန်းကျင်ဒေသ တစ်ခုလုံး စစ်ရေးပြင်းထန်လာကြသော ကြောင့်မြို့ရွာများသို့ ထွက်ပြေး တိမ်းရှောင် ရန် မစွမ်းသာသော အလုပ်သမား၊ ဆင်းရဲသားများ ဖြစ်ကြာင်း သိရသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။