Friday, February 1, 2013

နှစ်ခုထဲက တခုခုကို ရွေးပါ။

(Kachin duwa)


မြန်မာ လူမျိုးများအနေနဲ့ ဗမာမှု ပြုခြင်း နဲ့ ဖွံ့ဖြိုးတိုးတက်မှု ကို တပြိုင်ထဲ ရယူလို့ မရနိုင်ပါ။ နှစ်ခုထဲက တခုခု ကို စွန့်လွတ်ရမည်။

တိုင်းရင်းသား အခွင့်အရေး ကို ပေးပြီးမှ ငြိမ်းချမ်းသာယာတဲ့ နိုင်ငံ ဖြစ်ပြီး ကြီးပွါးတိုးတက်မှု ကို အမှန်တကယ် ရယူ နိုင်မှာ ဖြစ်ပါတယ်။

အရာရာ အားလုံး ဗမာမှု ပြုခြင်း နဲ့အတူ စစ်ရဲ့အနိဌာရုံသည်လဲ ဆက် လိုက် လာမည်သာ ဖြစ်သည်။

ကချင်နှစ်ခြင်းခရစ်ယာန် အသင်းချုပ်ကြီးရဲ့ အစီရင်ခံစာ အရ၊ ပြီးခဲ့သော တစ်နှစ်ခွဲကြာလ ကြာ စစ်ပွဲအတွင်းတွင် ကချင်ရွာပေါင်း ၂၀၀ ကျော် ဖျက်ဆီးခဲ့သည့်အပြင်၊ ခရစ်ယာန် ဘုရားကျောင်း ၆၆ ခုကိုလဲ ဖျက်ဆီး ပေး လိုက်ကြောင်း စာရင်းတင်ပြထားသည်ကို တွေ့ရသည်။ (အသေး စိတ် သိလိုသူများ နှစ်ခြင်း အသင်းချုပ်ရုံးသို့ တိုက်ရိုက်ဆက်သွယ် မေးမြန်းနိုင်သည်။)
ထိုအကြောင်းအရာများ မြန်မာ အစိုးရ ပိုင် မီဒီယာ များမှာ ဘယ်တော့မှ ဖေါ်ပြခဲ့ခြင်း မရှိခဲ့ပါ။ အကယ်၍ ကေအိုင်အေသာ ဗမာရွာ နှင့် ဗမာ ဘုန်းကြီးကျောင်း ဒီလောက် အများအပြားကို လုပ်မိခဲ့ လို့ ရှိရင် မြန်မာပြည်က ရှိရှိသမျှ မီဒီယာများတွင် မည်သို့ ဝေေ၀ဆာဆာ ဖေါ်ပြမည်ကို စိတ်ကူးလို့ရနိုင်ပါသည်။
လွတ်လပ်ရေး ရခါစက ဖဆပလ ပါတီ ဦးဆောင်သော ပါလီမန် ဒီမိုက ရေစီ ခေတ်တွင် တိုင်းရင်းသား များ၏ စာပေ၊ ယဉ်ကျေးမှု၊ ရိုးရာ များကို မသိကျိုးကျွန်ပြုခြင်း၊ တိုင်းရင်းသားများ၏ မူလ ရပိုင်ခွင့် နိုင်ငံရေး အာ ဏာ ခွဲဝေမှုများကို ဥပါက္ခာပြုထားခြင်းကြောင့် ဖြစ်ပေါ်လာသော နောက် ဆက်တွဲ ပြည်တွင်းစစ်မှသည် စစ်အာဏာ ရှင် အဆက်ဆက်ကို မွေး ထုတ် လာခဲ့ရသည်။

နှစ်ပေါင်း ၆၀ ကျော်ကြာလာသည့် ပြည်တွင်းစစ်တွင် တရုတ်ကွန်မင်တန် များ ထိုင်း နဲ့ ထိုင်ဝမ် ကို ခိုလုံသွားတာက လွဲ၍ ကျန် တိုင်းရင်းသား လက်နက်ကိုင် တပ်များ တခုမှ အမြစ်ပြတ်သွားတယ် ဆိုတာ မရှိခဲ့ပါ။


ဇန်န၀ါရီလ ၃၀ ရက်ည ဘီဘီစီ ရဲ့ ဆွေးနွေးဖလှယ် အစီအစဉ်မှာ ဦးလှဆွေ ရဲ့ ကေအိုင်အေ အမြစ်ပြတ် တိုက်ရေး အဆိုကို အားပေးသော ဗမာ လူမျိုးများ အများအပြား ရှိနေသေးကြောင်း ရှင်းရှင်းလင်းလင်း သိရသည်။ ဗမာ အားလုံးတော့ မဟုတ်ပါ။ သို့သော်၊ ဦးလှဆွေရဲ့ အဆို ကို သဘောတူသော လူမျိုးများတွင် ဗမာ မဟုတ်သော တိုင်းရင်းသားများ မပါခဲ့တာတော့ အမှန်ပါ။


ကေအိုင်အေ နဲ့ အခြား တိုင်းရင်းသား လက်နက်ကိုင် အဖွဲ့များ နိုင်ငံရေး တောင်းဆိုမှုများကို နိုင်ငံရေး အခင်းအကျင်းအဖြင့် မမြင်ပဲ၊ ချိုးနှိမ်သော သဘောနှင့်သာ ဆက်ပြီး ဆက်ဆံသွားမည် ဆိုလျှင် နောင်နှစ်ပေါင်း များစွာ အကျိုးဆက် ကို ဆက်ခံသွားဖို့သာ ရှိသည်။


မြန်မာနိုင်ငံသည် သီရိလင်္ကာ နိုင်ငံ မဟုတ်ပါ။ မြန်မာ နိုင်ငံသည် အမေရိ ကန် နိုင်ငံ မဟုတ်ပါ။ မြန်မာနိုင်ငံရဲ့ လွတ်လပ်ရေး သမိုင်းသည် မည် သည့် နိုင်ငံ နှင့်မျှ မတူပါ။ မြန်မာ နိုင်ငံရဲ့ တောတောင် သဘာဝ သည် မည်သည့် နိုင်ငံရဲ့ စစ်ရေး အတွေ့အကြုံနှင့်မျှ တိုင်းတာ၍ မရပါ။


ကချင်တော်လှန်ရေးသည် မာလီသူပုန်များ မဟုတ်ပါ။ ကချင်တော် လှန်ရေးသည် မည်သည့်လူမျိုးမျာ၏ရွာပေါင်
း ၂၀၀ ကျော် နှင့် မည်သည့် ဘာသာခြား လူမျိုးများရဲ့ အထွတ်အမြတ်ထားရာ နေရာများကို မဖျက် ဆီး ဖူးပါ။ မည်သည့်နေရာတွင်မှာ အသေခံ ဗုံးမခွဲဖူးပါ။

ကချင်လူမျိုးများရဲ့ မရသေးသော မူလ ရပိုင်ခွင့်ကို တောင်းဆိုနေခြင်း သာ ဖြစ်သည်။ ဗမာလူမျိုးများကို ယုံစားခဲ့သော အဖြစ်ဆိုးမှ နိုးထလာ ခြင်းသာ ဖြစ်သည်။ ကေအိုင်အေဟာ ကချင်လူမျိုးများကို ကိုယ်စားမပြု ဘူး ဆိုရင် ကချင်လူမျိုးများကို ကိုယ်စားပြုသော နိုင်ငံရေး အခင်းအကျင်း ပြပေးပါ။ ကချင်ပြည်နယ်မှာ ဗမာလူမျိုးအစုအဖွဲ့က ရွေးချယ်ခန့်ထား သော ကချင်လူမျိုးကိုင်တိုင် အုပ်ချုပ်တာကို တောင်းဆိုတာ မဟုတ်ပါ။ ကချင်လူမျိုးများကိုယ်တိုင်
ရွေးချယ်ခန့်ထားသော ပြည်နယ် အုပ်ချုပ် ရေးမှူများ ဖြစ်ပေါ်လာရေး အတွက် တိုက်ပွဲဝင်နေခြင်းသာ ဖြစ်သည်။

နိုင်ငံရေး ကို နိုင်ငံရေး အရ မဖြေရှင်းပဲ၊ တိုင်းရင်းသားများရဲ့ တော်လှန် ရေး ကို ချိုးနှိမ်နေခြင်းသည်၊ တိုင်းရင်းသားများရဲ့ မူလရပိုင်ခွင့်ကို လစ်လှူရှု့ထားခြင်းသာ ဖြစ်သည်။ ဒီလိုနည်းလမ်း နဲ့ ဘယ်လိုမှ ငြိမ်း ချမ်းရေး မရနိုင်ပါ။ တနိုင်ငံလုံးသာ လုံးပါးပါးသွားမည်၊ ဘယ်တိုင်း ရင်းသား လက်နက်ကိုင်မှ အမြစ်ပြတ်မှာ မဟုတ်ပါ။


မြန်မာနိုင်ငံသားများအနေနဲ့
တကယ်တမ်း မြန်မာ နိုင်ငံကို ချစ်တယ် ဆိုရင်၊ ဗမာ မဟုတ်တဲ့ တိုင်းရင်းသားများရဲ့ အခွင့်အရေးကိုလဲ ချစ် တတ်ရပါမည်။ လေးစားရပါမည်။ ပင်လုံကတိက၀တ်ကိုလဲ လေးစား ရမည်။

တိုင်းရင်းသားအခွင့်အရေး မပေးပဲ၊ မြန်မာနိုင်ငံရဲ့ တည်ငြိမ်အေးချမ်းရေး နှင့် ကြီးပွါးတိုးတက်ရေးကို မျော်ကိုး၍ မရနိုင်ပါ။


တိုင်းရင်းသားအခွင့်အရေးကု
ိ လစ်လျူရှု့ပြီး ဗမာမှုပြုခြင်းကိုအားသာ နေလျှင် ပြည်တွင်းစစ် ဆက်လက်ရှည်ကြာမည်။ ပြည်တွင်းစစ်ကြောင့် စစ်စရိတ်ထောင်းမည်။ အခန့်မသင့်လျှင် စစ်အာဏာရှင် မိသားစု နောက်တဖွဲ့ထပ်ပေါ်လာမည်။ ကျန်းမာရေး၊ ပညာရေးမှာ ဆက်ပြီး နှိမ့်ကျနေမည်။ ပညာရေးမှာ အရင်းအနှီးမစိုက်ထုတ်ပဲ ပတ်ဝန်းကျင် နိုင်ငံများကို လိုက်မီဖို့ မဖြစ်နိုင်ပါ။ နေ့စဉ်နှင့်အမျှ ပြောင်းလဲနေသော ခေတ်ကမ္ဘာမှာ မြန်မာဟာ အနှိမ့်ဆုံးအဆင့်က တက်လာစရာ မရှိပါ။ အင်္ဂလန်နိုင်ငံ Durham University က ဖွံ့ဖြိုးရေး သုတေသီ Jonathan Rigg ရဲ့ အဆိုအရ နိုင်ငံ တနိုင်ငံရဲ့ တဦးချင်းဝင်ငွေ တိုးတက်မှုနှုန်း ထားသည် နိုင်ငံတော်ဘက်ဂျက်ရဲ့ ရာခိုင်နှုန်း ဘယ်လောက်ကို ပညာ ရေးမှာ ရင်းနှီးမြုပ်နှံခဲ့သလဲ ဆိုတဲ့ နေရာ မူတည်တယ်၊ လို့ ဆိုပါတယ်။

တိုင်းရင်းသားအခွင့်အရေးမျာ
းကို လေးစားလိုက်နာခြင်းအားဖြင့် နိုင်ငံရေး တည်ငြိမ်လာမည်။ ပြည်တွင်းစစ်များ ငြိမ်းသွားမည်။ ကျန်းမာရေး နှင့် ပညာရေးမှာ အရင်းအနှီးစိုက်ထုတ်လာနိုင်မည်။ ဖွံ့ဖြိုးတိုးတက်လာ မည်သာ ဖြစ်သည်။

ဒီတော့ ဗမာမှု ပြုခြင်းနှင့် ဖွံ့ဖြိုးတိုးတက်ရေး ဘယ်ဟာကို အလိုရှိပါ သလဲ။ နှစ်ခုထဲက တခုခုကို ရွေးရမည်။ နှစ်ခုစလုံးတော့ တပြိုင်ထဲ မရနိုင်ပါ။


No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။