Monday, January 14, 2013

MYITKYINA HTA RAMMA NI HPE RIM LAHKAWN

(Jinghpawkasa)


Jinghpaw Mung Myitkyina Ginra hta Myen hpyen ni kawn Jinghpaw Ramma ni hpe rim woi la nna shawng lam de sa taw ai lam shiga ni n dai laman ram ram gabrawng nga ai lam hpe na chye lu ai. Kaja rim woi la ai kun ngu hpe gaw gadai mung hkrak n chye lu shi ai lam hpe buga de na myit su kanu kawa ni kawn na chye lu ai. N kau Ramma ni mat taw ai lam hpe tsun shaga ai kawn na chye lu ai rai tim, gadai ni ngu hpe gaw hkrak n chye lu shi ai lam hpe mung na chye lu ai. Buga de na myitsu kanu kawa ni hpaji jaw wa ai lam hta Kanu Kawa, dum nta masha ni kawn tinang a dum nta na kashu kasha ni mat ai lam, myen hpyen ni rim woi la ai lam ni nga wa yang seng ang ai Nawku hpung woi kanu kawa ni hpang de a ten dep shiga shana ya ra ai lam hpe hpaji jaw wa sai. Dai re majaw buga na kanu kawa ni yawng tinang a kashu kasha ni dum nta kaw na mat taw ai rai yang ni kahtep ai hpung woi myitsu kanu kawa ni hpang de lawan ai hku shiga shana ya ga ngu hpaji jaw tsun shana dat n ngai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။