Monday, January 28, 2013

MYEN HPYEN HPUNG NI HPE PANGMA KAW KIA NI WANG DA

(Jinghpawkasa)


Wunpawng Mungdan Shanglawt Asuya Sinna Ginwang Dap Ba (2) Ginra Uru Seng Maw ginra, Ginsi Mare KIA Dung (6) hpyen dap dingsa na hpyen dap nnan hte htawt mat wa ai hpang myen tai hpyen hpung ni gaw KIA Dung (6) hpe lu zing sai myit nna myen hpyen la (2) bawm tam jak hte Dung (6) hpyen dap dingsa chyinghka lam kaw sha naw du yang bawm kapaw nan myen hpyen la (2) yen nan dai kaw kapaw si hkrum mat sai lam na chye lu ai. Dai hpang myen hpyen la (7) bai shang wa ai mung bawm katut nna bai kapaw si mat sai lam hpe mung na chye lu ai. Myen hpyen ni gaw ya ten du hkra Dung (6) ni dap jung lai wa ai hpyen dap kata de rai n lu shang ai lam, KIA ni nai grai hkai da ai majaw shang wa na hkrit nna hpyen dap makau hkrup yin hka sha shara la nga taw nga ma ai lam na chye lu ai. KIO asuya kawn KIA Dap Dung (6) hpe Ginsi kawn laga shara de htaw sit kau ai re lam hpe mung na chye lu ai.


January (28) ya shani, myen hpyen ni gaw Uru Hka Sinhpraw hkran na Pangma Maw kaw bai du taw ai majaw KIA myu tsaw share ninghkring ni kawn wang matep da lu sai lam, gade nna yang majan ni bai byin wa na masa nga ai lam shiga na chye lu ai. Myen hpyen ni gaw Gwi Hka Mare hta Jinghpaw ni hpe lata nna rim zingri nga ai majaw Jinghpaw myu sha ni ya yang Mare na hprawng yen nga ma ai lam buga masha ni kawn na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။