Wednesday, January 16, 2013

January 15 ya shani hpyen shiga

(Jinghpawkasa)


SUMPRA BUM LAM DE MHH NI GAP

Published on Tuesday, 15 January 2013
Wunpawng Mungdan Shanglawt Asuya, Dingdung Ginwang Dap Ba (1) rai nga ai Sumpra Bum lam Mai Htawng Mare lahta kaw laksan Mung Shawa Hpyen Hpung Dap Dung na Share Ninghkring ni gaw January (15) ya shani hkying (11:00AM ten kawn 11:33AM) ten du Su Yang Mare kawn hpyen rai ni htaw lung wa ai myen hpyen a yin tan mawdaw (52) hpe sa tau la ai tatma (33) n pu na hpyen n gun (30) ram nga ai myen hpyen hpung ni hpe hkap gasat lai wa sai lam shiga na chye lu ai. Myen maga nna marai (2) si hkrum lai wa nna, myen hpyen hpung ni gaw Hka Garan Mare maga de bai n htang yu mat wa sai lam hpe na chye lu ai.

DUNG (7) BAWM HTE GASAT MYEN (15) HKRAT

Published on Tuesday, 15 January 2013
Wunpawng Mungdan Shanglawt Asuya, Dingdung Ginwang Dap Ba (1) n pu, KIA Dung (7) ni a ginra ira nga ai Sumpra Bum mawdaw lam Hpung
Chyang lahta kaw January (14) ya jahpawt hkying (7:35AM) ten ram hta myen hpyen tatma (33) n pu na myen hpyen n gun (40) ram hpe KIA myu tsaw share ninghkring ni kawn bawm hte hkap gasat lai wa sai lam na chye u ai. Ndai zawn myu tsaw share ninghkring ni bawm majan hte hkap gasat ai hta myen hpyen maga na marai (15) tup si hkrum lai wa sai lam hpe na chye lu ai.

DUNG (1) NI MYEN HPYEN MAWDAW (2) KAPAW

Published on Tuesday, 15 January 2013
Wunpawng Mungdan Shanglawt Asuya, Sinpraw Ginwang Dap Ba (3) Ginra rai nga ai Nmaw - Loije lam hku nna htu lung wa ai myen hpyen mawdaw (2) hpe January (15) ya shani KIA Dap Dung (1) na myu tsaw share ninghkring ni kapaw kau ya lai wa sai lam shiga na chye lu ai. Kata lam shiga hpe gaw hkrak n chye lu shi ai.

KIA NI HKA YA KAW PADANG DIP

Published on Tuesday, 15 January 2013
Wunpawng Mungdan Shanglawt Asuya Dap Ba (5) n pu, Dung (23) ni a ginra rai nga ai Hka Ya post de myen hpyen hpung ni January (15) ya jahpawt hkying (7:30AM) ten ram hta n gun kaba hte htu lung wa ai majaw KIA myu tsaw share ninghkring ni hkap gasat lai wa sai lam shiga na chye lu ai. KIA myu tsaw share ninghkring ni hte myen hpyen hpung ni dai ni tup n hkring n sa gap gasat lai wa ai re lam, myen hpyen maga na yawm htum (40) jan si hkrum lai wa sai lam hte myen hpyen maga na si hkala ai nau law wa ai majaw lagaw lam hku htu lung wa ai myen hpyen hpung ni shana maga hting nut mat wa ai lam hpe mung na chye lu ai. Myen hpyen hpung maga na nau hkrat sum wa ai majaw hpyen gasat n bungli (2) hte shana maga hkying (2:30PM) ten ram hta kalang, hkying (3:40PM) ten ram hta kalang (2) lang wa gasat garum lai wa sai lam na chye lu ai. N dai majan hta KIA myu tsaw share ninghkring ni kawn myen hpyen ni a ngajinmi sinat hte hpawn laknak law law hpe mung lu zing la lai wa sai lam hpe na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။