Sunday, January 27, 2013

HKA YA BUM HPE YEN KAU RA

(Jinghpawkasa)

Wunpawng Mungdan Shanglawt Asuya Dap Ba (5) n pu, Dap Dung (23) ni shara rai nga ai Lagat Bum Post hpe dai ni January (26) ya shani ka-ang hkying (12:30PM) ten ram hta KIA myu tsaw share ninghkring ni yen kau ra sai lam shiga na chye lu ai. Myen tai hpyen ni gaw hpyen n gun kaba hte htu gasat ai sha n ga, laknak kaba ni hte mung mara htu ai zawn gap sharu bun ai majaw KIA myu tsaw share ninghkring ni n dang hkam nna yen kau ya ra ai re lam shang lawm shiga lawk kawn na chye lu ai. Myen ni laknak kaba nau gap ai majaw Hka Ya Bum na hpun kawa ni yawng hkru mat nna, bum ting krin na daram rai mat sai lam hpe mung na chye lu ai. N dai Hka Ya Bum majan hte KIA myu tsaw share ninghkring ni maga na mung hkala ai hkrum ai ni lawm nna, myen tai hpyen ni maga na mung si hkala ai grai law ai lam hpe Laiza na myit su salang ni kawn na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။