Thursday, January 3, 2013

ပန်ဝါဒေသ တိုက်ပွဲပြင်းထန်

(Myitkyina Blog)


ဒီဇင်ဘာလ(၂)ရက်နေ့ ပန်ဝါဒေသတွင် တိုက်ပွဲပြင်းပြင်းထန်ထန် ဖြစ်ပွားခဲ့သည်။ ယနေ့ဖြစ်ပွားသောတိုက်ပွဲ တွင် မြန်မာ့လေတပ်သည် လွန်ခဲ့သည့်နေ့ကအသုံးပြုသော တိုက်လေယာဉ်မဟုတ်ဘဲ အဆင့်မြင့် Jet Fighter (၂)စင်းကို အသုံးပြုပစ်ခတ်တိုက်ခိုက်ခဲ့သည်။

တပ်မ(၈၈) နည်းဗျူဟာ(၂)လက်အောက်ခံ ခလရ(၁၀) (၁၃) (၇၇) ခမရ(၃၀၁) နှင့် ခလရ(၂၆၀) တပ်ရင်းများ မှ ပါဝင်တိုက်ခိုက်ခဲ့ကြောင်း သိရှိရသည်။ မြန်မာအစိုးရစစ်တပ်ဖွဲ့ဝင်(၂)ဦး ကျဆုံးကာ (၈)ဦး ဒဏ်ရာ ရရှိ ကြောင်း သိရသည်။
၎င်းထဲမှ (၆)ဦးသည် ဒဏ်ရာပြင်းထန် ကြောင်း နှင့် သေဆုံးရန်စိုးရိမ်ရကြောင်း ပြည်သူ့စစ် တပ်ဖွဲ့ဝင်များမှ သိရှိရသည်။

KIA တပ်ဖွဲ့ဝင်(၄)ဦး ဒဏ်ရာရရှိခဲ့ကြောင်း သိရှိရသည်။ တပ်မ(၈၈) ဌာနချုပ် ရည်မှန်းချက်ကို အမြန်အပြီးပြတ် ဆောင်ရွက်ရန် ဖိအားပေး နေသဖြင့် ရှေ့တန်းရောက် တပ်မတော်သားများမှာ နေ့စဉ်သေကြေ ထိခိုက်ဒဏ်ရာရ နေကြရကြောင်း ပြည်သူ့စစ်တပ်ဖွဲ့ဝင်များမှတဆင့် သိရှိရသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။