Saturday, December 1, 2012

WABAW KAWNG HTE NING HPAWT POST YEN KAU RA

(Jinghpawkasa)



Wunpawng Mungdan Shanglawt Asuya Dap Ba (5) n pu, Dung (3) Sadung Pa Ginra de KIA myu tsaw share ninghkring ni hte myen hpyen hpung ni December (1) ya shani laja lana gap gasat lai wa sai lam shiga na chye lu ai. Ndai zawn gap gasat ai hta KIA shawng lam post (2) hpe bai tat kau sai lam shiga na chye lu ai. Tat kau ai post (2) gaw Wabaw Kawng Post hte Ning Hpawt Post re lam, myen hpyen hpung ni kawn (120mm) laknak kaba ni hte gap sharu bun nna htu gasat ai majaw ya na zawn yen kau da ra ai re lam hpe chye lu ai. Myu tsaw share ninghkring ni hkala hkrum ai lam n nga ai rai tim, nau katsi kashung ai majaw grai jam jau nga ai lam, ja ja akyu hpyi garum ya na lam ni hpe mung tsun shana wa ma ai.

LAW BUM KAW GASAT

(Jinghpawkasa)



Wunpawng Mungdan Shanglawt Asuya Dap Ba (5) n pu, Sadung Ginwang KIA Dap Dung (3) Ginra Lagat Kawng kaw November (30) ya shana hkying (11:00PM) ten ram kaw na KIA myu tsaw share ninghkring ni hte myen tai hpyen hpung ni dai hpawt daw du hkra matut manoi gap gasat lai wa sai lam shiga na chye lu ai. Myen hpyen hpung ni gaw ya ten Lagat Kawng Post kawn lai nna hkying hkum (2) ram lagaw lam sa yang du ai Law Bum maga de du nga sai lam hpe mung na chye lu ai. Dai hpawt daw hta Law Bum kaw laja lana gap gasat wa sai lam na chye lu ai. November (30) ya shana maga de Lagat Kawng Post de myen hpyen Helicopter langai wa hkring sa sai lam, n dai myen Helicopter gaw aten gadun sha sa nna bai wa mat ai re lam, buga masha ni maram ai hta myen hpyen maga na du kaba langai ngai hkala ai majaw ya na zawn Helicopter hte wa htaw la ai rai na re nga tak sawn maram nga ai lam na chye lu ai.

KAWNG SAHTI KAW GASAT MYEN (2) SI

(Jinghpawkasa)



Wungpawng Mungdan Shanglawt Asuya, Sam Mung daju Dap Ba (4) n pu Dung (36) ni a ginra rai nga ai Hpai Kawng lahta Kawng Sahti Mare kaw November (30) ya shani KIA Dung (36) na Mung Shawa Hpyen Hpung (MHH) ni hte myen hpyen hpung ni gap gasat lai wa sai lam shiga na chye lu ai. N dai zawn gap gasat ai hta myen hpyen la (2) si nna hkala ai ni mung lawm ai lam na chye lu ai. N dai myen hpyen hpung ni gaw November (29) ya shani Kawng Si mare na Mare masha ni a dan la ngut sai mam ni yawng hpe nat kau ya lai wa sai lam shiga na chye lu ai. Mare masha ni a dum nta hkan na ja, gumhpraw, a rung a rai ni yawng hpe mung mya la mat wa ya ai lam na chye lu ai.
Myen hpyen ni rim woi nna gyit dun hkawm ai Sara Naw San hpe dai ni bai dat ya sai lam shiga mung na chye lu ai.

LAGAT KAWNG POST HPE YEN KAU RA

(Jinghpawkasa)



Wunpawng Mungdan Shanglawt Asuya Dap Ba (5), Sadung Ginwang Dap Dung (3) ginra na KIA Lagat Kawng post hpe dai na maga hkying (6:30PM) ra hta yen kau ra sai lam shiga na chye lu ai. Myen hpyen ni gaw Sadung Bum kaw nna dai hpawt hkying (7:00AM) ram kawn laknak kaba ni hte shani ting gap sharu bun ai majaw yen kau ra ai re lam, n dai Lagat Kawng Post gaw Sadung lam Hka Rum Mahkrai kaw na hkying hkum chyen mi ram sha sa ra ai sha ra re lam na chye lu ai. Myen hpyen ni gaw Hka Rum mahkrai bai galaw mayu ai majaw ya na zawn KIA post hpe laja lana htu gasat wa ai re lam hpe na chye lu ai.


Friday, November 30, 2012

တ႐ုတ္သုိ႔ သစ္ေမွာင္ခိုတင္ပို႔မႈ အာဏာပိုင္မ်ား လ်စ္လ်ဴရွဳ႕ေန



ယခုႏွစ္ ပြင့္လင္းရာသီ စတင္ခ်ိန္မွစ၍ သၽွမ္းျပည္ (ေျမာက္ပိုင္း) မိုးမိတ္ႏွင့္ မဘိန္းနယ္တစ္ဝိုက္မွ သစ္မာမ်ား ကို မႏၲေလး - ဗန္းေမာ္ကားလမ္းမွ တဆင့္ ဗန္းေမာ္ၿမိဳ႕ကုိ ျဖတ္၍ တ႐ုတ္နယ္စပ္ လြယ္ဂ်ယ္ဘက္သို႔ တရားမဝင္တင္ပို႔ေနမွုမ်ား က်ယ္ျပန႔္ စြာ ျဖစ္ေပၚေနေၾကာင္း ဗန္းေမာ္ၿမိဳ႕ခံမ်ား အဆိုအရ သိရသည္ ။

 သစ္တင္ကား

ေအာက္တိုဘာလပိုင္းကစ၍ သစ္တင္ပို႔မွုမ်ား စတင္ခဲ့ၿပီး ယခုလ ၂၃ ရက္ေန႔က သစ္ကားတန္း ျဖတ္သန္းမွုေၾကာင့္ ဗန္းေမာ္ၿမိဳ႕ အဝင္ ဟန္းတဲရြာ တံတားက်ိဳးက်ခဲ့ရာ လူေသဆုံးမွုရွိခဲ့ၿပီး ၄င္းျဖစ္စဥ္အေပၚ ဗန္းေမာ္ၿမိဳ႕ အာဏာပိုင္မ်ားက အမွုမွန္ေဖၚထုတ္ျခင္း မရွိပဲ ဖုံးကြယ္ထားေၾကာင္း ဗန္းေမာ္ၿမိဳ႕ခံမ်ားက သၽွမ္းသံေတာ္ဆင့္သို႔ ေျပာသည္ ။

စစ္ေျပး ဒုကၡသည္ စခန္း တခုကို အစိုးရ တပ္ဖြဲ႕က မီး႐ိႈ႕

(ေရႊဟသၤာသတင္းဌာန)


႐ွမ္းျပည္ ေျမာက္ပိုင္း၊ မူဆယ္ၿမိဳ႕နယ္၊ ဖိုင္ေကာင္ ေက်း႐ြာတြင္ အနီး ဖြင့္လွစ္ထားေသာ စစ္ေျပး ဒုကၡသည္ စခန္း တခုအား ႏိုဝင္ဘာလ (၂၈) ရက္ေန႕တြင္ ခမရ (၂၄၀) အစိုးရ တပ္ဖြဲ႕ တို႕က ဝင္ေရာက္ မီး႐ိႈ႕ဖ်က္ဆီး ခဲ့သည္ဟု ေဒသခံ ရွမ္းဒုကၡသည္ တစ္ဦးက ဆိုပါသည္။ 

“အဲဒီ ေနရာမွာ တိုက္ပြဲေတြ ခဏခဏ ျဖစ္ေနေတာ့ အနီးနား ပတ္ဝန္းက်င္႐ြာက လူေတြ ဖိုင္ေကာင္း႐ြာ အနားမွာ ႐ိွတဲ့ ဒုကၡသည္ စခန္းမွာ ေရွာင္တိန္း ေနၾကတာပါ။ ဒီစခန္းမွာ ႐ွမ္း၊ ကခ်င္၊ ပေလာင္ လူမ်ိဳးေတြ ေနၾကတဲ့ စခန္းလည္း ျဖစ္ပါတယ္။ ျဖစ္ ပံုကေတာ့ အဲဒီ(၂၇) ရက္ေန႔မွာ တရုတ္ျပည္နယ္ စပ္ဖက္က ဒုကၡသည္ ေတြရဲ့ လ်ဳိ႔၀ွက္ ရိကၡာ စခန္းကို အစိုးရ တပ္က မီးရွဳိ႔ လိုက္တယ္။ ဒါကိုမေၾက နပ္တဲ့ KIA တပ္က လိုက္တိုက္ေတာ့ အစိုးရ တပ္ဖြဲ႕ေတြက ဖိုင္ေကာင္းရြာ ဒုကၡသည္ စခန္းကို မီး႐ိႈ႕ ဖ်က္ဆီး လိုက္တာ ျဖစ္ပါတယ္။” ဟု ဆိုပါသည္။

SHAWNG LAM DE MYEN N GUN GRAU HTU

(Jinghpawkasa)

Wunpawng Mungdan Shanglawt Asuya Dap Ba (5) Up hkang ginra rai nga ai Myitkyina - Laiza lam Nam San Yang maga de November (29) ya shani myen hpyen ni n gun kaba hte bai htu shang wa sai lam shiga na chye lu ai. Matut nna Laiza - Manmaw lam Daw Hpum Yang mare hta mung hpyen hpyen ni n gun kaba hte sa du shanu shara la nga sai lam na chye lu ai. Ya ten hta Wunpawng Mungdan Shanglawt Asuya hte myen hpyen ni shang lawm ginra ni hta gap gasat ai lam gan zim taw ai rai tim myen hpyen ni gaw shawng lam de hpyen n gun hte laknak ni hpe sa nga ding yang re lam hpe na chye lu ai. November (29) ya shani KIA Mung Shawa Hpyen Hpung (MHH)na bawm sara Lazing Dut gaw tinang a bawm hte hkala nna asak sum mat wa sai lam shiga na chye lu ai.

SARA SUMLUT NAW SAN HPE MYEN NI ZINGRI

(Jinghpawkasa)

Wunpawng Mungdan Shanglawt Asuya, Sam Mung daju Dap Ba (4) up hkang ginra rai nga ai Muse - Munggu lapran na Hpai Kawng Mare na Hkalup Hpung Sara Sumlut Naw San hpe myen hpyen ni gyit majaw dun hkawm nna zingri nga ai lam shiga na chye lu ai. Myen hpyen ni laknak kaba hte gap ai majaw Slg. Dashi Tu a nta mung hten za mat ai lam na chye lu ai. N dai myen hpyen hpung ni gaw November (28) ya shani sha Hpai Kawng hpyen yen dabang na dum nta (50) jan hpe mung nat kau ya lai wa sai re. Myen hpyen ni n dai zawn hpyen yen dabang hpe wan nat kau ya ai lam gaw Hpa Kawng hpyen yen dabang hta KIA hpyen la ni sadu hpawng de nga nga re ai majaw re lam, buga na salang ni kawn hpyen yen dabang hta n sa nga, n sa hpawng de na matu tsun shadum ai rai tim madat ya ai lam n nga ai majaw ya na zawn myen hpyen hpung ni sa htim gap nna wan nat kau ya lai wa ai re lam buga masha ni kawn na chye lu ai.

Thursday, November 29, 2012

HPAI KAWNG MARE HTA MHH NI HTIM GASAT

(Jinghpawkasa)


Wunpawng Mungdan Shanglawt Asuya, Sam Mung daju Dap Ba (4) up hkang ginra rai nga ai Hpai Kawng Mare hte myen hpyen asuya hpyen dap (504) na hpyen hpung ni gaw November (28) ya shani Mare masha ni a dum nta hkan na a rung a rai ni hpe shanhte ra ai kasawk la rai nna, num ma ni hpe mung a dup zingrai rai nga ma ai lam shiga na chye lu ai. Myen hpyen ni n dai zawn mare masha ni a a rung a rai ni hpe kashun mya la, mare masha ni hpe adup zing ri re lam hpe yu n ngu, n dang hkam sha wa ai majaw Hpungtau La Hkawng gaw myen hpyen du wa hpe adup htwi kau da nna Miwa mungde hprawng shang mat wa ai lam hpe mung na chye lu ai. Myen hpyen hpung ni kawn mare masha ni hpe jahkrit shama, kasawk shakyin rai taw nga ai majaw KIA Dung (36) na Mung Shawa Hpyen Hpung (MHH) ni kawn sa htim gap ai majaw myen hpyen maga na marai (10) jan hkala hkrum wa sai lam hpe mung na chye lu ai. Hpyen hpyen hpung ni gaw majan sum ai majaw pawt ka-un nna Hpai Kawng hte Nawng Lung hkauna pa hta galaw da ai hpyen yen ginsum ma hkra hpe wan nat kau ya lai wa sai lam, mare kaw na la ni yawng hpe mung nawku jawng kaw gau kahkyin bang da ai lam shiga matut na chye lu ai.