Saturday, September 15, 2012

ဆွတ်ငိုင်ယန်ရွာသားများ၏ ပစ္စည်းများ ဗမာစစ်သားများခိုးယူ

(Jinghpawkasa)


 ကိုဂျာလှ နေအိမ်နှင့် မိသားစုဝင်များ

စက်တင်ဘာလ ၁၃ ရက်နေ့ ညနေ ၅ နာရီခန့်တွင် ဗမာစစ်သားများ အချင်းချင်းမှားယွင်းပစ်ခတ်ရာမှ ရွာထဲသို့ ၀င်လာပြီး နေအိမ်အတွင်း ရှိနေသောအိမ်သားများအားလုံးကို ဆွတ်ငိုင်ယန်တောင်ကုန်းပေါ်သို့ ဓါးစာခံ အဖြစ်ခေါ်ဆောင်သွားပြီးနောက် ကျန်ရှိသော စစ်သားများက ရွာသားများ၏ ပစ္စည်းများကို စိတ်တိုင်းကျ ခိုးယူသွားခြင်းဖြစ်ကြောင်း ပြောကြားလာပါသည်။ အိမ်တိုင်းနီးပါး ၀င်ရောက်ရှာဖွေခြင်းခံရပြီး၊ ၎င်းစစ်သားများ လိုချင်သည့်အရာများကို ယူဆောင်သွားကြောင်း ဒေသခံများကပြောကြားလာပါသည်။ ကိုလှဂျာဆိုသူ၏ နေအိမ်မှ ကျောက်ကြည့်ဓါတ်မီး နှစ်လက်၊ ဖုန်း ၁ လုံး၊ ငွေသား ၇၀၀၀ ကျပ်ပါ သွားကြောင်းနှင့် သေတ္တာ၊ ဗီဒိုများအားလုံး မွှေနှောက်ရှာ ဖွေခြင်းခံခဲ့ ရသည်ဟု ၎င်းကိုယ်တိုင်ပြောပြလာပါသည်။



ဦးဒ၀မ်လှဝမ်နေအိမ်နှင့် မိသားစုဝင်များ


ဦးဒ၀မ်လှဝမ် နေအိမ်မှ ဖုန်း ၃လုံး၊ ကျောက်စိမ်း အပွင့်ထုတ်ပြီးသား ၈၀ ပွင့်၊ ထည်လုံးစိမ်း ၁ လုံး၊ ကျောက်ဖြတ်သား ၅ ခု၊ ငွေသား ၁ သိန်းခွဲ ခိုးယူခြင်းခံခဲ့ရပါသည်။ ဦးဒ၀မ်လှဝမ်အိမ်မှာ အခင်းဖြစ်ပွားသည့် အချိန် တွင် နေအိမ်အား သော့သေချာစွာ ခတ်ထားခဲ့သော်လည်း ဗမာစစ်သား များက သော့များအား သေနတ်ဖြင့် ပစ်ခတ်ပြီးဖွင့်သွားခဲ့ခြင်းဖြစ်ကြောင်း ၎င်း၏ အမျိုးသမီးက ပြောပြပါသည်။ ဗမာစစ်သားများသည် ရွာသား များ၏ ပစ္စည်းများကို ခိုးယူသွားသည်သာမက ၎င်းတို့နေအိမ်များကို လည်း သေနတ်များဖြင့်ပစ်ခတ်ခဲ့ပြီး ပျက်စီးမှုများလည်းရှိကြောင်း ဒေသခံများကပြောကြားလာပါသည်။ “တစ်ရွာလုံးကို တောင်ကုန်း ပေါ်ခေါ်ထားမှတော့ ဘာမလည်းမတတ်နိုင်ဘူး၊ ဘာမှလည်းမယူ သွားနိုင်ဘူး၊ သူတို့က အိမ်ကို သေနတ်တွေနဲ့ချိန်ပြီး ရှိတဲ့လူအကုန်လုံး ကိုခေါ်သွားတာကိုး၊ ည ၆ နာရီကျော်မှ အိမ်ပြန်ရောက်တော့ ပစ္စည်းတွေ မွှေနှောက်ထားတယ်ဆိုတာသိရတယ်၊ ပစ္စည်းလိုက်စစ်ကြည့်တော့မှ ခိုးခံရမှန်းသိတာကိုး” ဟုဒေသခံတစ်ဦးက ရှင်းပြပါသည်။ အချို့မှာ ရွှေငွေ၊ လက်ဝတ်ရတနာများလည်း ခိုးယူခြင်းခံခဲ့ရကြောင်း၊ အချို့မှာ တောင်ကုန်းပေါ် ရောက်မှ ဖုန်းသိမ်းခံခဲ့ရသည်ဟုသိရှိရပါသည်။ ဖုန်းသိမ်းခံခဲ့ရသည့် လူ ၈ ဦးရှိပြီး မည်သူမျှဖုန်းပြန်လည် မရရှိခဲ့ကြပေ။ “အခုဗမာစစ်သားတွေက ပြည်သူတွေဆီက ဓါးပြတိုက်တာဖြစ်သွားပြီ၊ အစိုးရလို့ ဘယ်လို ခေါ်ရတော့မလဲ” ဟု ၎င်းတို့၏ခံစားချက်ကိုပြောပြပါ သည်။

တရုတ်၊ မြန်မာအစိုးရတို့၏ ကချင် ဒုက္ခသည်အပေါ် ကိုင်တွယ်မှုကို HRW ဝေဖန်


ရွှေဟင်္သာသတင်းဌာန

တရုတ်နှင့် မြန်မာ အစိုးရတို့၏ ကချင်ဒေသရှိ ဒုက္ခသည် များအပေါ် ကိုင်တွယ် မှုသည် နိုင်ငံတကာ ဒုက္ခသည်များ အခွင့် အရေး စောင့် ရှောက်မှု စံနှုန်းများနှင့် မကိုက် ညီကြောင်း လူ့အခွင့်အရေး စောင့်ကြည့် ရေး အဖွဲ့ (HRW) မှ အာရှဒေသ လက်ထောက် ဒါရိုက်တာ မစ္စတာ ဖီးရောဘတ်ဆန်က ဆိုပါသည်။

“ ယူနန် ပြည်နယ် ထဲက ကချင် စစ်ပြေး ဒုက္ခသည် တွေကို မြန်မာနိုင်ငံ စစ်မြေပြင် ဘက်ကို ပြန်ဖို့ ဖိအားပေး လုပ်ဆောင် နေတဲ့ တရုတ်တို့ရဲ့ လုပ်ရပ်ဟာ အင်မတန်ကို အနှုတ် လက္ခဏာ ဆန်တယ်၊ ဒါဟာ တရုတ် အစိုး ရက ဒုက္ခသည် ဆိုင်ရာ အခွင့် အရေးကို ချိုးဖောက် နေတာ ဖြစ် တယ်၊ ဒီချိုးဖောက်မှု ပေါ်မှာလည်း နိုင်ငံတကာက နေပြီး စုံစမ်း စစ်ဆေး မှုတွေ လုပ်ဖို့ လို အပ်ပါတယ်” ဟု ဒါရိုက်တာ မစ္စတာ ဖီးရောဘတ် ဆန်က ပြောခြင်း ဖြစ်ပါသည်။

တရုတ်နိုင်ငံ နန်တောင်း မြို့နယ်ရှိ ဒုက္ခသည် စခန်း (၆) ခုထဲမှ ဒုက္ခသည် ပေါင်း (၅၀၀၀) ခန့်အား သြဂုတ်လ၂၂ ရက် နေ့မှ စ၍ တပတ်အတွင်း မြန်မာ နိုင်ငံထဲသို့ ပြန်လည်ဝင်ရောက်စေခဲ့ပါသည်။ ဤလုပ်ရပ် အတွက် ကုလသမဂ္ဂက ဒုက္ခသည်များ ဆိုင်ရာ မဟာမင်းကြီး ရုံးမှ အလွန် စိုးရိမ်မိ ကြောင်း စက်တင်ဘာလ (၇) ရက်နေ့က ကြေငြာချက် တစ်စောင် ထုတ်ပြန် ခဲ့ပါသည်။ တရုတ် အစိုးရသည် ၁၉၆၁ ခုနှစ်တွင် ကုလ သမဂ္ဂ၏ ဒုက္ခသည် ဆိုင်ရာ ပြဋ္ဌာန်းချက်အား လက်မှတ်ရေးထိုး နိုင်ငံဖြစ်သည့် အတွက် ၄င်းအပေါ် လေးစား လိုက်နာသင့်ပါသည်။

ယခုလက်ရှိ ကချင် ပြည်နယ် ဖားကန့် ဘက်၌လည်း တိုက်ပွဲများ နေ့စဉ် ဖြစ်ပွားလျက် ရှိပြီး အရပ်သား ဒုက္ခသည်များ နေ့ စဉ် တိုးပွားလျက် ရှိပြီး ကချင် ပြည်နယ် တစ်ခုလုံး အတိုင်းအတာဖြင့် ဒုက္ခသည်ပေါင်း တစ်သိန်း ဝန်းကျင်ခန့် ရှိပြီဟု ကချင်ဒုက္ခသည် ကော်မီတီ များက ခန့်မှန်း ကြပါ သည်။

ယခု ကဲ့သို့ မိုးရာသီ၌ နေထိုင်ရေး၊ အစားအသောက်၊ ဆေးဝါး၊ ပညာ ရေး၊ ရွက်ဖျင်တဲများ စသည့် ဒုက္ခသည်များ အခြေခံ ရပ်တည်နိုင်ရေး အကူအညီများ အရေးတကြီး လိုအပ်လျက် ရှိပြီး နိုင်ငံတကာ အကူအညီ ပေးရေး အဖွဲ့များ ဒုက္ခသည် များ နှင့် တိုက်ရိုက် အကူအညီ ပေးနိုင်မှုကို မြန်မာ အစိုးရမှ ပိတ်ပင်မှုများ ရှိနေသည်ဟု မစ္စတာဖီးရော ဘတ် ဆန်က ပြောပါ သည်။

“မြန်မာ အစိုးရက အကူအညီ ပေးရေး အဖွဲ့တွေကို အစိုးရ ထိန်းချုပ်မှု အောက်က တဆင့် သွားတာမျိုး ဖြစ်လိုဟန်သဘော ထား ရှိပါတယ်။ သက်ဆိုင်ရာ ဒုက္ခသည် စခန်းတွေ၊ KIA တို့နဲ့ တိုက်ရိုက် ချိတ်ဆက်ပြီး လုပ်ဆောင် ဖို့ကိုတော့ ပိတ်ပင် ထားမှုတွေ ရှိပါတယ်၊ ဒါက မှားပါတယ်၊ အကူအညီ ပေးတယ် ဆိုတာ လိုတဲ့ နေရာကို လိုအပ်သလို တိုက်ရိုက် ချိတ်ဆက် လုပ်ဆောင်ပြီး ပေးအပ်တာဟာ အသင့်တော် ဆုံးပါ၊ ဒီကန့် သတ်မှု တွေဟာ ဒုက္ခသည် တွေကို ပိုမို ဒုက္ခရောက် စေတယ်၊ ဒီကိစ္စကို သမ္မတကြီး ကိုယ်တိုင် ဝင်ရောက် ကိုင်တွယ်ဖို့ လိုအပ်ပါတယ်” ဟု မစ္စတာ ဖီးရောဘတ်ဆန်က ပြောသည်။

လူ့အခွင့် အရေး စောင့်ကြည့်ရေး အဖွဲ့သည် ထိုင်း - မြန်မာ နယ်စပ်ရှိ ဒုက္ခသည် စခန်း (၁၀) ခုမှ ဒုက္ခသည်များ အတွက် လည်း မြန်မာ-ထိုင်း နှစ်နိုင်ငံ အစိုးရတို့မှ ပွင့်လင်း မြင်သာသည့် ဒုက္ခသည် ပြန်လည် နေရာ ချထားရေး အစီအစဉ်ကို နိုင်ငံ တကာ အဖွဲ့အစည်းများနှင့် လက်တွဲ၍ ချမှတ် ဆောင်ရွက်ရန် ကိုလည်း ပန်ကြား ထားပါသည်။



Ad Hoc and Inadequate (Thailand’s Treatment of Refugees and Asylum Seekers) အစီရင်ခံစာ မျက်နှာဖုံး (ဓါတ်ပုံ - HRW)

စက်တင်ဘာလ (၁၂) နေ့ကလည်း ထိုင်း-မြန်မာ နယ်စပ် ဒုက္ခသည် စခန်းများ၏ အခြေအနေ များနှင့် ပတ်သက်၍ လူ့အ ခွင့်အရေး စောင့်ကြည့်ရေး အဖွဲ့က Ad Hoc and Inadequate (Thailand’s Treatment of Refugees and Asylum Seekers) အမည်ရှိ စာမျက်နှာ (၁၅၃) မျက်နှာ ရှိ အစီရင်ခံစာ တစ်စောင်အား ထုတ်ပြန်ခဲ့ပြီး ထိုင်းအစိုးရ၏ ဒုက္ခသည် များအပေါ် ကိုင်တွယ် ပြုမူမှု များနှင့် ပတ်သက်၍ ၄င်း အစီရင် ခံစာ၌ ပြင်းပြင်း ထန်ထန် ထောက်ပြ ပြောဆို ထားခဲ့ပါသည်။

လူ့အခွင့်အရေး စောင့်ကြည့်ရေး အဖွဲ့သည် နိုင်ငံတကာ အဖွဲ့အစည်း တစ်ခုဖြစ်ပြီး ရုံးချုပ်အား အမေရိကန်နိုင်ငံ နယူး ယောက် မြို့၌ ထားရှိကာ၊ အခြား ကမ္ဘာပေါ်ရှိ နိုင်ငံပေါင်း ၄၀ ကျော်၌လည်း ရုံးများ ဖွင့်လှစ် ထားပါသည်။ ကမ္ဘာ ပေါ်ရှိ နိုင်ငံများ၌ ဖြစ်ပေါ် နေသည့် လူ့အခွင့်အရေး ချိုးဖောက်မှု များနှင့် ပတ်သက်၍ အစီခံစာများ ပြုစုခြင်း၊ ပညာပေးခြင်း၊ သုသေတန လုပ်ခြင်းများကို ဆောင်ရွက်လျက်ရှိသည်။ လူ့အခွင့် အရေး အဖွဲ့၏ စက်တင်ဘာလ (၁၂) ရက်နေ့ထုတ် အစီရင်ခံစာ အပြည့်အစုံ ကို အင်္ဂလိပ် ဘာသာဖြင့် ဖော်ပြပါ လင့်ခ်၌ ဖတ်ရှူ့ နိုင်ပါသည်။ http://www.hrw.org/sites/default/files/reports/thailand0912.pdf

KIA အပေါ်ကျင့်သုံးနေသော ဖြတ်လေးဖြတ် စစ်ဆင်ရေးထဲက လူထုအားတိုက်ခိုက်ခြင်း


ရွှေဟင်္သာသတင်းဌာန

ကချင်ပြည်နယ် ဖားကန့်မြို့နယ်၊ မော်ဝမ်းကြီး ရပ်ကွက်ထဲသို့ လက်နက်ကြီးများ ပစ်ခတ် မှုသည်၊ အစိုးရတပ်ဖွဲ့မှ တမင် ကြံစည်ပြီး ပစ်ခတ်ခြင်းသာ ဖြစ်သည်ဟု ကချင်ပြည် လွတ်လပ်ရေးအဖွဲ့ KIO ပြောခွင့်ရသူ ဦးလာနန်းက ပြောပါသည်။

“ အဲဒီမှာ ကချင် တပ်တွေ မရှိဘူး လေဗျာ။ သူတို့ အချင်းချင်း မူးပြီး အပြန်အလှန် သေနတ် ဖေါက်ကြ၊ ပြီးတော့မှ နှစ်ဖက်စလုံး ကနေ ရွာထဲကို လက်နက် ကြီးတွေနဲ့ (၂) နာရီလောက် ပစ်ထည့် လိုက်တယ် လေ။ ဒီတော့ ကျောင်းဆင်းစ ကျောင်းသား တွေနဲ့ အရပ်သားတွေပါ ထိခိုက် ဒါဏ်ရာရ သွားတာပေါ့။  စုစုပေါင်း ၈ ဦးလောက် ဖားကန့် ဆေးရုံကို ရောက်သွားတယ်။ အဲဒီထဲမှာ အသက် ၁၃ နှစ်အရွယ် ကျောင်းသူ မဆိုင်းဂျာအိမ်က အဲဒီညနေ ၁၀ နာရီလောက်မှာ ခွဲစိတ် ကုသစဉ် သေဆုံး သွားခဲ့တယ်”ဟု ဦးလနန်းမှ ပြောပါသည်။

ယင်းပစ်ခတ်မှုကို ဆွပ်ငိုင်ယန် ကျေးရွာ၌ အခြေ စိုက်သည့် ခလရ ၅၂ တပ်ဖွဲ့ များနှင့် အနောက် မြောက်တိုင်း စစ်ဌာနချုပ် လက်အောက်ခံ တပ်ရင်းများ ပါရှိသော ပူးပေါင်း တပ်များ အချင်းချင်း ပစ်ခတ်တိုက်ခိုက် ခဲ့ကြရာက ရွာထဲသို့ပစ်ခတ်လိုက် ခြင်းဖြစ်သည်ဟု ဒေသခံ ရွာသား များက ပြောပါသည်။


ပစ်ခတ်မှုသည် စက်တင်ဘာလ (၁၃) ရက် ညနေ ၃း၃၀ နာရီ ခန့်၌ ဖြစ်ပွား ခဲ့ပါသည်။ အစိုးရ တပ်ဖွဲ့ များသည်၊ အချင်းချင်း ပစ်ခတ် ကြရာမှ ရွာထဲကို ပစ်ခတ်ခြင်း၊ အရက်မူးပြီး ရွာထဲသို့ ပစ်ခတ်ခြင်း၊ ပစ်ရှင်း စနစ်ဖြင့် ရွာမ၀င်ခင် ရွာထဲသို့ လက်နက် ကြီးများဖြင့် အရင် ပစ်ခတ်ပြီးမှ ကျေးရွာကို ၀င်ရှင်းခြင်း၊ ကျေးရွာနား၌ တိုက်ပွဲ ဖြစ်ပွားခဲ့ပါက ရွာထဲသို့ ပစ်ခတ်ခြင်း၊ ရွာဝင်မီး ရှို့ခြင်း၊ ပေါ်တာဖမ်းခြင်း၊ ကြောင်းကျုိုးမဲ့ အရပ်သား များကို ပစ်ခတ်ခြင်းသည် အစိုးရ တပ်ဖွဲ့များ၏ လုပ်နေကျ စနစ် တခုလို ဖြစ်နေခဲ့ကြောင်း ဦးလာနန်း ကဆိုပါသည်။

အစိုးရ တပ်ဖွဲ့များ၏ ဤစနစ်ကြောင့် ရွာသားများကို ၄င်းတို့၏ကျေးရွာများ မှ စွန့်ခွာစေခဲ့ကြပါသည်။ ထို့အပြင် KIA နှင့် အစိုးရ တို့သည် တနှစ် ကျော်အတွင်းတိုက်ပွဲပေါင်း (၁၇၇၀)ကျော် ရှိခဲ့ပြီး ဖြစ်သည်ဟု KIA ဖက်က ဆိုပါသည်။ ဤကဲ့သို့သော တိုက်ပွဲများနှင့် အစိုးရ၏ စစ်ဆင်ရေး စနစ်ကြောင့် ကချင် စစ်ပြေး ဒုက္ခသည် များကို  ဖြစ်စေခဲ့ပါသည်။

KIA နှင့် တိုက်ပွဲပေါင်း (၉၀၀) ဖြစ်ခဲ့သည့် အထဲတွင် အစိုးရ တပ်ဖွဲ့ အချင်းချင်း ပစ်ခတ်မှုများသည် (၁၀)ပွဲထက် မနည်း ရှိခဲ့သည်ဟု ဆိုပါသည်။ ဤကဲ့သို့ အချင်းချင်း ပစ်ခတ်မှု ဖြစ်ပွားခဲ့ ပြီးတိုင်း ကချင် ကျေးရွာ တွေအပေါ် ရန်ရှာပြီး အကြောင်းမဲ့ ရွာထဲသို့ ပစ်ခတ်လေ့ ရှိပါသည်။ ထို့အပြင် ကျေးရွာထဲ ပစ်ရှင်း စနစ်သည်လည်း ကချင်လူထုကို ကျေးရွာမှ ထွက်ခွာစေခဲ့သော စနစ် ဖြစ်ပါသည်။

ဤသို့ကြောင့် ကချင်စစ်ပြေး ဒုက္ခသည်ပေါင်း တသိန်းခန့် ဖြစ်လာ ခဲ့ရခြင်း ဖြစ်ပါသည်။ အစိုးရ ကာကွယ်ရေး ၀န်ကြီး ဌာနကမူ ကချင် ပြည်နယ်တွင်း၌ စစ်ဆင်ရေး မရှိကြောင်း၊ နယ်မြေ ရှင်းလင်းသာ ရှိပြီး သမ္မတ ညွှန်ကြား ထားသည့် အတိုင်း ဆောင်ရွက် နေပါကြောင်း လွှတ်တော်ကို တင်ပြ အစီရင်ခံ ခဲ့ပါသည်။



ဆေးရုံသို့ ရောက်ရှိ နေသော ရဲဘော် များအား ကာချုပ် အားပေး နေစဉ် (ဓါတ်ပုံ - မြဝတီ)

ဤစနစ်ကို အစိုးရ စစ်တပ်က ကရင်အမျိုးသား အစည်းအရုံး(KNU) ကို စစ်ဆင်စဉ်ကလည်း ကျင့်သုံး ခဲ့ပါသည်။ ဤစနစ်ကို ဖြတ်လေးဖြတ် စနစ် ဟု ခေါ် သော စစ်ဆင်ရေး စနစ်ဖြစ်ပါသည်။  ဖြတ်လေးဖြတ်သည် (၁) ပြည်သူများနှင့် အဆက်ဖြတ် ခြင်း (သို့) ပြည်သူများ အခြေ အနေမဲ့နေ အောင်(သို့) စစ်ပြေးဒုက္ခသည်ဖြစ်အောင် ပြုလုပ်ခြင်း၊ (၂) ရိက္ခာဖြတ် တောက်ခြင်း၊ (၃)သတင်း အရင်းအမြစ် ဖြတ်တောက်ခြင်းနှင့် (၄) ဘဏ္ဍာငွေဖြတ်တောက်ခြင်း (စီးပွားရေးအဆောက်အအုံဖျက်ဆီးခြင်း၊ တို့ဖြစ်ပါသည်။

အစိုးရတပ်ဖွဲ့များ ဖါးကန့် မြို့နယ်ရှိ ကျောက်စိမ်း မှော်များကို စစ်ဆင် နေခြင်းသည် KIA ၏ စီးပွားရေး အဆောက်အအုံ များကို ဖျက်ဆီးခြင်း ဖြစ်သလို နယ်မြေလူထုများကို တိုက်ခိုက်ပြီး စစ်ပြေး ဘ၀ ရောက်ရှိ စေခြင်း သည်လည်း KIA ကို လူထုနှင့် ကင်းကွာစေခြင်း၊ သတင်းနှင့် ရိက္ခာများ ပြတ်တောက် စေခြင်းပင် ဖြစ်ပါသည်။

သို့သော်လည်း စက်တင်ဘာ (၁၃)ရက်နေ့၌ ဖြစ်ပွားသော ဖါးကန့်ရှိ မော်ဝမ်းကြီးပစ်ခတ်မှုကိစ္စကို KIA ၏ လက်ချက်ဖြစ် ကြောင်း အစိုးရ တပ်မတော်ပြန်ကြားရေးဆိုင်ရာ မြ၀တီ မီဒီယာက စွပ်စွဲ ထားပါသည်။ ဖေါ်ပြပါလင့်၌ ဖတ်ရှု့ နိုင်ပါသည်။ http://www.facebook.com/mwdmedia?ref=stream

ဤကဲ့သို့ အစိုးရ ဖက်မှလည်း တုန့်ပြန်နေခဲ့ ပါသည်။ ဖါးကန့်ဒေ သခံ များ၏ အပြောအရ အခင်းဖြစ်ပွားချိန်၌ KIA တပ်များ မရှိကြောင်း ပြောပါသည်။

ဤသည် အစိုးရမှ KIA အပေါ် စစ်ရေး၊ ကချင်လူထုတိုက်ခိုက်ရေးနှင့် မီဒီယာရေးပါ တုန့်ပြန်တိုက်ခိုက် လိုက်ခြင်းပင်ဖြစ်ပါ သည်။ ထို့အပြင် ဤကဲ့သို့သော အခြေအနေအထိ စစ်ဆင်နေသော အစိုးရသည် ငြိမ်းချမ်း ရေးဆွေးနွေးပွဲအတွက်ဆိုကာ KIA အား နေပြည်တော်၌ တွေ့ဆုံဆွေး နွေးကြရန်ကမ်းလှမ်းထားပါသည်။

ဤသည် အစိုးရက KIA အားပျက်ရယ်ပြုသည့် ကမ်းလှမ်းခြင်းသာ ဖြစ် သည်ဟု KIA က ယူဆပါသည်။ အစိုးရသည် သံတ မန်စကားအရသာ ငြိမ်းချမ်းရေးတည်ဆောက်နေပါသည်ဟု ကြွေးကြော်နေသော်လည်း အနှစ်သာရ အားဖြင့် လက်နက်ကိုင် တိုင်းရင်းသား အဖွဲ့များကို တဖွဲ့ပြီး တဖွဲ့ ချေမှုန်းရေးသာ ဖြစ်သည်ဟု KIA ဖက်ယူဆပါသည်။