Saturday, August 25, 2012

ကချင်ပြည်နယ်၊ KIA ထိမ်းချုပ်သော ဧရိယာမှ တရုတ် စီမံကိန်းများ


Kachin Daily News



တရုတ် လုပ်ငန်းရှင် ကြီးများနှင့် ယူနန်အစိုးရမှ ၂၀၀၆ ခုနှစ်တွင် တရုတ် အစိုးရ အကျိုးစီးပွါးအတွက် အထူးစီမံချက် အစီရင်ခံစာ တစ်စောင် ထွက်လာသည်။ ထိုအစီရင်ခံစာတွင် ယူနန်နယ်သည် တရုတ် ပြည်၏ တောင်အာရှ တံခါးဝ (ဂိတ်ဝ) ဖြစ်လာရန် စီမံချက် ဖြစ်သည်။

(၁) တောင်အာရှ ကိုထွက်သောလမ်းကြောင်းမှာ TengChong မှာ ဗဟိုပြုရန်။ အနောက်တံခါးများကို ငွေအား၊ နိုင်ငံရေး တွန်းအား၊ ရှိသမျှအင်အား အားလုံးနှင့် လုပ်သွားရန်အတွက် ပထမအဆင့် ဆက်
သွယ်ရေး နယ်ချဲ့ရန်ဖြစ်သည်။ ၂၀၀၆ ခုနှစ် အကုန်မှ မြစ်ကြီးနား နှင့် ကချင်ပြည်နယ် အများပိုင်းတွင် တရုတ်ဖုန်းရလာသည်။)


(၂) လမ်းပန်းဆက်သွယ်ရေး စီမံချက်ပြုလုပ်ရန်။ (Tengchong မြို့သို့ တရုတ်ပြည် အရပ် သုံးမျက်နှာမှ လမ်းမကြီး သုံးခု ရောက်အောင် ဆောက်သည်။ မြစ်ကြီးနား၊ ကန်ပိုင်တီလမ်းကို တရုတ် အစိုးရ ကုန်ကျခံပြီး ဆောက်ခဲ့သည်။ လိုင်ဇာ၊ မြစ်ကြီးနားလမ်း ကို KIA နှင့် Jadeland Company မှ ဆောက်ပြီးသားဖြစ်သောကြောင့်၊ တနိုင်းဖက်မှ India ထွက်ပေါက် သွားသောလမ်းကို တရုတ်အစိုးရမှ ကုန်ကျခံပြီး ကွန်ကရိတ်တံတားများ အပြီးဆောက်စေသည်။)


(၃) ဓါတ်အားအတွက် ရေအားလျှပ်စစ်များ ဆောက်ရန်။ ကုန်စည် စီးဆင်းမှု ကောင်းလာလျှင် ယူနန်ပြည်နယ်နှင့် ကချင်ပြည်နယ် ဟူးကောင်း ချိုင့်ဝှမ်း ဒေသ တလျှောက် စက်ရုံများ တည်ဆောက်ရန်၊ လျှပ်စစ် ဓါတ်အား အများကြီးလိုအပ်ချက် အတွက် ကြိုတင်ပြင်ဆင် ခြင်းဖြစ်သည်။ (အဲဒီ ကတည်းက ဧရာဝတီမြစ်ဆုံ နှင့် အထက် မေခ၊ မလိခ နှစ်ဖက်စလုံး ဆည် ၇ ခု တည်ဆောက်ရန် proposal ထွက် လာသည်။)

(၄) စက်ရုံများ တည်ဆောက်ရန်။ မြန်မာအစိုးရ မပါပဲ ကချင်ပြည်နယ် ထဲက ground plan များ ဆွဲထားပြီးသား ထွက်လာသည်။ ဒီအချက်ကို ကြိုမြင်သော ယုဇနကုမ္ပဏီဦးဌေးမြင့် (အခု ကြံ့ဖွတ် လွတ်တော် အမတ်) က ဟူးကောင်းဒေသ လမ်းဘေး၊ ၀ဲယာ သုံးမိုင် ၀န်းကျင်၊ မြေဧက သိန်း ပေါင်း များစွာ အစိုးရနှင့် ပူပေါင်းပြီး သိမ်းထား ခဲ့သည်။ ရွာပေါင်း မြောက် များစွာ နှင့် ဘိုးဘွားပိုင်သစ်သီးခြံ မြောက်များစွာ အတင်း အဓမ္မ သိမ်း လိုက်သည်။ စိုက်ပျိုးရေး အတွက် ဆိုရင် လမ်းဘေးမျက်နှာစာ ယူစရာ မလိုပါ။ ဟူးကောင်းချိုင့်ဝှမ်းသည် အင်မတန်မှ ကျယ်ပြောသော ဒေသ ဖြစ်သည်။ လမ်းနှင့် ဝေးပြီး ရွာများကို မထိပဲ စိုက်ပျိုးနိုင်သည်။

(၅) ကုန်သွယ်ရေးလမ်းကြောင်း ဒေသလုံခြုံရေး အတွက် သက်ဆိုင်ရာ အစိုးရနှင့် ပူးပေါင်းဆောင်ရွက်ရန်။ (ဒီလမ်းကျော တ၀ိုက်က KIA ကို ပ ထုတ်ဖို့ တရုတ် အစိုးရ လုပ်ဆောင်မည့်အချက်ကို KIA ခေါင်းဆောင်များ စ ပြီး သတိထားခဲ့ခြင်းဖြစ်သည်။ ဒီလိုအကျိုးဆက်ရောက်လာမယ် ဆိုတာ ၂၀၀၆ ဒီအစီရင်ခံစာ ဖတ်မိ ကတည်းက KIA ပြင်ဆင်ပြီးသား ဖြစ်သည်။ တကယ်လည်း ဒီလို ဖြစ်လာသည်။

တရုတ်နိုင်ငံရှိ လိုင်းရင်း ကချင်ဒုက္ခသည်စခန်း ထပ်မံ ရွှေ့ပြောင်းခံရ



ကချင်ပြည်နယ် လွယ်ဂျယ်မြို့နှင့် မျက်နှာချင်းဆိုင် တရုတ်နိုင်ငံ အတွင်းရှိ လူဦးရေ တစ်ထောင်ကျော်အခြေ စိုက်သည့် လိုင်းရင်း ဒုက္ခသည် စခန်းမှာ ယနေ့မနက် ၉နာရီမှစ၍ လွယ်ဂျယ်မြို့ဘက် သို့ပြောင်းရွှေ့ခံရပြီ ဖြစ် သည်။

ထိုဒေသရှိ ဒုက္ခသည်များကို သွားရောက်ကူညီပေးနေသည့် ကချင် ကယ် ဆယ်ရေးအဖွဲ့-WPN မှအမည်မဖော် လိုသူ တာဝန်ရှိသူတဦးက “ဒီမနက် ပဲ ပြောင်းလိုက်တယ်။ ကားက ၁၀စီးလောက်ရှိမယ်။ ကားခကတော့ တရုတ်အာဏာပိုင်တွေက ကူညီပေးတယ်။ ပြောင်း ရွှေ့တာ ပစ္စည်းတွေနဲ့ဆိုတော့ တစ်နေကုန်ပဲ”ဟု ကေအိုင်စီသို့ ပြောသည်။

ယခု သြဂုတ်လ ၂၁ရက်နေ့က ကချင်လွတ်မြောက်ရေးအဖွဲ့-KIO နှင့် တရုတ်အာဏာပိုင်တို့သည် လိုင်းရင်းတွင် တွေ့ဆုံဆွေးနွေးပြီး နောက် ပိုင်းတွင် ဒုက္ခသည်များ ထိုသို့ ပြောင်းရွှေ့ခံရခြင်းဖြစ်သည်ဟု အဆိုပါ တာဝန်ရှိသူက ဆက်ပြောသည်။

ပြောင်းရွှေ့ခံရသည့် ဒုက္ခသည်အမျိုးသမီးတစ်ဦးက “ကျမက ကိုယ့်ရွာ မှာ လည်း ပြန်လို့ မဖြစ်သေးဘူး။ ဒီမှာနေတော့လည်း ဟိုပြောင်းဒီ ပြောင်း အဆင်ပြေဘူး။ စိတ်ပင်ပမ်းတယ်။ ဒီမှာပဲ ဆက်နေရရင် ပိုကောင်း တယ်။ တဖက်ကလည်း တရုတ်အာဏာပိုင်တွေက နင်တို့ဒေသ မှာ တိုက်ပွဲ မဖြစ်တော့ဘူး။ ပြန်တော့လို့ ခဏခဏ လာပြောတယ်”ဟု ဆိုသည်။

လိုင်းရင်းစခန်းရှိ ဒုက္ခသည်များအနက် ယနေ့ လွယ်ဂျယ်သို့ ပြောင်း ရွှေ့သူများမှာ ၄၀၀ကျော်ရှိပြီး၁၀၀ကျော် မှာ မိုင်ဂျာရာဒုက္ခသည်စခန်း သို့ ပြောင်းရွှေ့သွားကြကာ ကျန်ဒုက္ခသည်များမှာ လိုင်းရင်း၌ တလ လျှင် တရုတ်ယမ်းငွေ ၈၀ သို့မဟုတ် ၉၀ ပေးရသည့် တိုက်ခန်းများငှား ကာ ဆက်လက် နေထိုင်လျှက်ရှိကြသည်ဟု WPN အဖွဲ့က ဆိုသည်။

ထို့အပြင် ကချင်ပြည်နယ်ရှိ အချို့နေရာများ၌ KIO နှင့် မြန်မာ အစိုးရ တပ်တို့အကြား ပစ်ခတ်မှု နည်းပါးသွားသည့်အပေါ် လိုင်းရင်းဒုက္ခ သည်အချို့မှာ နေရပ်ဒေသသို့ ပြန်သွားကြပြီး ဥယျာဉ်ခြံများနှင့် သီးနှံစိုက်ခင်းများကို ပြန်လုပ်ကိုင်ကြရင်း အခြေအနေစောင့်ကြည့်ကာ ၎င်းတို့ဒေသတွင်ပင် နေထိုင်သွားကြသည်ဟု သိရသည်။

WPN အဖွဲ့၏ ပြောပြချက်အရ လွယ်ဂျယ်သို့ ပြောင်းရွှေ့မခံရမီ လိုင်းရင်းဒုက္ခသည်များ၏ နောက်ဆုံး လူဦးရေစာရင်းမှာ ၁,၇၁၇ဦးရှိပြီး ယခု သြဂုတ်လ ၂၂ရက်နေ့ကလည်း တရုတ်နိုင်ငံ၊ နောင်တောင်းရှိ ဒုက္ခသည်ဦးရေ ၄,၀၀၀ကျော်နေထိုင်သည့် ဒုက္ခသည်စခန်း ၆ခုမှာ လည်း ကချင်ပြည်နယ် ဗန်းမော်မြို့နယ်၊ လနာဇွပ်(Lana Zup)သို့ ပြောင်းရွှေ့ ခံခဲ့ရသည်။

ကချင်ပြည်နယ်အတွင်း တိုက်ပွဲများ ဆက်လက် ဖြစ်ပွားနေဆဲဖြစ်သည့် ယခုကာလတွင် တရုတ်နိုင်ငံရှိ ဒုက္ခသည်များကို နေရပ်ပြန်မပို့ သင့်သေး ကြောင်းနှင့် ယခုလို ပို့ဆောင်ခြင်းမှာ လူ့အခွင့်အရေးကို ချိုးဖောက်ရာ ရောက်ကြောင်း လူ့အခွင့်အရေးအဖွဲ့များက တရုတ် အစိုးရ ကို ဝေဖန် ပြောဆိုနေကြသည်။

စစ်ဘေးသင့် ကချင်ပြည်နယ်တွင် လူကုန်ကူးမှု မြင့်တက်

(ဧရာဝတီသတင်းဌာန)



ကချင်စစ်ပြေး ဒုက္ခသည်များ (ဓာတ်ပုံ – Reuters)

စစ်ဘေးသင့်ဒေသဖြစ်သည့် ကချင်ပြည်နယ်သည် လူကုန်ကူးမှုဖြစ်စဉ် အများဆုံးဖြစ်ပွားသည့် ဒေသများစာရင်းတွင် အဆင့် (၄) နေရာ၌ ရှိကြောင်း သတင်းရရှိသည်။

ကချင်ပြည်နယ် စစ်ပြေးဒုက္ခသည် စခန်းတချို့သည် တရုတ်နိုင်ငံဘက် တွင်ရှိနေပြီး စာနပ်ရိက္ခာ မလုံလောက်ခြင်း၊ လုံခြုံစိတ်ချရမှု မရှိခြင်း စသည့် အခြေအနေများကြောင့် လူကုန်ကူးခံရမှု များနေခြင်းဖြစ်ကြောင်း အဆိုပါဒေသသို့ သွားရောက်ခဲ့သည့် အဖွဲ့အစည်းများထံမှ သိရသည်။

“တရုတ်နိုင်ငံက ကိုယ်နိုင်ငံသား မဟုတ်တော့ အပြစ်ပြောလို့ မရဘူး။ ဒီဒေသကလည်း စားနပ်ရိက္ခာ မပြည့်စုံ၊ ပြီးတော့ အလုပ်လက်မဲ့တွေ ဖြစ်နေတော့ သူတို့တွေက အလုပ်လုပ်ဖို့ အားသန်နေကြတယ်လေ။ တရုတ်နိုင်ငံမှာ အလုပ်ကြမ်းလုပ်ဖို့ကို ဈေးသက်သက်သာသာနဲ့ ခေါ် တယ်။ သူတို့လူမျိုး ယွမ် ၁၀၀ လောက် ပေးရမယ့်အစား မြန်မာ လူမျိုး တွေကို ယွမ် ၂၀ နဲ့ ပေးခေါ်တာတွေရှိတယ်။ ပြီးတော့ Camp တွေမှာ လုံခြုံမှုပိုင်း အားနည်းတယ်” ဟု ကချင်စစ်ရှောင်စခန်းများကို သွားရောက်လေ့လာခဲ့သည့် အဖြူရောင်တွဲလက်များအဖွဲ့မှ ကိုဘိုဘိုက ပြောသည်။

ကချင်ပြည်နယ် စစ်ဘေးသင့်ဒေသများသည် လူကုန်ကူးမှု များနေပြီး စစ်ပွဲကြောင့် စာရင်းအတိအကျ ကောက်ယူနိုင်ခြင်း မရှိသေးကြောင်း ပြည်ထဲရေး ဝန်ကြီးဌာနမှ သိရသည်။

“မငြိမ်းချမ်းသေးတဲ့ ဒေသဖြစ်တော့ ဒီပြဿနာတွေက ရှိပါတယ်။ အခုငြိမ်းချမ်းရေးကို ဆောင်ရွက်နေပြီဆိုတော့ တရုတ်ပြည်မှာနေထိုင်တဲ့ ဒုက္ခသည်တွေ ပြန်ဝင်လာအောင်လုပ်မှာပါ။ တရုတ်ပြည်က အရာရှိ တွေနဲ့လည်း လူကုန်ကူးခံရတဲ့ကိစ္စတွေ ညှိနှိုင်းဆောင်ရွက်နေပါတယ်။ သူတို့တွေနဲ့ ပူးပေါင်းပြီးတော့ လူကုန်ကူးမှု တိုက်ဖျက်ရေးကိစ္စတွေ၊ တားဆီးရေးတွေ ဆောင်ရွက်သွားမှာပါ” ဟု လူကုန်ကူးမှုတားဆီးရေး ဗဟိုအဖွဲ့မှ ရဲမှူးချုပ် ခင်မောင်စီက ဧရာဝတီသို့ ပြောသည်။

နယ်စပ်ဖြတ်ကျော် လူကုန်ကူးခံရမှု လျော့နည်းစေရေးအတွက် မြန်မာ နိုင်ငံအနေဖြင့် နိုင်ငံသား အတည်ပြုခြင်း၊ ယာယီနိုင်ငံကူးလက်မှတ် ထုတ်ပေးခြင်းတို့ကို ဆောင်ရွက်ခဲ့ပြီး ယခုနှစ်အတွင်း နယ်စပ်မြို့များ ဖြစ်သော တာချီလိတ်-မယ်ဆိုင်၊ မြ၀တီ-မဲဆောက်နှင့် ကော့သောင်း-ရနောင်း မြို့များတွင် လူကုန်ကူးမှုဆိုင်ရာ နယ်စပ်ဆက်ဆံရေးရုံး ဖွင့်လှစ်ရန် စီစဉ်ထားကြောင်း သိရသည်။

ကချင်ပြည်နယ်တွင် နယ်မြေ မအေးချမ်းခြင်း၊ စစ်ပွဲများ ဖြစ်ပွားနေခြင်း စသည့် အကြောင်းရင်းများကြောင့် လူကုန်ကူးမှုနှင့် ပတ်သတ်၍ ထိရောက်စွာ ဆောင်ရွက်ပေးနိုင်မည် မဟုတ်သေးကြောင်း လူကုန်ကူးမှု တားဆီရေး ဗဟိုအဖွဲ့က ပြောသည်။

“စစ်ပွဲတွေအတွင်းမှာ ဒုက္ခသည်စခန်းက ကလေးတွေကို အဓိက ပစ်မှတ် ထားပြီးတော့ တရုတ်တွေက လာခေါ်တယ်။ တချို့မိဘတွေကလည်း ကြည်ကြည်ဖြူဖြူနဲ့ ထည့်လိုက်တယ်။ Camp တွေ အားလုံးကိုတော့ ဘယ်သူလာခေါ်ခေါ် မသွားပါနဲ့၊ ဘယ်သူကိုမှ မယုံကြည်ဖို့ ခေါ်တိုင်း မလိုက်ဖို့တော့ ပြောထား၊ ပညာပေးထားပါတယ်” ဟု တရုတ်-မြန်မာ နယ်စပ်တွင် လူကုန်ကူးမှုတိုက်ဖျက်ရေး ဆောင်ရွက်နေသည့် ဒေါ်မိုင်း ဂျာက ဧရာဝတီသို့ ပြောသည်။

တရုတ်-မြန်မာ နယ်စပ်တွင် ကချင် စစ်ဘေးဒုက္ခသည်စခန်း ၂၀ ကျော် ရှိပြီး ဒုက္ခသည် ၄ သောင်းကျော် ရှိနေကြောင်း၊ အသက် ၁၅ နှစ်၊ ၁၆ နှစ်ဝန်းကျင် အိမ်ထောင်မကျသေးသူ မိန်းကလေးငယ်များအား အဓိက ပစ်မှတ်ထား၍ လူကုန်ကူးနေကြောင်း သိရသည်။
လူကုန်ကူးခံရပြီး ပြန်လွတ်မြောက်လာသည့် အမျိုးသမီးတဦး “ကျမတုိ့က အရမ်းဆင်းရဲတော့ ပိုက်ဆံရချင်တာနဲ့ တရုတ်ပြည်မှာသွားပြီး အလုပ် လုပ်မိပါတယ်။ အဲဒီအိမ်က အမျိုးသမီးက နင့်ကို ငါ ပိုက်ဆံနဲ့ ၀ယ်ထား တယ်ဆိုပြီး မတရားခိုင်းပါတယ်။ ပြီးတော့ ကျမကို ချုပ်နှောင်ထားတဲ့ အခါလည်း လုပ်တယ်။ ကျမ ရဲတွေသွားတိုင်တော့ သူတို့ ထွက်ပြေး လွတ်သွားတယ်” ဟု ဆိုသည်။

စစ်ဖြစ်ပွားမှုကို အကြောင်းပြကာ ဒုက္ခသည်စခန်းများရှိ မိန်းကလေး ငယ်များအား အိမ်နီးချင်းနိုင်ငံသားနှင့် လက်ထပ်ပါက ကောင်းမွန်စွာ နေထိုင်ရမည်ဟု ပြောဆိုစည်းရုံးမှုများ ရှိနေကြောင်း၊ မိဘများ မသိဘဲ ပျောက်ဆုံးမှုများလည်း ရှိနေသဖြင့် ထိုကဲ့သို့ မဖြစ်စေရန် ပညာပေးသွား မည်ဖြစ်ကြောင်း၊ တရုတ်ပြည်ထဲသို့ အလုပ်သွားရောက် လုပ်ကိုင်မည်ဆို ပါက ကချင်အမျိုးသမီး အစည်းအရုံး-ထိုင်းနိုင်ငံ (KWAT) သို့ လာရောက် အကြောင်းကြားရန် မှာကြားထားကြောင်း၊ သို့မှသာ အလုပ်လုပ်သည့် နေရာနှင့် အလုပ်ရှင်ကိုသိကာ ပျောက်ဆုံးပါက ရှာဖွေရ လွယ်ကူမည်ဖြစ် ကြောင်း ဒေါ်မိုင်းဂျာက ဆိုသည်။

၂၀၀၆ မှ၂၀၁၀ ခုနှစ်အထိ ၅ နှစ်တာအတွင်း လူကုန်ကူးမှု အဖြစ်များဆုံး မြို့များအနက် ကချင်ပြည်နယ်တွင် လူကုန်ကူးခံရသူ စုစုပေါင်း ၁၂၈ ဦးအထိရှိကြောင်း ပြည်ထဲရေးဝန်ကြီးဌာန လူကုန်ကူးမှု တားဆီးကာ ကွယ်ရေး ဗဟိုအဖွဲ့မှ သိရသည်။
အဆိုပါ ၅ နှစ်တာအတွင်း ကချင်ပြည်နယ် မြစ်ကြီးနား၊ ၀ိုင်းမော်၊ ဗန်းမော်၊ ဖားကန့်တို့တွင် လူကုန်ကူးမှု အများဆုံး ဖြစ်ပွားခဲ့ပြီး မန်စီ၊ မိုးညှင်း၊ မိုးမောက်၊ လွယ်ဂျယ်၊ မိုးကောင်းတို့တွင် ဖြစ်ပွားခဲ့ကြောင်း သိရသည်။

ကုလသမဂ္ဂ အာရှနှင့် ပစိဖိတ်ဒေသဆိုင်ရာ လူကုန်ကူးမှု တိုက်ဖျက် ရေးအဖွဲ့ (UNIAP) မှ တာဝန်ရှိသူတဦး၏ အဆိုအရ ဒုက္ခသည်စခန်း များတွင် နေထိုင်သူများအား အိမ်နီးချင်း တရုတ်နိုင်ငံမှ လက်နက်ကိုင် ခြိမ်းခြောက် ခေါ်ဆောင်၍ ရောင်းစားမှုများ ယခုလအတွင်းတွင်ပင် ဖြစ်ပေါ်ခဲ့ကြောင်း သိရှိရသည်။

သဘာဝဘေးအန္တရာယ်၊ စစ်ဘေးဒဏ် ခံရသူများ၊ ဆင်းရဲ နွမ်းပါး သူများနှင့် အယုံလွယ်သူများကို အဓိက ပစ်မှတ်ထားကာ လူကုန်ကူးမှုများ ပြုလုပ်လေ့ရှိသဖြင့် ကချင်ပြည်နယ်အတွင်း ဖြစ်ပွားနေသည့် စစ်ပွဲများကြောင့် ပြေးရှောင်နေရသည့် ပြည်သူများ လူကုန်ကူးခံရမှုမှ ကာကွယ်ပေးနိုင်ရန် အာဏာပိုင်များက စောင့်ကြည့်ပေးစေချင်ကြောင်း UNIAP မှ တာဝန်ရှိသူက ဆိုသည်။
ပြည်ထဲရေးဝန်ကြီးဌာနမှ ထုတ်ပြန်ချက်အရ လူကုန်ကူးခံရမှု အများဆုံး ဖြစ်ပွားသော ဒေသ ၁၇ ခုရှိပြီး ရန်ကုန်တိုင်းဒေသကြီးတွင် အများဆုံး ဖြစ်ပွားကာ ယင်းနောက် ရှမ်းပြည်နယ်၊ မန္တလေးတိုင်း၊ ကချင်ပြည်နယ်၊ ဧရာဝတီတိုင်း၊ ကရင်ပြည်နယ်၊ ချင်းပြည်နယ် စသည်တို့ ပါဝင်သည်။
လူကုန်ကူးခံရသူများ အများဆုံး ပို့ဆောင်ခံရသည့်နိုင်ငံမှာ တရုတ်နိုင်ငံ ဖြစ်ပြီး ၈၀ ရာခိုင်နှုန်း၊ ထိုင်းသို့ ၁၀ ရာခိုင်နှုန်းနှင့် မလေးရှားနိုင်ငံသို့ ၄ ရာခိုင်နှုန်းဖြစ်ကြောင်း သိရသည်။

ဖားကန့်မြို့အနီးတွင်တိုက်ပွဲဖြစ်


(jinghpawkasa)


KIA ၏တပ်စခန်းနှစ်ခုကို ရွှေ့ပေးရန်ဖိအားပေးရာမှ စတင်လာခဲ့သော တင်းမာမှုသည် ယခုအခါ တိုက်ပွဲများအသွင်သို့ ကူးပြောင်းသွားပြီဖြစ်ပါ သည်။ သြဂုတ်လ ၂၄ ရက် ညနေ ၅ နာရီခန့်မှစ၍ ဗမာစစ်တပ်မှ KIA စစ်သားများကိုတွေ့သည်ဟုဆိုကာ KIA တပ်စခန်း မော်မောဘွမ် သို့ လက်နက်များဖြင့် စတင် ပစ်ခတ်တိုက်ခိုက်လာပါသည်။ ဖားကန့်ဗျူဟာ ကုန်းမှ နေ၍ လက်နက်ကြီးများဖြင့်လည်းပစ်ခတ်ကူခဲ့ပါသည်။ လက်နက်ကြီးအချို့သည် လူနေထူထပ်သော မှော်နေရာများအနီးသို့ ကျရောက်ပေါက်ကွဲခဲ့ကြောင်း ဒေသခံတစ်ဦးက ပြောပြပါသည်။ 

တိုက်ပွဲမှာ နှစ်နာရီခန့်ကြာပြီး ထိခိုက်ဒဏ်ရာရမှုများရှိကြောင်း လည်း သိရပါသည်။ ဒေသခံများသည်အသက်အန္တာရာယ် ကြောက်လန့်ကာ ဖားကန့်သို့ ထွက်ပြေးလာကြပါသည်။ ညရေးညတာဖြစ်သဖြင့် အချို့မှာ နေစရာမရှိ၊ အိပ်စရာမရှိ အလွန် ဒုက္ခရောက်နေကြပါသည်။ စစ်ပြေး ဒုက္ခသည်များ ထောင်ချီရှိနိုင်ကြောင်းဒေသခံတစ်ဦးကဆိုပါသည်။ 

KIA တပ်ရင်း ၆ မှအရာရှိတစ်ဦးက “ဗမာစစ်တပ်က ကျွန်တော်တို့ရဲ့ တပ်စခန်း မော်မောဘွမ် မှာ လှည့်လည်ပြီး ဓာတ်ပုံရိုက်ပြီးပြန်မှာ ဖြစ်ပါတယ်၊ နေပြည်တော်ကိုတင်ရမှာမို့လို့ပါတဲ့၊ အဲဒါကြောင့် မတိုက် ပေးပါနဲ့လို့ ဖားကန့်ဗျူဟာမှူး၏ ကိုယ်စားလှယ်က လာတောင်းဆိုတယ် လေ၊ ကျွန်တော်တို့ထိန်းချုပ်တဲ့ နယ်မြေကိုဝင်လာရင်တော့ တိုက်ရမှာ ဘဲလို့အကြောင်းပြန်လိုက်ပါတယ်” ဟုသူ၏ အမြင် ကိုပြောပြပါသည်။

ဖားကန့်ကချင်နှစ်ခြင်းအသင်းတော်မှ စစ်ပြေးဒုက္ခသည်တစ်ဦးက “ကျွန်တော်တို့ မော်မောဘွမ်မှာ KIA စစ်သားတွေနဲ့ အတူနေပါတယ် ဘာပြဿနာမှမရှိခဲ့ပါဘူး၊ အခုက ဗမာစစ်တပ်ကလာမယ်ဆိုတော့ တိုက်ပွဲဖြစ်ဖို့များတယ်လေ၊ အဲဒါကြောင့် KIA က လူထုတွေထိမှာစိုးလို့ ငါးရက်လောက်စောပြီး ဒုက္ခသည်စခန်းကို ရွှေ့ခိုင်းထားတာပါ။  အခုဒီမှာ ကြိုရောက်နေတော့ အားလုံးအဆင်ပြေတယ်လေ၊ အခုမှပြေးလာတဲ့ သူတွေမနည်းဘူး၊ သူတို့နည်းနည်းဒုက္ခရောက်မယ်ထင်တယ်၊ နေရာ ထိုင်ခင်းက မလောက် တော့ဘူးလေ” ဟုစစ်ပြေးဒုက္ခသည်များ၏ အခြေ အနေကိုရှင်းပြပါသည်။