Tuesday, December 11, 2012

URA KAWNG MYEN DAP HPE LU ZING LA

(Jinghpawkasa)


Wunpawng Mungdan Shanglawt Asuya Dingdung Ginwang, Dap Ba (1) npu, Dap Dung (33) ni a Ginra rai nga ai Pangwa maga jarit shadaw masat (6) makau de na myen ni shara la da ai Ura Kawng hpyen dap hpe KIA myu tsaw share ninghkring ni December (10) ya jahpawt hkying (6:30AM) ten ram hta lu gap zing la sai lam shiga na chye lu ai. Myen hpyen dap zing ai majan hta myu tsaw share shagan (3) myu hte mungdan a matu asak ap nawng mat wa sai lam hpe mung na chye lu ai. N dai Ura Kawng myen hpyen dap gaw KIA ni a Post rai nna, lai wa sai August shata (14) ya shani myen hpyen hpung ni kawn n gun kaba hte htim zing la lai wa ai post re lam hpe mung chye lu ai. Ya ten Pangwa ginra de KIA myu tsaw share ninghkring ni hte Myen hpyen hpung ni n hkring n sa laja lana gap gasat ding yang rai nga ai lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။