Sunday, December 30, 2012

SUMPRA BUM LAM DE MYEN NI ZINGRI ZINGRAT

(Jinghpawkasa)

Wunpawng Mungdan Shanglawt Asuya Dingdung Ginwang Dap Ba (1) up hkang ginra rai nga ai Myitkyina - Sumpra Bum - Putao lam gram shim lam ga baw hte lai wa sai November (5) ya kawn nna lung wa ai myen hpyen asuya a tatma (33) kata na Byuha (1), (2) n i gaw n gup a ga hte gaw nanhte mung shawa masha ni hpe roi rip zingri ai lam, mya lu mya sha ai lam ni n galaw na re, mare kata a tsawm rai nga mu nga tsun lai wa ai rai tim kaja wa ta tut hta gaw shai nga ai lam na chye lu ai. Myen asuya hpyen hpung ni gaw mung shawa masha ni a dusat yam nga ni hpe majoi gap sat sha ai lam, arung arai kaja ni hpe mya lu mya sha ya ai lam, num ma ni hpe roi rip nna, la ni hpe gaw majoi rim la nna adup zingri, san jep shagyeng ai lam ni hpe galaw nga ai lam buga masha ni kawn na chye lu ai. Myen hpyen ni n dai zawn zingri zingrat ai majaw mawdaw lam mayan mare kahtawng hkan na myu sha ni gaw nam maling de hprawng yen hkawm nga ai lam hte n kau gaw KIO Ba (1) up kang ginra shim lum ai shara ni de htawt sit shang wa ding yang rai nga ai lam hpe mung matut na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။