Tuesday, December 4, 2012

MYEN HPYEN NI MARA KATA MARE DE SINAT GAP BANG

(Jinghpawkasa)



Wunpawng Mungdan Shanglawt Asuya, Sinna Ginwang Dap Ba (2) Ginra rai nga ai Danai sa lam Jahtu Zup Mare de December (3) ya shani myen hpyen asuya mawdaw hpung ni gaw sinat gap sharu nna mare den shang wa ai majaw Jangwawm sun na wa ai Slg. Kumhtat Naw si hkrum lai wa sai lam shiga na chye lu ai. Bai tsang (1) jawng ma langai, asak kaba sai gumgai langai hte van mawdaw gawt ai la langai hkala hkrum lai wa sai lam matut na chye lu ai. Myen hpyen ni n dai zaw mara kata mare de sinat gap sharu bun ai majaw Tingkok mare buga masha ni hprawng yen mat ma sai lam na chye lu ai. Myen hpyen ni gaw ya na zawn mare kata de sinat ni gap sharu bun ai lam gaw Bankok hte Jahtu Zup laran hta KIA myu tsaw share ninghkring ni hte gap gasat ai hta myen hpyen maga na hkala n ba law ai majaw gaya pawt pyaw nna mara kata gap bang wa ai re lam shiga matut na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။