Sunday, December 30, 2012

MYEN HPYEN DU (3) HTE N BUNGLI (1) HKRAT

(Jinghpawkasa)

Wunpawng Mungdan Shanglawt Asuya Dap Ba (5) up hkang ginra rai nga ai Myitkyina - Manmaw lam ntsa na Na Lung, Hka Ya hte Bum Re mayan December (29) ya shani KIA myu tsaw share ninghkring ni hte myen tai hpyen ni laja lana gap gasat lai wa sai lam na chye lu ai. N dai zawn gap gasat ai hta myen hpyen maga na hk-l-y (53) na Dum Jum Kyaw Swar Aye hte hpyen du (2) si hkrum lai wa sai lam, hpyen hpyen la ni gaw (60) jan si hkrum lai wa sai lam shiga na chye lu ai. 

Myen hpyen ni gaw shanhte maga na hkrat sum ai lam law wa ai majaw hpyen n bungli ni hte sa du gasat garum lai wa sai lam hpe mung na chye lu ai. Myen hpyen a majan n bungli ni gaw shani daw hkying (11:40AM) ten ram hta kalang, shana daw hkying (4:00PM) ten ram hta kalang, shana hkying (5:30PM) ram hta kalang num daw (3) hku nna sa gasat garum lai wa sai lam shiga na chye lu ai. Matut nan myen hpyen hpung ni gaw KIA myu tsaw share ninghkring ni hpe Mashi laknak (Chemecal Weapon) hte mung gap bun wa sai lam na chye lu ai. Myen hpyen ni gap dat ai Mashi Shingja Laknak a majaw KIA myu tsaw share ninghkring (40) jan hkum n gwi n pyaw byin lai wa sai lam hpe mung na chye lu ai. KIA myu tsaw share ninghkring ni kawn myen hpyen ni hpyen gasat n bungli (1) mi hpe mung gap jahkrat kau ya lai wa sai lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။