Friday, December 28, 2012

ဒီဇင်ဘာ (၂၈) ရက်မနက်ပိုင်း ပြည်တွင်း စစ်သတင်းတိုများ

(Myitkyina Blog)


မြန်မာစစ်တပ်က လေကွဲမီးလောင်လက်နက်၊ ဓါတုလက်နက်အသုံးပြု

လဂျားယန်သို့ ထိုးစစ်ဆင်လာသော မြန်မာအစိုးရတပ်ဖွဲ့ဝင်တို့သည် ဓါတုဓါတ်ငွေ့ပါသော လက်နက်ကြီးကို အသုံးပြုလာကြောင်း သိရှိရသည်။ ဒီဇင်ဘာလ(၂၅)ရက်နေ့ ဘွမ်ဆောမ်တောင်ခြေတိုက်ပွဲတွင် မြန်မာအစိုးရ တပ်ဖွဲ့မှ ပစ်ခတ်သော မော်တာကျည်တို့တွင် လေထဲတွင်ပေါက်ကွဲကာ၊ ၎င်းမှကွဲထွက်လာသော အစိတ်အပိုင်း များလည်း ထပ်မံ လေထဲတွင်ပေါက်ကွဲကာ မြေပြင်သို့ မီးခိုးမီးတောက်လောင်၍ ကျဆင်းလာခဲ့သည်။ ၎င်း အပိုင်းအစများထိမိသော အ၀တ်များ သစ်ရွက်ခြောက်များသည် မီးလောင်ခဲ့သည်။ ပေါက်ကွဲမှုမှထွက်လာ သော အငွေ့ကို ရှူရှိုက်မိသူများသည် အသက်ရှူကြပ်လာကာ ခေါင်းမူးအော့အန်မှုများ ဖြစ်ခဲ့ကြောင်း သိရှိရ သည်။
မြန်မာအစိုးရသည် တရားလွန်ကောက်ကျစ်စဉ်းလဲသော အပြုအမူများကို အစွန်းကုန်ထုတ်သုံး၍ ပြည်တွင်းစစ် နှင့် မကိုက်ညီသောလက်နက်များကို အသုံးပြုနေပြီဖြစ်သည်။ အဆိပ်ဓါတ်ငွေ့ပါသော လက်နက်များကို လွန်ခဲ့သည့်နှစ်များတွင်လည်း သွင်သွင်ကျယ်ကျယ် အသုံးပြုကာ KIA တပ်စခန်းများကို သိမ်းပိုက်ခဲ့ကြသည်။

ဒီဇင်ဘာလ(၂၇)ရက် လက်နက်ကြီးပစ်ခတ်မှုများ

ဂန်ဒေါ်ယန်ရှိ အမြောက်တပ်ရင်း(၃၇၀)သည် နမ်ဆန်ယန်ကျေးရွာဘက်သို့ ၁၀၅ မမ (၂)ကြိမ် ပစ်ခတ် တိုက်ခိုက်ခဲ့သည်။

ဒေါ့ဖုန်းယန်၊ ခန်းကိုင်တောင်အမြောက်တပ်ရင်းမှ KIA တပ်စခန်းများရှိရာ အဘက်ဘက်သို့ ၁၀၅ မမ (၄၇)ကြိမ် ပစ်ခတ်တိုက်ခိုက်ခဲ့သည်။ ယင်းပစ်ခတ်မှုကြောင့် အရပ်သား(၁)ဦး သေဆုံးကာ (၃)ဦး ဒဏ်ရာရရှိခဲ့သည်။

ထိခိုက်ကျဆုံးများ

ဒီဇင်ဘာလ(၂၇)ရက် ည(၈)နာရီအချိန်တွင် ၀ိုင်းမော်မြို့နယ် မလန့်ယန်(Ja Pu)ရွာအထွက်တွင် စစ်ဆင်ရေး လမ်းကြောင်းကို လာရောက်စစ်နေသော စစ်ယာဉ်(၅)စီးဖြင့် ရောက်ရှိလာသော တပ်ဖွဲ့တို့အား KIA တပ်ဖွဲ့မှ ပျောက်ကြားစနစ်ဖြင့် ဟန့်တားတိုက်ခိုက်ရာ အများအပြား ထိခိုက်/ကျဆုံး ခဲ့ကြောင်း သိရှိရသည်။

မြန်မာ့လေတပ်မှတိုက်ခိုက်

ဒီဇင်ဘာလ(၂၈)ရက် မနက် ၉း၀၀ ခန့်မှစတင်၍ မြန်မာ့လေတပ်မှ SOKO G-4 Super Galeb ဂျက်တိုက်လေယာဉ်(၄)စီးဖြင့် လဂျားယန်ကို စတင်တိုက်ခိုက်နေပြီဖြစ်ကြောင်း သိရှိရသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။