Friday, November 30, 2012

SARA SUMLUT NAW SAN HPE MYEN NI ZINGRI

(Jinghpawkasa)

Wunpawng Mungdan Shanglawt Asuya, Sam Mung daju Dap Ba (4) up hkang ginra rai nga ai Muse - Munggu lapran na Hpai Kawng Mare na Hkalup Hpung Sara Sumlut Naw San hpe myen hpyen ni gyit majaw dun hkawm nna zingri nga ai lam shiga na chye lu ai. Myen hpyen ni laknak kaba hte gap ai majaw Slg. Dashi Tu a nta mung hten za mat ai lam na chye lu ai. N dai myen hpyen hpung ni gaw November (28) ya shani sha Hpai Kawng hpyen yen dabang na dum nta (50) jan hpe mung nat kau ya lai wa sai re. Myen hpyen ni n dai zawn hpyen yen dabang hpe wan nat kau ya ai lam gaw Hpa Kawng hpyen yen dabang hta KIA hpyen la ni sadu hpawng de nga nga re ai majaw re lam, buga na salang ni kawn hpyen yen dabang hta n sa nga, n sa hpawng de na matu tsun shadum ai rai tim madat ya ai lam n nga ai majaw ya na zawn myen hpyen hpung ni sa htim gap nna wan nat kau ya lai wa ai re lam buga masha ni kawn na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။