Friday, November 16, 2012

GAURI HTE HKA SAN LAPRAN KAW GASAT

(Jinghpawkasa)


Wunpawng Mungdan Shanglawt Asuya Sinna Ginwang, Dap Ba (2) Up Hkang Ginra rai nga ai Mohgaung - Kamaing lam Hka San Mare hte Gauri Mare lapran kaw dai ni November (16) ya shani hkying (1:30PM) ten ram hta KIA myu tsaw share ninghkring ni kawn myen asuya hpyen hpung ni hpe bawm hte hkap gasat lai wa sai lam shiga na chye lu ai. N dai zawn bawm hte hkap gasat ai hta myen maga na (2) si nna, (1) hkala hkrum wa sai lam na chye lu ai. N dai myen hpyen asuya hpyen hpung ni gaw ya ten Gauri lahta Man Den mare kaw hkring nga ai lam matut na chye lu ai. Kamaing Mare kaw mung myen hpyen asuya ni a hpyen mawdaw (37) nna, mawdaw kaba (5) daram kaw gaw grai li ai rai ni htaw da ai lam, buga masha ni gaw myen hpyen ni laknak kaba ni htaw lung wa ai rai na re nga nna tak sawn nga ma ai lam na chye lu ai.

Myen hpyen asuya ni Hpakant Ginra de ya na zawn kalang mi bai hpyen n gun kaba hte htu gasat wa ai lam gaw Hpakant de Lungseng htu ai Lauban ni kawn n dai November (20) ya shani kawn Lungseng bai lu htu sha hkra Shanglawt ni hpe lawan gasat kau na matu myen hpyen asuya ni hpe shadut ai majaw re lam buga masha ni kawn na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။