Thursday, November 1, 2012

ဖားကန့်ဒေသ ဆိုင်းတောင်နှင့်တာမခံကြားတွင် ကားတစ်စီးသေနတ်ဖြင့်အပစ်ခံရပြီး နှစ်ဦးသေဆုံးကာ နှစ်ဦးဒဏ်ရာရ

(ELEVEN MEDIA GROUP)



ကချင်ပြည်နယ် ဖားကန့်ဒေသ ဆိုင်းတောင်နှင့်တာမခံအကြား နန့်မော် ဘုန်းကြီးကျောင်းအနီးတွင် အောက်တိုဘာလ ၃၁ရက်မွန်းလွဲ ၁ နာရီ ခန့်က ကေအိုင်အေနှင့် တပ်မတော်အကြားပစ်ခတ်မှုများဖြစ်ပွားခဲ့ရာ ဗင်ကားတစ်စီး သေနတ်ဖြင့် အပစ်ခံရပြီး လူနှစ်ဦးသေဆုံးကာ နှစ်ဦး ဒဏ်ရာ ရခဲ့သည်ဟုဒေသခံများထံမှ သိရှိရသည်။

အဆိုပါ ပစ်ခတ်မှုသည် မွန်းလွဲ ၁ နာရီမှ ၂ နာရီခွဲအထိ ကြာမြင့်ခဲ့သည် ဟု သိရသည်။ ''စစ်သားတွေက တာမခံ ဘက်ကနေလာတယ်။ ကျွန်တော်တို့ ကားက ဆိုင်းတောင်ကနေ တာမခံကို သွားတာပါ။ ပထမတော့ ကျွန်တော်တို့ကားကို ရပ်စောင့်နေသေးတယ်။ ပစ်ကြ ခတ်ကြတာ ၁၅ မိနစ်လောက်ကြာတော့ စစ်သားတွေက ကျွန်တော် တို့ကားကို ကာဗာယူပြီး ပစ်ကြတယ်။ ပစ်ကြတာက ကာကွယ်စရာ နေရာမရှိတော့ ကျွန်တော်တို့က ကြောက်လို့ မောင်းပြေးတော့ မောင်း ရင်းနဲ့ လာထိ တာပါ။ စစ်သားတွေကတော့ တိုက်ပွဲအတွင်းမှာ ဘယ်နှစ် ယောက်ကျ တယ်ဆိုတာ မသိရဘူး။ 


တိုက်ပွဲမစခင် ကတည်းကကျဆုံးပြီးသားစစ်သားတစ်ဦးကို ထမ်းလာတာ တွေ့ရတယ်။ အသက်နှစ်ဆယ်အရွယ် အမျိုးသားတစ်ဦးနဲ့ အမျိုးသမီး တစ်ဦးကတော့ ဦးခေါင်းနဲ့လည်ပင်းမှန်ပြီး ကားပေါ်မှာပဲ ဆုံးသွားတယ်။ ကျွန်တော့်ကိုတော့ဘယ်ဘက်လက်ကို လာမှန်တာပါ''ဟု မြစ်ကြီးနားမြို့ ပြည် သူ့ဆေးရုံကြီးတွင် အတွင်းလူနာအဖြစ် ဆေးကုသမှုခံယူနေသော ကားဆရာ ကိုထွန်းမင်းက အောက်တိုဘာလ ၃၁ ရက်နေ့ ည ၈ နာရီ ၃၀ မိနစ်အချိန်တွင် မြစ်ကြီးနားဆေးရုံ၌ ဖြေကြားခဲ့သည်။ 

ဖားကန့်ဒေသအတွင်း ပစ်ခတ်မှုများ ဖြစ်ပွားခဲ့သော်လည်း ဖားကန့် သွားရာ လမ်းကြောင်းတစ်လျောက်မှာ အခက်အခဲမရှိဟု စုံစမ်းသိရှိရ သည်။ ဖားကန့်ဒေသအတွင်း ငြိမ်းချမ်းရေးလှုပ်ရှားသူများကလည်း ငြိမ်းချမ်းရေးလိုလားသူများ၏ ကိုယ်တိုင်ထိုးလက်မှတ် (တစ်သိန်း တစ်သောင်းကျော်)ကို နိုင်ငံတော်သမ္မတဦးသိန်းစိန်နှင့်သက်ဆိုင်ရာ လက် နက်ကိုင် အဖွဲ့အစည်းများ၊ လူမှုရေးအဖွဲ့အစည်းများသို့ တင်ပြ ထားခဲ့ပြီး အောက်တိုဘာလ ၂၄ ရက် (ကမ္ဘာ့ကုလသမဂ္ဂနေ့)ကလည်း ဖားကန့်ဒေသငြိမ်းချမ်း ပါစေဟူသော စတေကာများကို အခမဲ့ ဖြန့်ဝေခဲ့ သည်။သီတင်းကျွတ်လပြည့်နေ့ညမှာလည်း ငြိမ်းချမ်းရေးစာတမ်းပါ သော မီးပုံးပျံများကို လွှတ်တင်ခဲ့ကြသည်ဟု ငြိမ်ချမ်းရေးလှုပ်ရှားသူ ကိုရင်ထွေး ကပြောပြခဲ့သည်။ ကချင်ပြည်နယ်၊ ဖားကန့်ဒေသအတွင်း အောက်တို ဘာလ ၁၇ ရက်နေ့မှ ၂၉ ရက် နေ့အထိ တိုက်ပွဲများဖြစ်ပွားခဲ့ခြင်းမရှိဘဲ ဒေသတည်ငြိမ်အေးချမ်းလာကာ စီးပွားရှာသူများဖြင့် ပြန်လည် စည်ကားလာစတွင် အပစ်အခတ်စတင်ဖြစ်ပေါ်ခဲ့ခြင်းဖြစ်ကြောင်း သိရ သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။