Thursday, November 15, 2012

မြန်မာစစ်တပ် ယာဉ်တန်းကို ကေအိုအေ မိုင်းခွဲတိုက်ခိုက်



2012-11-14 (RFA)
ကချင်ပြည်နယ်၊ မိုးကောင်း-ဖားကန့်လမ်းပေါ်မှာ ရှစ်မိုင်ရွာဘက်ကနေ စစ်ကြောင်းချီတက်လာတဲ့ အစိုးရစစ်ယာဉ်တန်းတွေထဲက ကား ၅ စီးကို ဒီကနေ့မနက်ပိုင်း ၁၁ နာရီလောက်က မိုးကောင်း-ကာမိုင်းကြား နန့်ဟိုင် နဲ့ လကတ်ယန် ကျေးရွာတွေအနီးမှာ ကေအိုင်အေဘက်က မိုင်းခွဲ တိုက် ခိုက် ခဲ့တယ်လို့သိရပါတယ်။
အစိုးရစစ်တပ်ကား ၅ စီးကို ကေအိုင်အေက မိုင်းခွဲတိုက်ခိုက်ခံလိုက်ရတဲ့ အတွက် ကား ၅ စီးပေါ်မှာပါလာတဲ့ အစိုးရတပ်ဖက်က ထောက်ပံ့ရေးရိ က္ခာနဲ့ စစ်လက် နက်ပစ္စည်းတွေ ပျက်စီးဆုံးရှုံခဲ့ပြီး အစိုးရစစ်သားတွေ လည်း သေဆုံးမှုရှိတယ်လို့ ဒေသခံတွေက ပြောပါတယ်။

ဒါ့အပြင် ကာမိုင်းနဲ့ ဖားကန့်ကြား မှာရှိတဲ့ နန့်ယားကျေးရွာနား တဝိုက် မှာလည်း အစိုးရတပ်တွေကို ကေအိုင်အေ တပ်တွေက မိုင်းခွဲတိုက်ခိုက် မှုတွေရှိနေတယ်လို့လည်း အဲ့ဒီနား ပတ်ဝန်းကျင်က ရွာသားတွေက ဆိုပါတယ်။

ဒီအတောအတွင်းမှာ အစိုးရတပ်တွေနဲ့ ကေအိုင်အေတပ်တွေအကြား တိုက်ပွဲတွေ ဖော်ဆောင်မှုမရှိဘဲ အနည်းငယ်တည်ငြိမ်နေတဲ့ ဖားကန့် ကျောက်စိမ်းတွင်းဒေသမှာ ဒီရက်ပိုင်းအတွင်း အခုလိုတိုက်ပွဲသံ ပြန်ကြား နေရတာလို့ ဒေသခံတွေက ပြောပါတယ်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။