Thursday, October 18, 2012

မြစ်ကြီးနားတက္ကသိုလ်ဝင်းအတွင်း တက္ကသိုလ်ကျောင်းသား၊ ကျောင်းသူများအတွက် အဆောင်များကို ၂၀၁၃ ခုနှစ်တွင် ပထမဆုံးပြန်ဖွင့်မည်

(ELEVEN MEDIA GROUP)

Thursday, 18 October 2012



မြစ်ကြီးနားတက္ကသိုလ်ရှိ အဆောက်အအုံတစ်ခုအား၂၀၁၂ ခုနှစ် နှစ်ဦးပိုင်းက တွေ့ရစဉ်

တက္ကသိုလ်ကျောင်းများအတွင်း  ကျောင်းသား၊ ကျောင်းသူများအဆောင် နေထိုင်ခြင်းကို တစ်နိုင်ငံလုံး၌ ၁၉၉၆ ခုနှစ်ဝန်းကျင်မှစ၍ ပိတ်ပင် ထားခဲ့ပြီး ၂၀၁၃ ခုနှစ်တွင် မြစ်ကြီးနားတက္ကသိုလ်၌ ပထမဆုံးအနေဖြင့် ပြန်လည်ထားရှိ မည် ဖြစ်ကြောင်းစုံစမ်းသိရှိရသည်။

မြစ်ကြီးနားတက္ကသိုလ်၌ အဆောင်ပြန်လည်ထားရှိမည့် အစီအစဉ်အနေ ဖြင့် ခါကာဘိုဆောင်နှစ်ခုတွင် ယောက်ျားလေးဦးရေ ၁၂၀၊ ဆွမ်ပရာဘွမ် အဆောင်နှစ်ခုတွင် မိန်းကလေးဦးရေ ၁၂၈ ဦးထားရှိမည်ဖြစ်ပြီး ဝေးလံ ခေါင်ဖျားဒေသများမှ ကျောင်းသူ၊ ကျောင်းသားများအား ဦးစားပေးထား ရှိမည်ဟု စုံစမ်းသိရှိရသည်။


''အဓိကကတော့ ပူတာအိုဒေသနဲ့ တနိုင်းဒေသကလိုဝေးလံခေါင်ဖျား အတွက်ပဲရည်ရွယ်တာပါ။ ပူတာအိုနဲ့တနိုင်း ကျောင်းသားပေါင်းက ၂၅၀ ကျော်ရှိနေတော့ အဆောင်နေဖို့အတွက် လုံလောက်မှာ မဟုတ်ပါဘူး။ အမှတ်နဲ့ခွဲပေးမယ်။ စာတော်ပြီး စည်းကမ်းလိုက်နာတဲ့ ကျောင်းသားတွေ ကိုရွေးမယ်။ အခုလောလောဆယ်တော့ နေဖို့အဆောင်တွေကို ပြင်ဆင် နေ ပါတယ်''ဟု ပြည်နယ်ပညာရေးဝန်ကြီး ဒေါ်ဘောက်ဂျာက ပြောကြား ခဲ့သည်။

အဆောင်တွင်နေထိုင်ပါက အဆောင်ကြေးနှင့် စားသောက်စရိတ်များ ကိုမူ အတတ်နိုင်ဆုံးလျော့ချပြီး ကောက်ခံရန်ရှိသော်လည်း ဆွေးနွေး တိုင်ပင်ရဦး မည်ဖြစ်ကြောင်း ၎င်းက ဆက်လက်ပြောကြားခဲ့ သည်။ အဆိုပါအဆောင်များကို ကျောင်းသားကျောင်းသူများထားရန် ပိတ်ပင်ခဲ့ပြီးနောက် စာသင်ခန်း၊ ဆရာနေခန်း၊ ၀န်ထမ်းနေခန်းအဖြစ် အသုံးပြုခဲ့ပြီး ယခု အခါ ပြင်ဆင်နေဆဲဖြစ်ကြောင်း သိရသည်။

မြစ်ကြီးနားတက္ကသိုလ်တွင် နေ့ကျောင်းသားဦးရေ ၅၅၀၀ ကျော်ရှိပြီး အဝေးသင်ကျောင်းသားဦးရေ ၇၀၀၀ ကျော်ရှိသည်ဟုသိရသည်။ 

နေ့ကျောင်းသား တစ်ဦးသည် နှစ်ဝက်စာ ကျူရှင်ခ၊ အိမ်ငှားခ၊ စားစရိတ် အပါအ၀င် လေးလအတွက် ကျပ်ခြောက်သိန်းနီးပါး ကုန်ကျပြီး အဝေး သင်ကျောင်းသားများအတွက် ကျူရှင်ခ၊ အိမ်ငှားခ၊ စားစရိတ်အပါအ၀င် တစ်လလျင် ကျပ်နှစ်သိန်းခွဲဝန်းကျင် ကုန်ကျသည်ဟု ကျောင်းသားများ ထံမှ စုံစမ်းသိရှိရသည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။