Saturday, September 15, 2012

SADUNG SAGA PA DE NA MYEN HPYEN NI HTINGNUT

(Jinghpawkasa)



Wunpawng Mungdan Shanglawt Asuya Dap Ba (1) ginra rai nga ai Sadung, Saga Pa, Hkarum mahkrai grup yin hkan wa shang shara la nga ai myen asuya hpyen hpung ni gaw n dai laman langai mung n ngam hkra htingnut mat wa ai lam shiga na chye lu ai. N dai zawn yu mat wa ai myen hpyen hpung ni gaw mawdaw hte Myitkyina hkran de rap mat wa masai lam buga masha ni kawn chye lu ai. Myen hpyen hpung ni n dai zawn htingnut ai lam gaw KIO Sinna Ginwang Dap Ba (2) Ginra Uru Seng Maw maga de lung seng company  ni kawn garum hpyi ai hte maren KIA ni hpe htu gasat nna Hpakant Ginwang hpe tsing la na matu re lam mung na chye lu ai. Lungseng Company ni kawn marang hpawng ai hte lungseng htu shap ai lam hpe bai lu galaw na matu yaw shada nga ma ai lam, dai majaw myen asuya hpyen hpung ni gaw ya ten Hpakant ginra de hpyen n gun jat dik dik rai nga ai lam hpe mung na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။