Monday, September 24, 2012

HPRI BUM KAW (3) YA LAMAN MYEN HPYEN LA (150) JAN HKRAT

(Jinghpawkasa)

Wunpawng Mungdan Shanglawt Asuya Sinna Ginwang Dap Ba (2) Ginra Uru Seng Maw, Sharaw Hka Maw na Wie Wie Aung Company a bawm yam dum kapaw ai hta lawm mat ai myen hpyen hpung ni a lak nak ni hpe shani shagu mu a lai la nga ding yang re lam shiga na chye lu ai. Dai ni mung Sinat kaji lau (4), bazooka lau (1) hte myawk si ni hpe bai mu tam la lai wa sai lam shiga na chye lu ai. Matut nna lai wa sai bat (6) ya shani kawn Hpri Bum kaw KIA myu tsaw share ninghkring ni hte myen hpyen asuya hpyen hpung ni (3) ya laman gap gasat ai hta myen hpyen maga na hpyen la (150) jan si, hkala hkrum lai wa sai lam hpe matut chye lu ai. N dai majan hta hkrat ai myen asuya hpyen hpung a tsit kyaung mhu Bu Mhu Tin Naing Win gaw hk-l-ya (15) kaw na rai nhtawm grai mazut ai hpyen du langai re lam hpe mung na chye lu ai. Ya ten matut nna Hpri Bum kaw KIA myu tsaw share ninghkring ni hte myen asuya tai hpyen ni gasat ding yang rai nga ai lam hpe mung matut na chye lu ai.

1 comment:

  1. (၁၅၀) ပဲ လား
    နည္းလုိက္တာ ....
    အမ်ားၾကီးဆုိရင္ လည္း ကခ်င္ျပည္မွာ အေလာင္းေတြ အမ်ားၾကီး ပုပ္ပြေနလိမ့္မယ္

    ReplyDelete

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။