Saturday, September 22, 2012

BAWM YAM KAPAW AI KAW NA LAKNAK LAW LAW MATUT MU LA

(Jinghpawkasa)

Wunpawng Mungdan Shanglawt Asuya Sinna Ginwang Uphkang Ginra, Uru Seng Maw, Hpakant ginra hta lai wa sai shata Wei Wei Aung Company myen asuya hpyen hpung ni shanhte hkrai bawm yam dum gap kapaw la nna si rum mat ai gaw (100) lam re hpe matut na chye lu ai. Ya ten lamu marang kaba htu nna hpungtaw hka a gre sharu dat dat rai jang myen hpyen ni a sinat laknak ni gaw shani shagu bai dawng pru wa wa re ai lam shiga na chye lu ai. N dai zawn lamu mara kaba htu nna bai dawng pru wa ai myen hpyen ni a laknak kaji kaba (50) jan lu hta la sai lam, September (21) ya shani mung (4) bai lu hta lam ai lam na chye lu ai. Lu hta la ai myen hpyen ni a sinat yawng hta na (10) jan sha kaja ai lam matut na chye lu ai. Lu hta la ai laknak ni hpe maram yu yang myen hpyen ni si ru mat ai gaw tsa lahta de sha re lam buga masha ni kawn tsun maram ai lam na chye lu ai.

No comments:

Post a Comment

Comment မ်ားကုိ စီစစ္ျပီး တင္ေပးပါမည္။ မုိက္ရုိင္းေသာ၊ လူသားမဆန္ေသာ Commet မ်ား တင္မေပးပါ။