Tuesday, August 28, 2012

တိုက်ပွဲများကြောင့် ဖားကန့်တွင် စစ်ပြေးဒုက္ခသည် ၆၀၀၀ ကျော်ထိတိုးလာ


(ကချင်သတင်းဌာန)


ကချင်လွတ်မြောက်ရေးတပ် KIA နှင့် အစိုးရတပ်များ တိုက်ပွဲပြင်းထန် လာသောကြောင့် ဒေသခံများနှင့် ကျောက်စိမ်းမှော်တွင် အလုပ်လုပ် ကိုင်နေသူများသည် လုံခြုံရာနေရာအသီးသီးထွက်ပြေးခိုလှုံလျက်ရှိရာ နေရာထိုင်ခင်းနှင့် အစားအစာ ဆေးဝါးများ သောက်သုံးရေများ လုံလောက်မှုမရှိသောကြောင့် ခက်ခဲကြုံတွေ့နေရသည်။

ဒုက္ခသည်များသည် ဖားကန့်မြို့ လုံးခင်း၊ မေသီလကျောင်း၊ ရခိုင်ရိုးရာ ယဉ်ကျေးမှုကျောင်း၊ ရှမ်းရိုးရာ ယဉ်ကျေးမှုကျောင်း၊ ဗုဒ္ဓဘုန်းကြီးကျောင်း စသည့်နေရာများနှင့် ကက်သလိတ် RC ဘုရားကျောင်း၊ ခရစ်ယာန်နှစ် ခြင်းကျောင်းများတွင် ထွက်ပြေးတိမ်းရှောင်လာခဲ့ခြင်းဖြစ်ကြောင်း ဖားကန့်ဒေသခံများ KNG ကချင်သတင်းဌာနသို့ပြောသည်။

တိုက်ပွဲများကြောင့် ထွက်ပြေးတိမ်းရှောင်လာသူ ဒုက္ခသည်များ ပိုမိုတိုး လာပြီး ၄င်းတို့အတွက် အရေးပေါ်ကူညီဆောင်ရွက်မှုများ လိုအပ်နေ ကြောင်း အဆိုပါ ဒုက္ခသည်များခိုလှုံလာသည့် ခရစ်ယာန်အသင်း တော်များမှသိရသည်။

ယခုအချိန် စစ်ပြေးဒုက္ခသည်များခိုလှုံရာစခန်းများတွင် ဝမ်းပျက်၊ ဝမ်း လျော ဖြစ်ပွားနေပြီး ၄င်းတို့အတွက် အဓိက အစားအသောက်၊ ရေရှားပါးမှု၊ ဆေးဝါးများ အကူအညီလိုနေကြောင်း ဒုက္ခသည်များကို ကူညီသူတစ်ဦး ပြောသည်။

“နဂိုကတည်းက ဖျားနာ နေတာလဲပါနေတယ်ဆိုတော့ ခုဒုက္ခသည် စခန်းပြန်ရောက်လာတော့ ပိုဆိုးနေတယ်။ ရေ (သောက်ရေသန့်)က ခက်နေတော့ အရမ်းဒုက္ခရောက်နေကြတယ်” ဟုပြောသည်။
ယခုချိန် ဒုက္ခသည်များကို အသင်းတော်များနှင့် ကျောက်ကုန်သည် အချို့၏ ကူညီမှုဖြင့် ရပ်တည်နေကြောင်း သိရသည်။

ကျောက်စိမ်းလုပ်ကွက်များရှိရာ ဖားကန့်ဒေသသို့ အစိုးရတပ်များ စတင်ထိုးစစ်ဆင်တိုက်ခိုက်လာမှုကြောင့် သြဂုတ်လ ၁၈ ရက်မှစ၍ ဒေသခံများ ကုန်သည်များ နီးစပ်ရာသို့ ထွက်ပြေးတိမ်းရှောင် နေကြခြင်းဖြစ်သည်။

No comments:

Post a Comment

Comment များကို စီစစ်ပြီး တင်ပေးပါမည်။ မိုက်ရိုင်းသော၊ လူသားမဆန်သော Commet များ တင်မပေးပါ။