Friday, May 29, 2015

KIA, Dung (11) Kaw Gasat Poibyin

(Kachin Net)

KIA masat (11) Dap dung ginra Sut Len Yang , Nhprim mare dingsa kaw shara jahkrat nga ai KIA post hpe May shata (25) ya shani hkying (10:30) aten hta Myen hpyen hpung Hk,L,Y (105) hte Hk,M,Y (382) kata na pawng hpawm hpyen hpung ni sa htim gasat ai majaw gasat poi byin ai lam hpe chye lu ai.

မြစ်ဆုံစီမံကိန်းကိစ္စပြန်လည် ပြန်စတင်ရန်ရှိ

(Kachin Waves)


အောင်မြင်သာကျေးရွာသစ်တွင်လုပ်ကိုင်စားသောက်ရန်အခက်အခဲဖြစ်သည့်အတွက် မြစ်ဆုံ တန်ဖရဲသို့ပြန်ပြီး လုပ်ကိုင်စားသောက်နေကြသော တန်ဖရဲဒေသခံများအား အဏာပိုင်များမှ မေလ ၂၄ ရက်နေ့တွင် စီမံကိန်းတစ်ခုခုစတင်လာပါက အဆိုပါဒေသမှ မိမိအသိဖြင့်ပြောင်းရွှေ့ပေးရန် သဘောတူလက်မှတ်ရေးထိုးခိုင်းခဲ့ကြောင်းသိရသည်။

သို့သော်ဒေသခံများမှလည်းတစ်ယောက်မှလက်မှတ်ရေးထိုးခြင်းမခဲ့ကြောင်းလည်းသိရသည်။

Tuesday, May 26, 2015

တပ်မတော်နှင့် ကေအိုင်အေတို့ မန်စီမြို့နယ်အတွင်း ပြင်းထန်သော တိုက်ပွဲများ ဆက်လက်ဖြစ်ပွား

(Eleven Media Group)

တပ်မတော်နှင့် ကေအိုင်အေတို့ မန်စီမြို့နယ်အတွင်း ပြင်းထန်သောတိုက်ပွဲများ ဆက်လက်ဖြစ်ပွားနေကြောင်း မြောက်ပိုင်းတိုင်း စစ်ဌာနချုပ်နှင့် ကချင်ပြည်နယ်အခြေစိုက် ငြိမ်းချမ်းရေး အကျိုးဆောင်အဖွဲ့ဝင်များက The Daily Eleven သတင်းစာသို့ မေ ၂၅ ရက်တွင် ပြောကြားသည်။

မေ ၂၄ ရက်တွင် တပ်မတော်နှင့် ကေအိုင်အေတို့ နန့်လင်းပါကျေးရွာအနီးနှင့် မဂျယန်ကျေးရွာအနီးတွင် နံနက် ၉ နာရီခွဲ ၀န်းကျင်မှ ညနေ ၃ နာရီခွဲအထိ ပြင်းထန်သော တိုက်ပွဲများ ဖြစ်ပွားခဲ့ကြောင်း သိရသည်။

Monday, May 25, 2015

မြစ်ဆုံစီမံကိန်းအနီး တန်ဖရဲကျေးရွာကို ခရိုင်အစိုးရက အကြောင်းပြချက်မပေးဘဲ ပြောင်းရွှေ့ခိုင်း

(Mizzima)

ရပ်ဆိုင်းထားသော မြစ်ဆုံစီမံကိန်းအနီး တန်ဖရဲကျေးရွာအား မည်သည့် အကြောင်းပြချက်မျှမပေးဘဲ ပြေင်းရွှေ့ရန် ကချင်ပြည်နယ်၊ မြစ်ကြီးနားခရိုင်က ညွန်ကြားလာသည်ဟု တန်ဖရဲကျေးရွာသားများက ပြောသည်။
မေလ ၂၄ ရက် မွန်းလွဲ ၂ နာရီမှ ၃ နာရီခွဲထိ တန်ဖရဲကျေးရွာရှိ ကက်သလစ်ဘုရားကျောင်းတွင် ရွာသားများအား အစည်းအဝေးခေါ်ယူကာ ပြောင်းရွှေ့ရန် ညွန်ကြားစာကို တန်ဖရဲအုပ်ချုပ်ရေးမှူးက ပြန်လည် ရှင်းပြခဲ့သည်။

KIA, တပ်မဟာ(၃) ဒေသ တွင် တိုက်ပွဲ ပြင်းထန် နေ

(Lachid Kachin)

(၂၄.၅.၂၀၁၅) ရက်နေ့ KIA, တပ်မဟာ (၃) လက်အောက်ခံ ကေအိုင်အေ
တပ်ရင်း(၁၂) ဒေသတွင် တိုက်ပွဲ အပြင်း အထန် ဖြစ်ပွား ကြောင်း သတင်း
ရရှိပါသည်။

မြန်မာ စစ်တပ် (စစ်တပ်အမည်စုံစမ်းဆဲ)များသည် စစ်အင်အား (၈၀၀)ရှစ်ရာ
ခန့် ဖြင့် စစ်ကြောင်း (၂) ကြောင်း ခွဲ ကာ ကေအိုင်အေ တပ်မဟာ (၃) လက်
အောက်ခံ ကေအိုင်အေ တပ်ရင်း (၁၂)၏ ရှေ့တန်း လုံခြုံရေး ကင်းစခန်းများ
ရှိရာ စဂါ့ ဘွမ် နှင့် လွယ်လပ့် ဘွမ် တို့ အား အပြင်းအထန် လာရောက် 

Friday, May 22, 2015

ခမရ ၄၃၈မှ တပ်သားဇော်မျိုးအေးအား စစ်ဘက်ဆိုင်ရာခုံရုံးတွင်သာစစ်ဆေးသွားမည်

(Kachin Waves)

လဖြတ်နေသော အသက်၇၃နှစ်အရွယ်ရှိ အဘွားအား အဓမ္မကျင့်ရန်ကြီးစားအားထုတ်သော တပ်သား ဇော်မျိုးအေးသည် အဓမ္မကျင့်ရန်ကြိုးစားအားထုတ်မှုဖြင့် ၄င်းအားစစ်တပ်ခုံရုံးတွင်သာ စစ်ဆေး အရေးယူသွား မည်ဖြစ်ကြောင်းနှင့်အကယ်၍ထောင်ဒဏ်စီရင်ချက်ချမှတ်ပါက ဗန်းမော်ထောင်တွင်သာ ထားရှိမည်ဟု မေ(၁၈)ရက်တွင် ဗန်းမော်ခရိုင်ဗိုလ်မှူးချူပ်မှဗန်းမော်ခရိုင်အမျိုးသမီးအဖွဲ့ထံ ပြောကြားသည်။ 

ကိုးကန့်စစ်ပွဲ ဘာကြောင့် အဓွန့်ရှည်သလဲ

(VOA)

ဒီတပတ် မြန်မာ့မျက်မှောက်ရေးရာအစီအစဉ်မှာ ဆင်းရဲနွမ်းပါးတဲ့ ပြည်သူတွေ ဆာလောင်ငတ်ပြတ်နေချိန်မှာ မြန်မာအာဏာပိုင်တွေဟာ ဒေါ်လာသန်းပေါင်းများစွာ အကုန်အကျခံပြီး ကိုးကန့် MNDAA အမှူးပြုတဲ့ တိုင်းရင်းအင်အားစုတချို့ နဲ့ ရေရှည်စစ်ပွဲ ဆင်နွှဲနေပါတယ်။ တဘက်က ငြိမ်းချမ်းရေးစေ့စပ်ဖို့ တောင်းဆိုနေပါလျက်နဲ့ အစိုးရဘက်က ဘာကြောင့် လက်မခံတာလဲ ဆိုတာကို စစ်ထောက်လှမ်းရေး အရာရှိဟောင်း ဦးအောင်လင်းထွဋ်၊ မြန်မာ့အရေးစောင့်ကြည့်သူ ဒေါက်တာဒေါ်လှကျော်ဇောတို့ကို ဦးကျော်ဇံသာ က ဆက်သွယ်မေးမြန်း ဆွေးနွေးသုံးသပ်ထားပါတယ်။

ကချင်တွင် တိုက်ပွဲ ပြင်းထန်၍ အစိုးရနှင့် ကေအိုင်အို တစ်နာရီကြာ အရေးပေါ် ဆွေးနွေး

(Mizzima)

ကချင်ပြည်နယ်၊ မန်စီမြို့နယ်၊ နမ်လင်းပါကျေးရွာတွင် တိုက်ပွဲပြင်းထန်လာသဖြင့် အစိုးရနှင့် ကချင် လွတ်လပ်ရေးအဖွဲ့ (KIO) ပဋိပက္ခညှိနှိုင်းရေး အဖွဲ့ဝင်များ တစ်နာရီကြာ အရေးပေါ်တွေ့ဆုံဆွေးနွေး၍ တိုက်ပွဲများ ဆက်လက် မဖြစ်ပွားရေးအတွက် နှစ်ဘက် ထိန်းသိမ်းရန် ဆွေးနွေးပြောဆိုခဲ့သည်ဟု ကချင်ငြိမ်းချမ်းရေး အကျိုးဆောင်အဖွဲ့ (PCG) မှ ဦးလမိုင်ဂွမ်ဂျာက ပြောသည်။   
မေလ ၂၁ ရက် မွန်းလွဲ ၁၁ နာရီမှ ၁၂ နာရီကျော်ကြာ မြစ်ကြီးနားမြို့ရှိ KIO နည်းပညာ အထောက်အကူပြု အဖွဲ့ရုံးတွင် တွေ့ဆုံဆွေးနွေးကြခြင်း ဖြစ်ပြီး အစိုးရ ပဋိပက္ခညှိနှိုင်း ဖြေရှင်းရေး အဖွဲ့ခေါင်းဆောင် ကချင်ပြည်နယ်မြောက်ပိုင်းတိုင်း စစ်ဌာနချုပ်(မပခ)မှ  ဗိုလ်မှူးကြီး သန်းအောင်ဘက်က နှစ်ဘက်တွေ့ဆုံ ဆွေးနွေးကြရန် အကြောင်းကြားလာသဖြင့် အရေးပေါ် တွေ့ဆုံခြင်း ဖြစ်သည်။

Tuesday, May 12, 2015

ရှမ်းပြည်မြောက်ပိုင်းတွင် အစိုးရတပ်က စစ်ရဟတ်ယာဉ်များဖြင့် တိုက်ခိုက်

(DVB)

ရှမ်းပြည်နယ်မြောက်ပိုင်း သိန္နီ၊ ကျောက်မဲနဲ့ အရှေ့မြောက်ပိုင်း လောက်ကိုင်၊ ကုန်းကြမ်းစတဲ့ ဒေသတွေမှာ အစိုးရတပ်နဲ့ တိုင်းရင်းသားလက်နက်ကိုင်အဖွဲ့တွေကြား တိုက်ပွဲတွေ ပြင်းထန် ဆက်လက်ဖြစ်ပွားနေပါတယ်။
လောက်ကိုင်မြို့နယ် နန်ထိန်မိန်တောင်ကုန်းတလျှောက်မှာ ပြီးခဲ့တဲ့ ရက်ပိုင်းကစ တိုက်ပွဲ ဆက်တိုက်ဖြစ်ပွားရာမှာ ဒီကနေ့ မေလ ၁၂ ရက်နေ့မှာလည်း အစိုးရတပ်ဘက်က မိုးမလင်းခင်ကတည်းက လက်နက်ကြီးနဲ့ ပစ်သလို ရဟတ်ယာဉ်ပေါ်ကနေ ဗုံးကြဲခဲ့တယ်လို့ အမ်အန်ဒီအေအေ ကိုးကန့်တပ်ရဲ့ ပြောခွင့်ရ ဦးထွန်းမြတ်လင်းက ဒီဗွီဘီကို ပြောပါတယ်။

သစ်မှောင်ခိုမှု KIA ပါသည့် သံသယကြောင့် စစ်တပ် ထိုးစစ်ဆင်ခြင်းဖြစ်နိုင်

(VOA)

ကချင်ပြည်နယ်ကနေ တရုတ်နိုင်ငံbက် ခိုးထုတ်တဲ့ သစ်မှောင်ခိုမှုတွေမှာ ဒေသခံ KIA တပ်တွေ ပါဝင်ပတ်သက်နေတယ်လို့ မြန်မာအစိုးရဘက်က သံသယ၀င်နေတာကြောင့် KIA တပ်တွေကို အစိုးရတပ်တွေက လာရောက် တိုက်ခိုက်တဲ့ သဘောဖြစ်တယ်လို့ ယူဆကြောင်း ကချင် ငြိမ်းချမ်းရေး အကျိုးတော်ဆောင်အဖွဲ့က ပြောပါတယ်။ KIA တပ်bက်ကတော့ သစ်မှောင်ခိုမှုမှာ သူတို့ ပါဝင်ခြင်းမရှိဘူးလို့ ငြင်းဆိုထားပါ တယ်။ အပြည့်အစုံကို ကိုဉာဏ်ဝင်းအောင်က စုစည်းတင်ပြထားပါတယ်။

တိုက်ပွဲဖြစ်နေသည့် ၃ ဖွဲ့ ငြိမ်းချမ်းရေး ဆွေးနွေးရန် ကမ်းလှမ်းမည့် အခြေအနေ မရှိဟုဆို

(ဧရာဝတီ)

အစိုးရနှင့် တိုက်ပွဲများ ဖြစ်နေသည့် မြန်မာ အမျိုးသား ဒီမိုကရေစီ မဟာမိတ် တပ်မတော် (MNDAA)၊ တအောင်း (ပလောင်) အမျိုးသား လွတ်မြောက်ရေး တပ်မတော် (TNLA) နှင့် ရက္ခိုင့်တပ်မတော် (AA) တို့က ငြိမ်းချမ်းရေး ဆွေးနွေးရန် မြန်မာအစိုးရသို့ ထပ်မံကမ်းလှမ်းမည့် အခြေအနေ မရှိကြောင်း ပြောဆိုကြသည်။
ရန်ကုန်မြို့၊ အင်းလျားလိတ် ဟိုတယ်တွင် မေလ ၉ ရက်က ပြုလုပ်ခဲ့သည့် ငြိမ်းချမ်းရေးနှင့် အမျိုးသား ပြန်လည် သင့်မြတ်ရေးဆိုင်ရာ ဆွေးနွေးပွဲ၌ သမ္မတရုံးဝန်ကြီး ဦးအောင်မင်းက MNDAA ၊ TNLA နှင့် AA တပ်ဖွဲ့များက အစိုးရနှင့် ငြိမ်းချမ်းရေး ဆွေးနွေးလိုလျှင် ကမ်းလှမ်းနိုင်ကြောင်း သတင်းမီဒီယာများကို ပြောဆိုခဲ့သည့်အပေါ် ထိုအဖွဲ့များက ပြန်လည် ပြောဆိုခြင်း ဖြစ်သည်။

Friday, May 8, 2015

မန်စီတွင် တပ်မတော် နှင့် ကေအိုင်အေ တိုက်ပွဲ ပြင်းထန်

(Mizzima)

ကချင်ပြည်နယ် ဗန်းမော်ခရိုင် မန်စီမြို့နယ် နမ်လင်းပါ ကျေးရွာအနီး အစိုးရ စစ်တပ်က တိုက်လေယာဉ် နှစ်စီးဖြင့် ဗုံးကြဲတိုက်ခိုက်ခဲ့ပြီး လက်ရှိ တိုက်ပွဲများ ဆက်လက် ဖြစ်ပွားနေသည်ဟု KIA တပ်ရင်း ၁၂ တပ်ရင်းမှူး ဗိုလ်မှူး ဂျွန်းအောင်က မဇ္ဈိမကို ပြောသည်။
“ဒီနေ့ နေ့လယ် ၁ နာရီ ၂ နာရီကြားမှာ  တိုက်လေယာဉ် ၂ စီးနဲ့ ဗုံးတွေ  လာကြဲသွားတယ်။  နာရီဝက်လောက်  လာကြဲသွားတယ်။ ဗုံး  ဘယ်နှစ်လုံးလဲ ဆိုတာ မရေတွက်နိုင်တော့ဘူး။ အခုလည်း ကျနော်တို့ဘက်က ပစ်ဖို့ ပြင်ဆင်နေပြီ”ဟု ဗိုလ်မှူး ဂျွန်းအောင်က ပြောသည်။

"ဝ" ပြည်နယ်တောင်းခံမှုအပေါ် သူတို့ ဘယ်လိုမြင်လဲ

(Mizzima)

"ဝ" ကိုယ်ပိုင်အုပ်ချုပ်ခွင့်ရဒေသကို ဝ ကိုယ်ပိုင်အုပ်ချုပ်ခွင့်ရ ပြည်နယ်အဆင့် တိုးမြှင့်ပေးရန် ဝ ပြည်သွေးစည်းညီညွတ်ရေး ပါတီ(UWSP)က တောင်းဆိုထားပြီး ယင်းတောင်းဆိုချက်ကို ၂၀၁၅ခုနှစ် မေလ ၁ရက်မှ ၆ရက်အထိ ပြုလုပ်သည့် ထိပ်သီးအစည်းအဝေးကို တက်ရောက်လာသည့် တိုင်းရင်းသားလက်နက်ကိုင် အဖွဲ့အစည်း ၁၂ဖွဲ့တွင် အများစုက ထောက်ခံကြောင်း အစည်းအဝေးအပြီး ထုတ်ပြန်လိုက်သည်။

"ဝ" ပြည်နယ် တောင်းခံမှုကို UWSA၏ စစ်သေနာပတိချုပ် ပေါက်ယိုချမ်းက အစည်းအဝေး ပထမနေ့ မေ ၁ရက်က တက်ရောက်လာသည့် တိုင်းရင်းသား ခေါင်းဆောင်များကို တိုက်တွန်းခဲ့ခြင်း ဖြစ်သည်။

သိန်းစိန်အစိုးရ လက်လွတ်ခံလို့ မဖြစ်တဲ့ အခွင့်အရေးတစ်ခု

(၁) ဇက်ကြိုးတပ်ပညာရေး
အာဏာရှင်က အာဏာမဲ့သူများကို အာဏာရူးလို့ ခေါ်တတ်ကြပါတယ်။ ပြည်ထောင်စုမလိုလားသူများက ပြည...်ထောင်စုဝါဒီများကို ခွဲထွက်သူများလို့ အမည်သညာ တပ်လိုကြပါတယ်။ ဒီလိုမလိမ့်တပတ်လုပ်ဖို့ အများစုက ပညာမတတ်မှ ဖြစ်မယ်။ ဒါကြောင့် အမျိုးသားပညာရေးဥပဒေကို ပြင်ဆင်ဖို့ ဆန္ဒပြတဲ့ ကျောင်းသားတွေဟာ အချုပ်ခန်းထဲရောက်ကုန်ကြတယ်။ ဇက်ကြိုးတပ်တဲ့ပညာရေးကို မပြင်ချင်တာဟာ အာဏာရှင်တို့အတွက် မှန်ကန်ပေမဲ့ ပြည်သူတို့အတွက်တော့ ကျွန်သက်တမ်းရှည်စေတာမို့ မဟာအမှားတစ်ခု ဖြစ်ပါတယ်။

အစိုးရတပ်မတော်နှင့် ကေအိုင်အေတို့ မန်စီမြို့နယ်အတွင်း တိုက်ပွဲများ ပြန်လည်ဖြစ်ပွားနေ

(Eleven Media Group)

အစိုးရတပ်မတော်နှင့် ကေအိုင်အေတို့  မန်စီမြို့နယ်အတွင်း တိုက်ပွဲများ ပြန်လည်ဖြစ်ပွားနေကြောင်း သတင်းရရှိသည်။
ဧပြီ  ၁၈ ရက်မှ ၂၁ ရက်အထိ ဖားကန့်ဒေသနှင့် တနိုင်းဒေသတို့တွင် တိုက်ပွဲများ ဖြစ်ပွားခဲ့ပြီးနောက်  လ၀က်ခန့်အကြာတွင် ယခုကဲ့သို့ နှစ်ဖက်ပစ်ခတ်မှုများ ဖြစ်ပေါ်လာ ခြင်းဖြစ်သည်။ တိုက်ပွဲဖြစ်ပွားသည့် နေရာမှာ မန်စီမြို့နယ် နန့်လင်းပါကျေးရွာနှင့် မိုးတိမ်ပါကျေးရွာ အနီးတွင်ဖြစ်ပြီး မေ ၆ ရက် နှင့် မေ ၇ ရက်များတွင် ဖြစ်ပွားနေခြင်းဖြစ်ကြောင်း ဒေသခံများက ပြောကြားသည်။

ဖားကန့်တွင် ကမ်းပါးပြိုကျမှုကြောင့် ကျောက်တူးဖော်သူ ရေမဆေးသမားနှစ်ဦး သေဆုံးပြီး တစ်ဦး ဒဏ်ရာရ

(Eleven Media Group)

ဖားကန့်ဒေသ ကောင်ဆန်ကျေးရွာ အနီးရှိ စိန်လုံကျောက်မျက်ကုမ္ပဏီလုပ် ကွက်အတွင်း မေ ၆ ရက် ည ၉ နာရီဝန်းကျင်၌ ကျောက်တောင်ကမ်းပါး ပြိုကျမှုဖြစ်ပွားခဲ့ရာ ပြင်ပမှ ညအချိန်ဝင်ရောက် ကျောက်တူးဖော်နေသော ရေမဆေးသမားနှစ်ဦး သေဆုံးသွားပြီး တစ်ဦးမှာ ဆေးရုံသို့ ပို့ဆောင်ထားရကြောင်း သတင်းရရှိသည်။

မြစ်ကြီးနား အကျဉ်းထောင်အတွင်း တရုတ်နိုင်ငံသား အကျဉ်းသားနှင့် မြန်မာနိုင်ငံသား အကျဉ်းသားအချို့ ရန်ဖြစ်ရာမှ ထောင်ဝန်ထမ်းများ ၀င်ရောက်ထိန်းသိမ်းခဲ့ရပြီး အကျဉ်းသား ၁၀ ဦး ဒဏ်ရာရ

(Eleven Media Group)

ကချင်ပြည်နယ် မြစ်ကြီးနား အကျဉ်းထောင်အတွင်း မေ ၆ ရက် နံနက်ပိုင်းက တရုတ်နိုင်ငံသား အကျဉ်းသားများနှင့် မြန်မာနိုင်ငံသား အကျဉ်းသားအချို့ ခိုက်ရန်ဖြစ်ပွားရာ ထောင်လုံခြုံရေးများ ၀င်ရောက်ထိန်းသိမ်းပြီးနောက် အကျဉ်းသား ၁၀ ဦး ဒဏ်ရာရရှိခဲ့ကြာင်း ပြည်နယ်ရဲဌာနနှင့် ပြည်နယ်အစိုးရဌာနများမှ သတင်းရရှိသည်။
ဒဏ်ရာရရှိသော တရုတ်နိုင်ငံသားများသည် သစ်ခိုးထုတ်မှုဖြင့်  အကျဉ်းကျနေသူများဖြစ်ပြီး သောကြာနေ့တွင် ရုံးထုတ်မည့် တရုတ်နိုင်ငံသားများ ပါဝင်နေကြောင်း သိရသည်။

Wednesday, May 6, 2015

တိုင်းရင်းသားအဖွဲ့များ ညီလာခံရဲ့  အကောင်းအဆိုးရလဒ်

(VOA)

ဒီတပတ် မြန်မာ့ မျက်မှောက်ရေးရာ ဆွေးနွေးခန်း အစီအစဉ်မှာ တိုင်းရင်း သား ညီလာခံရဲ့  ရလဒ်တွေဟာ တိုင်းရင်းသား ပဋိပက္ခတွေ အတွက် အဖြေ လား၊ မေးခွန်းလားဆိုတာကို ညီလာခံကို ကိုယ်တိုင်တက်ရောက်ခဲ့သူ တိုင်းရင်းသားခေါင်းဆောင် ဗိုလ်မှုးကြီးခွန်ဥက္ကာ၊ နိုင်ငံရေးသုံးသပ်သူ ဦးအောင်သူငြိမ်း တို့ကို ဦးကျော်ဇံသာ က ဆက်သွယ်မေးမြန်း ဆွေးနွေးသုံးသပ်ထားပါတယ်။

“ဝ”တို့၏ လာရာလမ်း

(ဧရာဝတီ)

“၀”တို့၏ ဒဏ္ဍာရီအရ ၎င်းတို့၏ မူလပေါက်ဖွားရာနေရာမှာ “နောင်ချို”ရေကန်ဖြစ်သည်။ သစ်တောကြီးများ ၏ အလယ်တွင် မိုးတိမ်များဖြင့် အုံ့ဆိုင်းနေသော မည်သည့် သက်ရှိသတ္တ၀ါမှ မနေရဲသာ ဤရေကန်ကြီး သည် နက်ရှိုင်း၍ အလွန်အေးမြသောကြောင့် ငါးများပင် အသက်ရှင်၍ မနေနိုင်၊ ရေကန်၏ လေးဘက် ထောင့်စွန်း ထောင့်တခုစီမှ ကျောက်ဆောင်ကြီး ၄ ခုသည် ကျောက်တောင်များ အဖြစ် တိုးထွက်လာပြီး၊ ယင်း “နောင်ချို” ကန်၏ ရေမှ ကမ္ဘာ့မြစ်ကြီးများကို ဖြစ်ပေါ်စေသည် ဟု ဆိုသည်။

“၀” လူမျိုးတို့သည် နောင်ချို ကန်၏ ရေမှ ပေါက်ဖွားလာကြခြင်း ဖြစ်ပြီး မနုဿလူသားများ ဖြစ်လာသော အခါ အလွန်ကြီးမား၍ မဲမှောင်သော “ပတ်ကတေ့” လှိုင်ဂူကြီး အတွင်း၌ နေထိုင်ကြသည်။ ထိုမှ မုဆိုးပညာ၊ လူခေါင်းဖြတ်သည့် လျှို့ဝှက်ချက်များကို သိလာပြီး လူဦးရေမှာလည်း များစွာတိုးပွားလာသည်ဟု ဆိုပါသည်။

Tuesday, May 5, 2015

ကိုးကန့်သတင်း ဖော်ပြပါက အရေးယူမည် ဆိုသည့်အပေါ် သူတို့ ဘယ်လိုမြင်လဲ

(Mizzima)

ကိုးကန့်တပ် - MNDAA ကို အစိုးရက မတရား အသင်းအဖြစ် ကြေညာထားသည့်အတွက် ပန်ဆန်းမြို့တွင် ကျင်းပနေသည့် တိုင်းရင်းသား လက်နက်ကိုင်များ၏ ညီလာခံတွင် တက်ရောက်နေသည့် ကိုးကန့်တပ်၏ သတင်းနှင့် ထုတ်ပြန်ချက်များကို မီဒီယာများက မဖော်ပြရန်နှင့် ဖော်ပြပါက တည်ဆဲ ဥပဒေအရ အရေးယူသွားမည်ဟု တပ်မတော် သတင်းအမှန် ပြန်ကြားရေး အဖွဲ့က မေလ ၃ ရက် (ကမ္ဘာ့စာနယ်ဇင်း လွတ်လပ်ခွင့်နေ့) က ထုတ်ပြန် ကြေညာခဲ့သည့်အပေါ် သတင်းမီဒီယာ အသိုင်းအဝိုင်းတွင် မီဒီယာ လွတ်လပ်မှုကို ထိပါးလာသည့်အပေါ် ဝေဖန်မှု၊ စိုးရိမ်မှုများ၊ မေးခွန်းများ ထွက်ပေါ်နေသည်ကို မဇ္ဈိမက မေးမြန်းကာ စုစည်းတင်ပြလိုက်ပါသည်။

ငြိမ်းချမ်းရေး စစ်တမ်း (၁၅) စာချုပ်အတည်ပြုမူကြမ်းအပေါ် သုံးသပ်ချက် (၁)

ငြိမ်းချမ်းရေးသည် စစ်အစိုးရ နှင့် တိုင်းရင်းသားလက်နက်ကိုင်အဖွဲ့ အစည်းများသာမက တိုင်းရင်းသား
ပေါင်းစုံလူထုကြီးတရပ်လုံးနှင့် ဆိုင်သော ပြသနာဖြစ်သည်။ စစ်ကြောင့် အခြေခံလယ်သမား၊ အလုပ်သမား၊ တိုင်းရင်း
သားပြည်သူများ၏ သားသမီးများသေကြေနေကြရသည်။ လူထု၏ကျမ္မာရေး၊ ပညာရေး၊ သယ်ယူပို့ ဆောင်ရေး၊ လမ်း
ပမ်း နှင့် အီလက်ထရောနစ်ဆက်သွယ်ရေး၊ နေအိမ်ရာ စီမံကိန်း၊ အလုပ်အကိုင်အခွင့် အလမ်း စသည်များအတွက် အသုံးပြု ရမည့် ငွေကြေးများ အလဟသ ဖြစ်လျှက်ရှိသည်။

စစ်အစိုးရအဆက်ဆက်၏ စီမံခန့် ခွဲရေးညံ့ဖျင်းခြင်း၊ တိုင်းပြည်ဓနချမ်းသာများကို စစ်အာဏာရှင်စနစ်တည်မြဲ
ရေးနှင့် ကိုယ်ကျိုး အတွက်အသုံးချခြင်း၊ လာဘ်ပေးလာဘ်ယူကြီးမားစွာဖြစ်ပွားလျှက်ရှိခြင်းတို့ အပြင် ပြည်တွင်းစစ်
သည် လူထုကြီးတရပ်လုံး ဆင်းရဲတွင်းမှ မထွက်နိုင်စေ ရန် အနာဆိုးကြီးသဖွယ် အမြစ်တွယ်လျှက်ရှိသည်။ ဤသည်ကို အမြန်ဆုံး အဖြေရှာကုစားရန် ပြည်တွင်း စစ်ပြသနာအပေါ် တိုင်းရင်းသားပေါင်းစုံလူထုကြီးတရပ်လုံး ယခင်က
ထက်ပို၍ ထဲထဲဝင်ဝင် လေ့လာ၊ လှုပ်ရှား၊ ပါဝင် ဆောင်ရွက်သင့်ပြီဖြစ်သည်။

ကိုးကန့် သတင်းမရေးရန် စစ်တပ်အမိန့်ထုတ်မှု မီဒီယာများ ကန့်ကွက်

(ဧရာဝတီ)

“၀” ကိုယ်ပိုင်အုပ်ချုပ်ခွင့်ရဒေသ ပန်ဆန်းမြို့တွင် ကျင်းပလျက်ရှိသည့် တိုင်းရင်းသားညီလာခံသို့ တက် ရောက်နေသော ကိုးကန့် တပ်မတော် (MNDAA)၏ သတင်းများကို ရေးသားဖော်ပြခြင်းမပြုရန် မြန်မာ့တပ်မတော်က သတိပေးချက်တရပ် ထုတ်ပြန် လိုက်ရာ ယင်းအမိန့်ထုတ်မှုသည် သတင်းလွတ်လပ်ခွင့်ကို ထိခိုက် ရုံသာမက သတင်း သမားများအတွက်လည်း အလွန်စိုးရိမ်ဖွယ်ရာဖြစ်၍ ကန့်ကွက်ကြောင်း သတင်းမီဒီယာများက ထုတ်ပြန် ပြောဆို လိုက်ကြသည်။
မေလ ၃ ရက်စွဲဖြင့် ထုတ်ပြန်သော တပ်မတော်သတင်းမှန်ပြန်ကြားရေးအဖွဲ့၏ ထုတ်ပြန်ချက်တွင် MNDAA ကို မတရား အသင်းအဖြစ် သတ်မှတ် ကြေညာထားပြီးဖြစ်၍ ယင်းကိုးကန့်အဖွဲ့၏ သတင်းများကို ရေးသားဖော်ပြခြင်း၊ ရုပ်သံထုတ်လွှင့် ခြင်း လုံးဝ ရေးသား ထုတ်လွှင့်ခြင်းမပြုရန် သတိပေးလိုက်ပြီး ယင်းသတိပေးချက်ကို မလိုက်နာဘဲ သတင်းများဖော်ပြ ရေးသား ထုတ်လွှင့်ပါက တည်ဆဲဥပဒေများနှင့်အညီအရေးယူမည်ဖြစ်ကြောင်း အဆိုပါ ထုတ်ပြန်ချက်တွင် ဖော်ပြထားပြီး ယင်းထုတ်ပြန်ချက်ကို မြန်မာနိုင်ငံစာနယ်ဇင်းကောင်စီ(ယာယီ)သို့ လိပ်မူ ပေးပို့ခဲ့ခြင်းဖြစ်ကြောင်း သိရှိရသည်။

ကချင်တိုက်ပွဲ ကွင်းဆင်းလေ့လာရန် အစီအစဉ်ဖျက်သိမ်း

(DVB)

ကချင်ပြည်နယ် ဖားကန့်နဲ့ တနိုင်းမြို့နယ်တွေမှာ အစိုးရတပ်နဲ့ ကချင်လွတ်လပ်ရေး တပ်မတော် (ကေအိုင်အေ)တို့ အကြား တိုက်ပွဲဖြစ်ပွားခဲ့တဲ့ကိစ္စ ကွင်းဆင်းလေ့လာဖို့ အစိုးရဖက်က မအားလပ်ကြောင်း အကြောင်းပြန်တဲ့အတွက် အစီအစဉ်ပျက်ပြားသွားပါတယ်။
ဖားကန့် နဲ့ တနိုင်းမြို့နယ်တွေမှာ အစိုးရတပ်နဲ့ ကေအိုင်အေ တပ်တို့အကြားတိုက်ပွဲဖြစ်ပွား ခဲ့တာနဲ့ပတ်သက်ပြီး အစိုးရနဲ့ ကချင်လွတ်မြောက်ရေးအဖွဲ့ ကေအိုင်အို ကိုယ်စားလှယ်တွေ ပါဝင်တဲ့ ပဋိပက္ခညှိနှိုင်းရေးအဖွဲ့ဟာ ဧပြီလ ၂၇ ရက်နေ့က တွေ့ဆုံဆွေးနွေးခဲ့ကြပါတယ်။

Thursday, April 30, 2015

“ကိုးကန့်တိုက်ပွဲ၊ တပ်မတော် ရဲ့ အရှုံးအမြတ်ကို တွက်ချက်ကြည့်ခြင်း”

(Mizzima)

အခုဆိုရင် ကိုးကန့် တိုက်ပွဲပြဿနာ သမ္မတ ဦးသိန်းစိန်နဲ့ တရုတ်သမ္မတ ရှီကျင့်ဖျင် ပြောဆိုဆွေးနွေးတဲ့ အဆင့် ရောက်လာပါပြီ။
အခုရက်ပိုင်း တရုတ်နိုင်ငံ ရောက်နေတဲ့ လွှတ်တော်နာယက သူရဦးရွှေမန်းနဲ့ တရုတ်သမ္မတ ရှီကျင့်ဖျင် တွေ့ဆုံဆွေးနွေးတော့လည်း အဲဒီအကြောင်း ပါပါတယ်။ မေလ(၁) ရက်နေ့ ဝ နယ် ပန်ဆန်းမှာ ကျင်းပမယ့် လက်နက်ကိုင် တိုင်းရင်းသား အဖွဲ့ခေါင်းဆောင်တွေရဲ့ အစည်းအဝေးကြီးမှာလည်း ဒီကိစ္စ ထည့်သွင်း ဆွေးနွေးကြပါဦးမယ်။ သိပ်မကြာသေးခင်တုန်းကလည်း ကိုးကန့် တိုက်ပွဲ သတင်းဖော်ပြမှုနဲ့ ပတ်သက်ပြီး တပ်မတော် သတင်းအမှန် ထုတ်ပြန်ရေးအဖွဲ့နဲ့ စာနယ်ဇင်း မီဒီယာတချို့ အချေအတင် ဖြစ်ခဲ့ပါသေးတယ်။ ကိုးကန့် တိုက်ပွဲ ပြဿနာနဲ့ ပတ်သက်ပြီး တပ်မတော်ဘက်က နိုင်နေသလား၊ ရှုံးနေသလား၊ ဘယ်နေရာတွေမှာ နိုင်နေ၊ ရှုံးနေသလဲ ဆိုတာ ဒီကနေ့ ဆွေးနွေးတင်ပြသွားပါ့မယ်။

ပန်ဆန်း ဆွေးနွေးပွဲရလဒ် ဘယ်လောက် သက်ရောက်မည်လဲ

(Mizzima)

ဝ ကိုယ်ပိုင် အုပ်ချုပ်ခွင့်ရဒေသ ပန်ဆန်းတွင် တိုင်းရင်းသားလက်နက်ကိုင်အဖွဲ့ ၁၆ ဖွဲ့၏ ဆွေးနွေးပွဲကို မေ ၁ ရက်မှ ၃ ရက်အထိ ကျင်းပတော့မည်ဖြစ်သည်။ "ဝ" ပြည် သွေးစည်းညီညွတ်ရေး ပါတီ UWSP က ကမကထပြုကာ ဆွေးနွေးကြမည့် ဆွေးနွေးပွဲလည်း ဖြစ်သည်။
          UWSP က ဖိတ်ကြားထားသည့် တိုင်းရင်းသား လက်နက်ကိုင်အဖွဲ့ ၁၁ ဖွဲ့ရှိပြီး ထိုအဖွဲ့များကို လေ့လာကြည့်ပါက လတ်တလောတွင် တိုက်ပွဲများ ပြင်းပြင်းထန်ထန် ဖြစ်ပွားနေသည့် အဖွဲ့များ ပါဝင်သည်ကို တွေ့ရှိရသည်။ အခြားအဖွဲ့များမှာ သြဇာကြီးပြီး အင်အားတောင့်တင်းသည့် လက်နက်ကိုင် တပ်ဖွဲ့များဖြစ်သည်။

သတ်ဖြတ်ခံရသူ လေးဦး အတွက် ဆုတောင်းပွဲကျင်းပ

(RFA)

အသတ်ဖြတ်ခံလိုက်ရတဲ့ ကချင်တိုင်းရင်းသူ စေတနာ့ ၀န်ထမ်းဆရာမနှစ်ဦး၊ လက်ပံတောင်းဒေသခံ ဒေါ်ခင်ဝင်း နဲ့ အလွတ်သတင်းထောက် ကိုပါကြီးတို့ အတွက် အောက်မေ့ဖွယ်အခမ်းအနားတစ်ရပ်ကို ရန်ကုန်မြို့ စမ်းချောင်းမြို့နယ် တီးတိန်ချင်း နှစ်ခြင်း အသင်းတော်ခန်းမမှာ ကျင်းပခဲ့ပါတယ်။
အသတ်ခံရတဲ့ ကချင်ဆရာမနှစ်ဦး သေဆုံးတဲ့ရက် ၁၀၀ ပြည့်မှာ ဆုတောင်းပွဲ ကျင်းပတာဖြစ်တယ်လို့ ဂရုဏာရှင်အမျိုးသမီးကွန်ရက်က ဒါရိုက်တာ အမ်ဂျာဆိုင်း က ပြောပါတယ်။

ကိုးကန့်ဘက်က လက်နက်ကျည် မကျဖို့ တရုတ် ထပ်မံသတိပေး

(VOA)

မြန်မာ တရုတ်နယ် စပ်မှာ မြန်မာစစ်တပ်နဲ့ ကိုးကန့်လက်နှက်ကိုင်တပ်တွေ တိုက် ပွဲတွေဖြစ်နေကြ တာမှာ တရုတ်နိုင်ငံ ထဲ လက်နက်ကြီးကျည်တွေ တရုတ်နိုင်ငံ ဘက် ကျ မလာစေ ဖို့တရုတ် အစိုးရက မြန်မာအစိုးရကို ဒီကနေ့ ထပ်ပြီး သတိပေး သွားပါတယ်။ ကိုးကန့်နဲ့ဖြစ်နေတဲ့ နယ်စပ်တိုကိပွဲကနေ တရုတ်နိုင်ငံဖက်ကို လက်နှက်ကြီး ကျည်ဆံတွေ ထပ်ပြီးကျလာခဲ့ပြီးနောက် အခုလို တရုတ်တို့ ထပ်ပြီးသတိပေးသွားတာပါ။
သိပ်မကြာခင်တုန်းကပဲ မြန်မာဘက်က လက်နှက်ကြီး ကျည်တွေ ကျလာခဲ့တယ်၊ နေအိမ် အဆောက်အဦးတွေ ထိခိုက်မှုရှိခဲ့ပေမယ့် ကံကောင်းထောက်မစွာပဲ လူအသေအပျောက်မရှိခဲ့ဘူးလို့ တရုတ်နိုင်ငံခြားရေး ဝန်ကြီးဌာန ပြောခွင့်ရသူ Hong Lei က နေ့စဉ်ပုံမှန်သတင်းစာရှင်းလင်းပွဲမှာ ရက်အတိအကျမဖော်ပြပဲ ဒီကနေ့ပဲ ပြောသွားခဲ့ပါတယ်။

တိုင်းရင်းသား လက်နက်ကိုင် များဆွေးနွေးပွဲသို့ ကိုးကန့်အဖွဲ့မှ စစ်ဦးစီးချုပ် အပါအဝင် သုံးဦးတက်မည်

(Mizzima)

'ဝ' ပြည်သွေး စည်းညီညွတ်ရေး တပ်မတော် (UWSA) ဌာနချုပ် ပန်ဆန်းမြို့တွင် ကျင်းပမည့် တိုင်းရင်းသား လက်နက်ကိုင် အဖွဲ့ အစည်း များ ၏တွေ့ဆုံဆွေးနွေးပွဲ သို့မြန်မာ အမျိုးသား ဒီမိုကရေစီ မဟာမိတ် တပ်မတော် (MNDAA) မှ စစ်ဦးစီးချုပ်၊ ဒုစစ်ဦးစီးချုပ်နှင့်ပြောရေးဆို ခွင့်ရှိသူတို့ ကိုယ်စားလှယ် သုံးဦး တက်ရောက်ရန် ဧပြီ ၂၉ ရက်က ဆုံးဖြတ် လိုက်သည်။

တရုတ်-မြန်မာ နယ်စပ် တစ်နေရာတွင် ဧပြီ ၂၉ ရက်က ဗဟိုကော်မတီဝင် ၁၅ ဦး တစ်နေကုန် အစည်း အဝေး လုပ်ပြီး ဆုံးဖြတ် ခဲ့ခြင်းဖြစ်သည်။  စစ်ဦးစီးချုပ် ဖုန်တာရွှင်၊ ဒုတိယ စစ်ဦးစီးချုပ် ရန်ဝင် ကျိုးနှင့်ပြောရေးဆို ခွင့်ရှိသူ ဦးထွန်းမြတ်လင်းတို့ သုံးဦး တက်ရောက် မည်ဖြစ်သည်။

သျှမ်းပြည်မြောက်ပိုင်း ပြည်ထောင်စုလမ်းမကို TNLA ယာယီထိန်းချုပ်

(သျှမ်းသံတော်ဆင့်)

သျှမ်းပြည်မြောက်ပိုင်း မန္တလေး လားရှိုး မူစယ် တရုတ်နယ်စပ် ကို ဆက် သွယ်ထားသည့် ပြည်ထောင်စုလမ်းမ မူစယ်-ကွတ်ခိုင်လမ်းပိုင်းအား TNLA ခေါ် တအာင်း(ပလောင်)တပ်မတော်က ယနေ့မနက်ပိုင်းက ယာယီထိန်းချုပ်လိုက်သည်။

TNLA လက်နက်ကိုင်တပ်ဖွဲ့မှ ပြည်ထောင်စုလမ်း၏ ကွတ်ခိုင် - မူစယ် လမ်း ပိုင်း အား ယနေ့ ဧပြီ ၂၉ ရက် နံနက်ခင်းပိုင်းတပိုင်းလုံး ထိန်းချုပ် ကာ ဖြတ် သန်း သွားလာသည့် ခရီးသွားကားများ ကုန်တင် ယာဉ် များအား အခွန် အခ စောင့်ဆိုင်းကောက်ခံ ခဲ့သည်ဟု ကားသမား ကိုအောင်အောင် က ပြောပါ သည်။

Wednesday, April 29, 2015

လက်ပူတိုက် ငြိမ်းချမ်းရေး မဖြစ်စေဖို့

(VOA)

ဒီတပတ် မြန်မာ့မျက်မှောက်ရေးရာ အစီအစဉ်မှာ မကြာခင်က ရရှိလိုက်တဲ့ အပစ်အခတ်ရပ်စဲရေး သဘောတူညီချက်ကနေ စစ်မှန်တဲ့ ငြိမ်းချမ်းရေး ဖြစ်ထွန်းလာနိုင်ပါ့မလားဆိုတာ လူအတော်များများ သံသယ ရှိကြတာကို တွေ့ရပါတယ်။ တကယ့်အလားအလာ ဘယ်လို ဖြစ်လာနိုင်ပါသလဲ လက်ပူတိုက် ငြိမ်းချမ်းရေး မဖြစ်ရလေအောင် ဘယ်လိုလုပ်သင့်ပါသလဲ။ ညီညွတ်သော တိုင်းရင်းသားများ မဟာမိတ်အဖွဲ့ ခေါင်းဆောင်တဦးဖြစ်တဲ့ ဦးစိုင်းညွန့်လွင်နဲ့ မြန်မာငြိမ်းချမ်းရေးစင်တာ (Myanmar Peace Center) အဖွဲ့ဝင် ဒေါက်တာ အင်ဒရူး ငွန်ကျုံးလျန် ("Andrew" Ngun Cung Lian) တို့နဲ့ ဦးကျော်ဇံသာ ဆွေးနွေးသုံးသပ်ထားပါတယ်။

ကိုးကန့် တိုက်ပွဲ စစ်ရေး သုံးသပ်ချက်

စစ် တခုလုံး Theater of War ကို ခြုံ ပြီး ပြောရ ရင် တော့ ကိုးကန့်  က အသာစီး ရနေ တယ်။
မြန်မာ စစ် တပ်ရှုံး ပြီး ကိုးကန့် နိင်တယ်လုို့  ကောက်ချက်ချနိင်ပါတယ်။ 

ဒီလုိုရရတဲ့ အကြောင်းကတော့ ပရပ်ရှား စစ်ပါရဂူ ကလေ့စ်ဝစ် က '' Defense in stronger than attack '' ခံစစ်က ထုိုးစစ် ထက် ပြင်းထန်တယ် ဆိုတဲ့ သီအိုရ ကို ကိုယ်တိုင်စစ် ကိုဦးစီး တိုက်ခဲ့ဘူး သူတိုင်း သိနိင်ကြပါ တယ်။ 

Friday, March 27, 2015

KIA ဒုစစ်ဦးစီးချုပ် ဗိုလ်ချုပ်ဂွန်မော်နှင့် တွေ့ဆုံခြင်း အပိုင်း (၂)

(ဧရာဝတီ)


သမ္မတဦးသိန်းစိန်နှင့် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့သည် ကချင် လွတ်မြောက်ရေးအဖွဲ့(KIO)မှ အထွေထွေအတွင်းရေးမှူး ဒေါက်တာ လဂျာအပါအ၀င် KIO ကိုယ်စားလှယ်အဖွဲ့ကို နေပြည်တော်တွင် မတ်လ ၁၆ ရက် နေ့ က လက်ခံတွေ့ဆုံခဲ့ရာ ယင်းတွေ့ဆုံမှုသည် ပထမဆုံးအကြိမ်တွေ့ဆုံမှုဖြစ်ပြီး အပစ် အခတ်ရပ်စဲရေးနှင့် ငြိမ်းချမ်းရေး အခွင့် အလမ်းများစွာ ပွင့်လန်းလာသည်ဟု ဝေဖန်သုံးသပ်မှုများပေါ်ထွက် လျက် ရှိရာ ဧရာဝတီအယ်ဒီတာချုပ် ဦးအောင်ဇော် က ရန်ကုန်မြို့တွင် ရောက်ရှိနေသည့် KIO ကိုယ်စားလှယ်တဦးဖြစ်သူ ကချင်လွတ်လပ်ရေး တပ်မတော် (KIA) မှ ဒုတိယစစ်ဦးစီးချုပ် ဗိုလ်ချုပ်ဂွန်မော်ကို သွားရောက်တွေ့ဆုံမေးမြန်းထားပါသည်။

KIA ဒုစစ်ဦးစီးချုပ် ဗိုလ်ချုပ်ဂွန်မော်နှင့် တွေ့ဆုံခြင်း အပိုင်း (၁)

(ဧရာဝတီ)

သမ္မတဦးသိန်းစိန်နှင့် ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်တို့သည် ကချင် လွတ်မြောက်ရေးအဖွဲ့(KIO)မှ အထွေထွေအတွင်းရေးမှူး ဒေါက်တာ လဂျာအပါအ၀င် KIO ကိုယ်စားလှယ်အဖွဲ့ကို နေပြည်တော်တွင် မတ်လ ၁၆ ရက် နေ့ က လက်ခံတွေ့ဆုံခဲ့ရာ ယင်းတွေ့ဆုံမှုသည် ပထမဆုံးအကြိမ်တွေ့ဆုံမှုဖြစ်ပြီး အပစ် အခတ်ရပ်စဲရေးနှင့် ငြိမ်းချမ်းရေး အခွင့် အလမ်းများစွာ ပွင့်လန်းလာ သည် ဟု ဝေဖန်သုံးသပ်မှုများပေါ်ထွက် လျက် ရှိရာ ဧရာဝတီအယ်ဒီတာချုပ် အောင်ဇော် က ရန်ကုန်မြို့တွင် ရောက်ရှိနေသည့် KIO ကိုယ်စားလှယ်တဦးဖြစ်သူ ကချင်လွတ်လပ်ရေး တပ်မတော် (KIA) မှ ဒုတိယစစ်ဦးစီးချုပ် ဗိုလ်ချုပ်ဂွန်မော်ကို တွေ့ဆုံမေးမြန်းထားပါသည်။
မေး။     ။ KIA ကိုယ်စားလှယ်တွေနဲ့ သမ္မတကြီး ဦးသိန်းစိန် နေပြည်တော်မှာ ပထမဆုံးအကြိမ် တွေ့ဆုံခဲ့တယ်။ သမ္မတ ကိုယ်တိုင်က လက်ခံတွေ့ဆုံတယ်ဆိုတော့ ငြိမ်းချမ်းရေးအတွက် အလားအလာ ကောင်းနေပြီဆိုတဲ့ သုံးသပ်ချက်တွေ ထွက်နေတာ တွေ့ရပါတယ်။ အဲ့ဒီ ဆွေးနွေး ပွဲ ရဲ့ရလဒ်၊ ဆွေးနွေးပွဲပုံစံ ဘယ်လို ဖြစ်သွားတယ်ဆိုတာ ကျနော်တို့ သိလို့ ရမလား ခင်ဗျ။

Wednesday, March 25, 2015

ကေအိုင်အေ နှင့် တပ်မတော်တိုက်ပွဲများကြောင့် အပစ်ရပ်စာချုပ်ရေးထိုးရေး မပျက်ပြားနိုင်ဟုဆို

(Mizzima)

တစ်နိုင်ငံလုံးအပစ်ရပ်ရေး ဆွေးနွေးနေချိန်တွင် ကချင်လွတ်မြောက်ရေးတပ်မတော် (ကေအိုင်အေ) နှင့် အစိုးရ တပ်မတော်တို့ တိုက်ပွဲများ ပြင်းထန်လျက်ရှိသော်လည်း ယင်းတိုက်ပွဲများကြောင့် တစ်နိုင်ငံလုံးအပစ်ရပ်စာချုပ် (NCA) ရေးထိုးရေးကို ပျက်ပြားစေနိုင်မည် မဟုတ်ဟု တစ်နိုင်ငံလုံး အပစ်ရပ်ရေး ညှိနှိုင်းရေးအဖွဲ့ (NCCT) အဖွဲ့ဝင် ခွန်ဥက္ကာက မတ် ၂၄ရက်က ပြောသည်။
"တိုင်းပြည်နဲ့နိုင်ငံတကာအခြေအနေ ပြည်တွင်းလူထုအခြေအနေ မလွဲမသွေ အပစ်အခတ်ရပ်စဲရေးကို ချုပ်ဆိုရတော့မယ်။ တောင်းဆိုချက်တွေအရ ချုပ်ဆိုတော့မယ် ဆိုတော့ လိုက်နာရတော့မယ်။ လိုက်နာရတော့မယ်ဆိုတော့ ပစ်နေတာ လျှော့သွားနိုင်တယ်။ ရပ်သွားနိုင်တယ်" ဟု ခွန်ဥက္ကာက ပြောသည်။

ကျောင်းသားသပိတ် ဖြိုခွင်းမှု၊ ကချင်ဆရာမများ အဓမ္ဓကျင့်ခံရမှု အစီရင်ခံစာများ UPR သို့တင်ပြ

(Mizzima)

 ပညာရေး ဥပဒေ ပြင်ဆင်ရေး တောင်းဆိုသည့် ကျောင်းသားသပိတ်ကို အကြမ်းဖက် ဖြိုခွင်းမှုနှင့် ကချင်ဆရာမနှစ်ဦးအပေါ် အဓမ္မကျင့်မှုများနှင့် ပတ်သက်ပြီး ရေးသားထားသည့် အစီရင်ခံစာကို UPR (Universal Period Review) အစီအစဉ်သို့ တင်ပြထားသည်ဟု အမျိုးသမီး အဖွဲ့ချုပ် (မြန်မာ) (WLB) ၏ အထွေထွေအတွင်းရေးမှုး ဒေါ်ဂျူလီယာက မဇ္ဈိမကို ပြောသည်။
UPR (Universal Period Review) သို့ လူ့အခွင့်အရေးဆိုင်ရာ အခြေအနေများကို လေးနှစ်တစ်ကြိမ် မတ်လအတွင်း အပြီးသတ်တင်ပြရခြင်း ဖြစ်သည်။
၎င်းက " စစ်ပွဲနှင့် လိင်ပိုင်းဆိုင်ရာ အကြမ်းဖက်မှု၊ ဆေးသုံးစွဲမှု၊ ငြိမ်းချမ်းရေး၊ ဒါတွေအပါအဝင် ခေါင်းစဉ်ငါးခု ရွေးပြီးရေးထားတယ်။ အဲဒီမှာ ကျောင်းသားသပိတ်ကို အကြမ်းဖက်ဖြိုခွဲတာလည်း ထည့်ရေးထားပါတယ် သူက နောက်ဆုံးဖြစ်တဲ့ အရာဆိုတော့ ခေါင်းစဉ်တစ်ခုအနေနဲ့ မဖော်ပြနိုင်ဘူးဖြစ်သွားတယ်" ဟု ဆိုသည်။

Tuesday, March 24, 2015

KIA နဲ့ မြန်မာတပ်ကြား တိုက်ပွဲတွေ ဆက်ဖြစ်

(VOA)

ကချင်ပြည်နယ် မန်စီဒေသဘက်မှာ မြန်မာစစ်တပ်နဲ့ ကချင်လွတ်မြောက်ရေး KIA တပ်တွေ တနင်္လာနေ့အထိ တိုက်ပွဲဆက်ပြီးဖြစ်နေပါတယ်။ တိုက်ပွဲကြောင့် တပ်ဖွဲ့ဝင်ကျဆုံးတဲ့ဦးရေကို နှစ်ဘက်စလုံးက တရားဝင်ထုတ်ပြန်ကြေညာခြင်းမရှိသေးပါဘူး။ အခုလို ထိုးစစ်တိုက်ပွဲတွေရပ်ပြီး စစ်မှန်တဲ့ငြိမ်းချမ်းရေးရဖို့ ဆက်လက် ကြိုးပမ်းဖို့လိုကြောင်း ကချင်ခေါင်းဆောင်တွေကပြောပါတယ်။ ဆက်သွယ်မေးမြန်းထားတဲ့ မအင်ကြင်းနိုင်က အသေးစိတ် တင်ပြပေးထားပါတယ်။
ကချင်ပြည်နယ်မှာ တနင်္လာနေ့ထိ တိုက်ပွဲတွေဆက်ပြီးဖြစ်နေတဲ့အခြေအနေနဲ့ပတ်သက်လို့ KIA ဒုဗိုလ်မှူးကြီးနော်ဘိုက ဗွီအိုအေကို အခုလိုပြောပါတယ်။

မြန်မာစစ်တပ်နဲ့ တိုင်းရင်းသားအဖွဲ့တွေ တိုက်ပွဲဆက်ဖြစ်

(VOA)

မြန်မာအစိုးရတပ်တွေနဲ့ တိုင်းရင်းသားလက်နက်ကိုင်တပ်တွေကြား ရှမ်းပြည်နယ်နဲ့ကချင်ပြည်နယ်တွင်းမှာ တိုက်ပွဲတွေ ဆက်တိုက်ဖြစ်နေပြီး မြန်မာ့ တပ်မတော်ဘက်က အင်အားအလုံးအရင်းနဲ့ ထိုးစစ်ဆင်နေပါတယ်။ ကွတ်ခိုင်နဲ့ကျောက်မဲမြို့တို့မှာလည်း တအာန်း ပလောင်တပ်တွေနဲ့ မြန်မာ့ တပ် မတော်တို့ တိုက်ပွဲတွေဖြစ်ခဲ့ပါတယ်။ ကချင်ဒေသဘက်မှာလည်း စစ်ရေးတင်းမာမှုရှိနေပါတယ်။ ကိုးကန့်ဒေသဘက်မှာတော့ မနေ့က တိုက်ပွဲ အခြေအနေ ငြိမ်နေပေမယ့် ကုန်းကြမ်းမြို့အနီးမှာ မြန်မာ့တပ်မတော်က နောက်တန်းပြန် တပ်ကားကို ကိုးကန့်လက်နက်ကိုင်တို့ဘက်က တိုက်ခိုက်ခဲ့ပါတယ်။ ဒီကနေ့မှာလည်း ကိုးကန့်ဒေသဘက်မှာ တိုက်ပွဲတွေဖြစ်ခဲ့ကြောင်း မသိင်္ဂီထိုက်က ဆက်သွယ်မေးမြန်းချိန်မှာ ကိုးကန့်လက်နက်ကိုင်တပ် MNDAA ရဲ့ ပြောခွင့်ရ ဦးထွန်းမြတ်လင်းက အခုလို စပြောပါတယ်။

ကေအိုင်အေ နှင့် တပ်မတော်တို့ သုံးရက်မြောက်တိုက်ပွဲဖြစ်ပွားနေ

(Mizzima)

ကချင်ပြည်နယ် ဗန်းမော်ခရိုင် မန်စီမြို့နယ်အတွင်း ကချင်လွတ်လပ်ရေးတပ် (KIA) ၏တပ်မဟာ ၃ လက်အောက်ခံ တပ်ရင်း ၂၇ နယ်မြေ အတွင်းမြန်မာ အစိုး ရ တပ်မတော်နှင့် မတ်လ ၂၃ ရက် နံနက် ၆ နာရီက သုံးရက်မြောက် တိုက်ပွဲ ဆက်လက်ဖြစ် ပွားနေသည်ဟု KIA ကပြောသည်။
မတ်လ ၂၁ ရက်မှ စတင်၍ အစိုးရ  စစ်တပ်က ထိုးစစ်ဆင် တိုက်ခိုက် ခဲ့ပြီး ၂၂ ရက်တွင် KIA ၏ တပ်စခန်း ရှိရာ မန်စီမြို့နယ်  မဒန်ယန်နှင့် ကိုင်ထိပ်ကျေးရွာ အကြားရှိ မထပ်ဒူးခိုကျေးရွာတွင် အစိုးရ စစ်တပ်၏ တိုက်လေယာဉ်ဖြင့် အကြိမ်ပေါင်း ၂၀ကျော် ဗုံးကျဲ တိုက်ခိုက် ခဲ့သလို၊ ၂၃ ရက်တွင် လည်းနှစ် ဖက်မြေပြင် တိုက်ပွဲ ဆက်လက်ဖြစ် ပွားနေဆဲဖြစ် သည်ဟု KIA တပ်ရင်း ၂၇ တပ်ရင်းမှူး ဗိုလ်မှူးကြီး ဂျွန်းအောင်က မဇ္ဈိမ ကိုပြောသည်။

ရန်ကုန်မှာ ငြိမ်းချမ်းရေး ဆွေးနွေးနေစဉ် KIA ကို အစိုးရတပ် ထိုးစစ်ဆင်

(ဧရာဝတီ)

ရန်ကုန်မြို့မှာ အစိုးရနဲ့ တိုင်းရင်းသား လက်နက်ကိုင် အဖွဲ့များ ငြိမ်းချမ်းရေး ဆွေးနွေးနေစဉ် ကချင်လွတ်လပ် ရေး တပ်မတော် (KIA)ကို အစိုးရ တပ်မတော်က မတ်လ ၂၁ ရက်က စပြီး တိုက်လေယာဉ်တွေနဲ့ အသုံးပြုတိုက်ခိုက်နေကြောင်း သတင်း ရရှိပါတယ်။

ကချင်ပြည်နယ် ဗန်းမော်ခရိုင် မန်စီမြို့နယ်အတွင်းမှာရှိတဲ့ KIA တပ်မဟာ (၃) လက်အောက်ခံ တပ်ရင်းတွေကို အစိုးရ တပ်က မတ်လ ၂၁ ရက်နဲ့ ၂၂ ရက်မှာ စတင်ပြီး တိုက်လေယာဉ်တွေ အသုံးပြု တိုက်ခိုက်နေတယ်လို့ ကချင် လွတ်လပ်ရေး အဖွဲ့(KIO) ငြိမ်းချမ်းရေး ဆွေးနွေးပွဲဆိုင်ရာ အကြံပေးအဖွဲ့ ပြောခွင့်ရ ပုဂ္ဂိုလ် ဦးဒေါင်ခါးက ဧရာဝတီကို ပြောပါတယ်။

Monday, March 23, 2015

KIA ကချင်တပ်အပေါ် အစိုးရတပ် လေကြောင်းနဲ့ ထိုးစစ်ဆင်

(VOA)

ဗန်းမော်ခရိုင်ထဲက ကချင်လွတ်မြောက်ရေးအဖွဲ့ရဲ့ လက်နက်ကိုင် KIA စခန်း တခုကို မြန်မာ အစိုးရတပ်တွေက စနေနေ့ကတည်းက စတင် ထိုးစစ်ဆင်နေပါတယ်။ ဗန်းမော်ခရိုင် မန်စီမြို့နယ်ထဲက KIA တပ်တွေရှိတဲ့ နေရာတွေအပေါ်လက်နက်ကြီးတွေ လေကြောင်းတိုက်ခိုက်မှုတွေနဲ့ တိုက်ခိုက်ခဲ့တယ်လို့ KIAဘ က်က VOA မြန်မာပိုင်းကို ပြောပါတယ်။ ကချင်လွတ်မြောက်ရေးအဖွဲ့ ကိုယ်စားလှယ်တွေနဲ့ မြန်မာ သမ္မတ၊ ကာကွယ်ရေး ဦးစီးချုပ်တို့ရဲ့
သမိုင်းဝင်တွေ့ဆုံပွဲ အပြီး ရက်ပိုင်းအကြာနဲ့ တိုင်းရင်းသားလက်နက်ကိုင် တပ်တို့နဲ့ မြန်မာအစိုးရ ငြိမ်းချမ်းရေး ကိုယ်စားလှယ် အဖွဲ့တို့ကြား တွေ့ဆုံ ဆွေးနွေးမှုတွေ လုပ်ဆောင်နေတဲ့ ကာလအတွင်းမှာ အခုလို တိုက်ပွဲတွေကြောင့် အပစ်ရပ်ရေး ဆွေးနွေးပွဲအပေါ်သက်ရောက်မှု ရှိနိုင်သလား ဆိုတာတွေကိုတော့ မသိင်္ဂီထိုက်က ဆက်သွယ်မေးမြန်းထားပါတယ်။

မြန်မာတပ်သားတဦး ကိုးကန့်တပ် ဖမ်းမိ

(VOA)

ကိုးကန့် လက်နက်ကိုင်တပ်နဲ့ မြန်မာအစိုးရ တပ်တို့ကြား လတ်တလော ကာလမှာ လော်ကွာချိုင်းဒေသ တဝိုက်နဲ့ ရှင်ကုတ် ထန်ဒေသတဝိုက် မှာ တိုက်ပွဲတွေ ပြင်းထန်ခဲ့ပြီး ဒီကနေ့မှာတော့ တိုက်ပွဲတွေ မရှိပေမယ့် နှစ်ဘက် အသင့် အနေအထားမှာရှိနေပါတယ်။ နောက်ပြီး ဒီလ (၉) ရက်နေ့က လုံထန်တဝိုက်နဲ့ ဆီကော်ရန်ကျေးရွာ အနီး နှစ်ဘက် တိုက်ပွဲတွေအတွင်း မြန်မာ့တပ်မတော်ဘက်က တပ်သားတဦးကို အရှင်ဖမ်းမိထားပြီး စစ်သုံ့ပန်းအဖြစ် ကောင်းကောင်းမွန်မွန်စောင့်ရှောက်ထားတယ်လို့လည်း ကိုးကန့်လက်နက်ကိုင်တို့ရဲ့ပြောခွင့်ရ ဦးထွန်းမြတ်လင်းက ဒီကနေ့မှာ ပြောပါတယ်။ မသိင်္ဂီထိုက်က ဆက်သွယ်မေးမြန်းချိန်မှာ သူက အခုလို စပြောပြပါတယ်။

မတရားအသင်းနှင့် ဆက်သွယ်မှု၊ ဖောက်ခွဲမှုများဖြင့် စွပ်စွဲကာ ထောင် နှစ် ၂၀ ကျော် ကျနေသည့် ကချင်ဒုက္ခသည် သုံးဦးအတွက် အယူခံဝင်မည်

(Mizzima)

 မတရားအသင်းနှင့် ဆက်သွယ်မှု၊ ဖောက်ခွဲမှုတို့ဖြင့် ထောင်ဒဏ် ၂၀ နှစ်ကျော် အကျဉ်းကျနေသော ကချင် စစ်ပြေးဒုက္ခသည် ဦးလဖိုင်ဂမ်၊ ဦးဘရန်ရုန်းနှင့် ဦးလရိန်တို့အမှု နောက်ဆုံး အယူခံကို လာမည့် မတ်လ ၂၃ ရက်တွင် လျှောက်လဲချက် တင်သွင်းမည်ဟု တရားလွှတ်တော် ရှေ့နေ ဦးအောင်သိန်းက ပြောသည်။
ပြီးခဲ့သည့် ၂၀၁၄ ခုနှစ်ကုန်ပိုင်းက ပြည်ထောင်စု တရားလွှတ်တော်ချုပ် အထူးခံရုံးသို့ တရားလွှတ်တော်ရှေ့နေ ဦးအောင်သိန်းက ၎င်းတို့အား ပြစ်ဒဏ်ချမှတ်မှုအပေါ် ဥပဒေနှင့် မညီညွတ်သဖြင့် အယူခံ တင်သွင်းခဲ့ခြင်း ဖြစ်သည်။

Friday, March 20, 2015

ကိုးကန့်ဒေသမှာ မြန်မာစစ်တပ် အကျအဆုံးများ

(RFA)

မြန်မာနိုင်ငံမြောက်ပိုင်းက ကိုးကန့်ပြဿနာ နဲ့ ပတ်သက်ပြီး အစိုးရနဲ့ တိုင်းရင်းသားလက်နက်ကိုင် အဖွဲ့ ခေါင်းဆောင်တွေ သီးခြားအစီအစဉ်နဲ့ ဆွေးနွေးဖို့ သဘောတူခဲ့ကြပါတယ်။ အစိုးရနဲ့ တိုင်းရင်းသား လက်နက်ကိုင်အဖွဲ့ခေါင်းဆောင်တွေရဲ့ (၇) ကြိမ်မြောက် ညှိနှိုင်းဆွေးနွေးပွဲ တတိယနေ့ဖြစ်တဲ့ မနေ့က သဘောတူခဲ့ကြတာပါ။
ဆွေးနွေးပွဲ အဓိကအစီအစဉ်မှာ အပစ်အခတ်ရပ်စဲရေး သဘောတူမူကြမ်းက ထိပ်ဆုံးကို ရောက်နေတာကြောင့် တစ်ကြောင်း၊ ဆွေးနွေးပွဲမှာ နိုင်ငံတကာ သံတမန်တွေ ပါဝင်နေတာကတစ်ကြောင်းတို့ကြောင့် ကိုးကန့်ပြဿနာကို သီးခြားအစီအစဉ်နဲ့ ဆွေးနွေးဖို့အဆိုကို အစိုးရ ရဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ UPWC က သဘောတူခဲ့ တာ ဖြစ်တယ်လို့ တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့NCCT အဖွဲ့ဝင် ဗိုလ်မှူးကြီး ခွန်ဥက္ကာက ပြောပါတယ်။

အပစ်ရပ်စာချုပ်တွင် “တော်လှန်ရေး” စာလုံးကို ထည့်သွင်း အသုံးပြုရန် သဘောတူညီချက် ရရှိ

(ဧရာဝတီ)

တနိုင်ငံလုံး အပစ်ရပ်စာချုပ်(NCA) တွင် တိုင်းရင်းသားအဖွဲ့များ ၏အမည်ကို တိုင်းရင်းသား လက်နက်ကိုင် တော်လှန်ရေး အဖွဲ့များဟူ၍ ထည့်သွင်းရန် အစိုးရမှ သဘောတူညီလိုက်ပြီဟု သတင်းရရှိသည်။
ထိုသဘောတူညီချက် ရရှိခြင်းနှင့် ပတ်သက်ပြီး မတ်လ ၁၉ ရက်က ရန်ကုန်မြို့ ရွှေလီလမ်းရှိ မြန်မာနိုင်ငံ ငြိမ်းချမ်းရေး ပြန်လည် ထူထောင်ရေး လုပ်ငန်းဗဟိုဌာန(MPC)တွင် ပြုလုပ်သည့် အစိုးရ ကိုယ်စားလှယ်များနှင့် တနိုင်ငံလုံး အပစ်အခတ် ရပ်စဲရေး ဆိုင်ရာ ညှိနှိုင်းရေး အဖွဲ့(NCCT) တို့၏ NCA ၇ ကြိမ်မြောက် ဆွေးနွေးပွဲ တတိယရက်အပြီးတွင် NCCT ကိုယ်စားလှယ်များ က ပြောဆိုခြင်း ဖြစ်သည်။

အီးယူအဖွဲ့ဝင်နိုင်ငံမှ ကိုယ်စားလှယ်များ ကချင်သို့ သွားရောက်

(Mizzima)

ဘယ်လ်ဂျီယမ်၊ ချက်သမ္မတနိုင်ငံ၊ ဒိန်းမတ်၊ ပြင်သစ်၊ ဂျာမနီ၊ နယ်သာလန်၊ ပိုလန်၊ ယူကေနှင့် အီးယူ ကိုယ်စားလှယ်အဖွဲ့တို့သည် ကချင်ပြည်နယ်သို့ သုံးရက်ကြာ ခရီးစဉ်တစ်ခု သွားရောက်ခဲ့ပြီး ငြိမ်းချမ်းရေး လုပ်ငန်းစဉ်များနှင့် ရှေ့လာမည့် အထွေထွေရွေးကောက်ပွဲများ အကြောင်းတို့ကို အဓိကဆွေးနွေးခဲ့သည်ဟု အီးယူက မတ် ၁၉ ရက်တွင် သတင်းထုတ်ပြန်လိုက်သည်။

အီးယူကိုယ်စားလှယ်များသည် ကချင်ပြည်နယ်ဝန်ကြီးချုပ်နှင့် ၎င်း၏အစိုးရအဖွဲ့၊ ကေအိုင်အို၊ ကချင်ပြည်နယ် ရွေးကောက်ပွဲကော်မရှင်၊ ကချင်ပြည်နယ်အရပ်ဘက်လူ့အဖွဲ့အစည်းနှင့် ဘာသာရေး အခြေပြုအဖွဲ့အစည်းများ၊ ကချင်စီးပွားရေးလုပ်ငန်းရှင်များ၊ နိုင်ငံတကာအကျိုးအမြတ် မယူသည့် အဖွဲ့အစည်းများအပြင် ကချင်ပြည်နယ်တွင် လှုပ်ရှားနေသော လူမျိုးစုအခြေပြုနိုင်ငံရေး ပါတီများနှင့် တွေ့ဆုံဆွေးနွေးမှုများ ပြုလုပ်ခဲ့ပြီး ပြည်တွင်းနေရပ်စွန့်ခွာထွက်ပြေးရသည့်ဒုက္ခသည် ၂,၂၀၀ ကျော်ကို လက်ခံထားရှိသည့် Maina KBC စခန်းသို့လည်း သွားရောက်ခဲ့ကြသည်။

Thursday, March 19, 2015

ကိုးကန့်အပေါ် မြန်မာတပ် ပြင်းထန်စွာထိုးစစ်ဆင်

(VOA)

မြန်မာစစ်တပ်အနေနဲ့ ကိုးကန့်လက်နက်ကိုင်တပ်ဖွဲ့ကို နိုင်ငံရပ်ခြားက ကျူးကျော်စစ် သဏ္ဍာန်ထားပြီးတော့ အပြင်းအထန် ထိုးစစ်ဆင်နေတာကြောင့် ဒီလုပ်ရပ်မျိုးတွေကို ရပ်ပြီးတော့ ပြဿနာတွေကို တွေ့ဆုံ ဆွေးနွေး အဖြေရှာသင့်တယ်လို့ MNDAA ကိုးကန့်တပ်ဖွဲ့ဘက်က ပြောဆိုလိုက်ပါတယ်။
ကိုးကန့်လူမျိုးတွေဟာ ဖွဲ့စည်းပုံအရ မြန်မာလူမျိုး တိုင်းရင်းသားထဲမှာ ပါဝင်တယ်လို့ ကိုးကန့်တပ်ဘက်က ရည်ညွှန်းပြောဆိုခဲ့တာပါ။ လက်ရှိအားဖြင့်တော့ ကိုးကန့်ဒေသမှာ နှစ်ဘက်တိုက်ပွဲတွေ ပြင်းထန်နေပြီးတော့ ထိခိုက်ကျဆုံးမှုတွေလည်း ရှိတယ်လို့ သိရပါတယ်။ ဆက်သွယ်မေးမြန်းထားတဲ့ ကိုဝင်းမင်း က တင်ပြထားပါတယ်။

တရုတ်နယ်စပ် ကျော်ပြီး လောင်တဲ့ ကိုးကန့်စစ်မီး ဘယ်လိုငြှိမ်းမလဲ

(ဧရာဝတီ)

ရှမ်းပြည်နယ် အရှေ့မြောက်ပိုင်း တရုတ်-မြန်မာနယ်စပ် ကိုးကန့်ဒေသမှာ တကျော့ပြန် လောင်မြိုက်နေတဲ့ စစ်မီးဟာ တလကြာမြင့်လာပြီး နှစ်ဖက် အကျအဆုံး တိုးလာသလို ပြီးခဲ့တဲ့ ရက်သတ္တပတ်အတွင်းမှာတော့ တရုတ်ပြည်ဘက်ကိုပါ ကူးစက်လာခဲ့ပါတယ်။ ပြီးခဲ့တဲ့အပတ်က တရုတ်နိုင်ငံဘက်ကို မြန်မာ့လေတပ်မတော်က ကြဲချခဲ့တယ်ဆိုတဲ့ ဗုံးကြောင့် တရုတ်နိုင်ငံသား ၄ ဦး သေဆုံးခဲ့ပြီး ၉ ဦး ဒဏ်ရာရသွားခဲ့ပြီးနောက် ဘေဂျင်း အစိုးရ ဒေါသထွက်ကာ တရုတ်ထိပ်တန်း အစိုးရအရာရှိတွေနဲ့ စစ်ဘက်အရာရှိကြီးတွေက မြန်မာအစိုးရကို ပြင်းပြင်းထန်ထန် သတိပေးမှုတွေ လုပ်လာပါတယ်။

မြန်မာအစိုးရ သတင်းစာများရဲ့ အဆိုအရ ကိုးကန့်လက်နက်ကိုင်များနဲ့ အစိုးရတပ်အကြား တရုတ်-မြန်မာ နယ်စပ်အနီး လွန်ခဲ့တဲ့ ရက်သတ္တပတ် အတွင်း တိုက်ပွဲတွေ ပြင်းထန်နေခဲ့ပြီး လေကြောင်း က ပစ်ခတ်မှုများ လည်း ရှိနေကြောင်း သိရပါတယ်။ တရုတ်အစိုးရရဲ့ ဆင်ဟွာသတင်းဌာနက တရုတ် နယ်စပ်မြို့ လင်ချန်း မြို့တွင်းကို မတ်လ ၁၃ ရက် သောကြာနေ့က ဗုံးကျခဲ့တယ်လို့ သတင်းဖော်ပြပါ တယ်။ နေပြည်တော် သမ္မတရုံး ညွှန်ကြားရေးမှူး ဦးဇော်ဌေးက မီဒီယာတွေကိုပြောဆိုရာမှာ တရုတ် တွေပေးတဲ့ အချက်အလက်တွေအပေါ် စစ်ဆေး တွက်ချက်မှုတွေအရ ဒါဟာ မြန်မာ့တပ်မတော်လေရဲ့ လက်ချက်မဟုတ်ဘူးလို့ ငြင်းဆိုပြီး ကိုးကန့် သူပုန်တွေရဲ့ လက်ချက်လို့ ပြောခဲ့ပါတယ်။

၇ ကြိမ်မြောက် အပစ်ရပ် ဆွေးနွေးပွဲ၌ တပ်ပိုင်းဆိုင်ရာ ပြေလည်မှု တချို့ရရှိ

(ဧရာဝတီ)

အစိုးရ ကိုယ်စားလှယ်များနှင့် တိုင်းရင်းသား လက်နက်ကိုင် ခေါင်းဆောင်များ၏ ရန်ကုန်မြို့တွင် ယနေ့ ကျင်းပသော တနိုင်ငံလုံး ပစ်ခတ် တိုက်ခိုက်မှု ရပ်စဲရေးစာချုပ်(NCA) ဆွေးနွေးပွဲ၌ တပ်ပိုင်းဆိုင်များ ညှိနှိုင်းရာတွင် ပြေလည်မှုတချို့ရရှိကြောင်း နှစ်ဖက် ကိုယ်စားလှယ်များက ပြောသည်။

ရန်ကုန်မြို့ရှိ မြန်မာနိုင်ငံ ငြိမ်းချမ်းရေး ပြန်လည် ထူထောင်ရေး ဌာန(MPC) တွင် ပြုလုပ်သည့် ၇ ကြိမ်မြောက် NCA ဆွေးနွေးပွဲ ဒုတိယရက် ယနေ့တွင် ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ (UPWC ) နှင့် တနိုင်ငံလုံး အပစ်အခတ် ရပ်စဲရေး ဆိုင်ရာ ညှိနှိုင်းရေး အဖွဲ့(NCCT) တို့ တွေ့ဆုံ ဆွေးနွေးခြင်း ဖြစ်သည်။

ကိုးကန့်ဒေသ တိုက်ပွဲဆက်

(RFA)

ရန်ကုန်မှာ အစိုးရနဲ့ တိုင်းရင်းသား လက်နက်ကိုင် အဖွဲ့တွေကြား ငြိမ်းချမ်းရေးဆွေးနွေးနေချိန်အတွင်း MNDAA ကိုးကန့်လက်နက်ကိုင်အဖွဲ့နဲ့ အစိုးရစစ်တပ် ကြား တိုက်ပွဲတွေဆက်လက်ဖြစ်ပွားနေပါတယ်။
လောက်ကိုင်မြို့အရှေ့ဘက် ခုတ်ထန်ဒေသမှာ ဗျူဟာ အရ အရေးကြီးတဲ့တောင်ကုန်းတွေမှာ နှစ်ဖက်တပ်တွေ တိုက်ပွဲဖြစ်ခဲ့ပါတယ်။ အစိုးရစစ်တပ်ဘက်က သတင်း ထုတ်ပြန်ရာမှာ မတ်လ ၁၆ ရက်နေ့ တိုက်ပွဲအပြီး ကိုးကန့်တပ်သားအလောင်း သုံးလောင်း၊ မူးယစ်ဆေးဝါး နဲ့ လက်နက်အချို့ သိမ်းဆည်းရမိတယ်လို့ သိရပါတယ်။

တရုတ်-မြန်မာ ဆက်ဆံရေး နှင့် ကိုးကန့် ဂယက်

(VOA)

ဒီတပတ် မြန်မာ့မျက်မှောက်ရေးရာ အစီအစဉ်မှာ မြန်မာ့တပ်မတော်က ကိုးကန့် ဦးဖုန်ကျားရှင်တို့ တပ်ဖွဲ့တွေကို တရုတ်နဲ့ ချိတ်ဆက်ဖို့ လုပ်နေတာဟာ အမေရိကန်စစ်တပ်နဲ့ ဆက်ဆံရေးကောင်းချင်တဲ့ ရည်ရွယ်ချက်ရှိတယ်လို့ တရုတ်-မြန်မာအရေး စောင့်ကြည့်လေ့လာသူ ဒေါက်တာလှကျော်ဇော က ဆိုပါတယ်။ အသေးစိတ်ကို ဒေါက်တာလှကျော်ဇော နဲ့ ဦးကျော်ဇံသာတို့ ဆွေးနွေးသုံးသပ်ထားပါတယ်။

ဦးကျော်ဇံသာ ။ ။ ကျနော်တို့ နားလည်တာက စစ်ဆိုတာ ပြဿနာတခုကို နိုင်ငံရေးနည်းနဲ့ ဖြေရှင်းလို့ မရတဲ့အခါမှာ နောက်ဆုံး အသုံးချတဲ့ နည်းလမ်းလို့ ကြားဖူးပါတယ်။ နားလည်ပါတယ်။ ဆိုတော့ အခု ကိုးကန့်ပြဿနာဟာ ဘယ်လောက်များ ခက်ခဲနေလို့၊ နိုင်ငံရေးနည်းနဲ့ ဖြေရှင်းမရလို့ တိုက်ကြတယ်လို့ ထင်ပါလဲ။ ဒေါ်လှကျော်ဇောရဲ့  အမြင်ကို ပထမဦးဆုံး ကြားချင်ပါတယ်။